İoan 16:30 - Ени Бааланты

³⁰ Шинди аннээрыз, ани билерсин хепсини, да диил лӓӓзым, ки сорсун Сана биркимсей бишей, онуштан инанэрыз, ани Аллахтан гелдин».

Enі Baalantı

³⁰ Şindi annêêrız, ani bilersin hepsini, da diil lääzım, ki sorsun Sana birkimsey bişey, onuştan inanêrız, ani Allahtan geldin».

İoan 16:30 Referans Kwoze

İoan 21:17

Ӱчӱнӂӱ сыра сорду она: «Симон, Иоанын оолу! Северсин ми сӓн Бени?» Петри гӱчленди, ани ӱчӱнӂӱ сыра хеп буну сорду: «Северсин ми Бени?» да ӂувап етти: «Сааби! Сӓн хепсини билерсин. Сӓн билерсин, ани бӓн северим Сени». Иисус деди она: «Отлат Беним койуннарымы.

Çıfıtlara 4:13

Йарадылмышлардан хич кимсей Аллахтан сакланамаз. Онун гӧзлеринин ӧнӱндӓ хепси айын-ачык. Она биз ӂувап вереӂез.

İoan 17:8

Сӧзлери, ани вердин Бана, Бӓн оннара вердим. Оннар каблеттилӓр да хакына таныдылар, ани Сендӓн чыкып, гелдим, да инандылар, ани Сӓн Бени йолладын.

İoan 16:17

Ачан ишиттилӓр бу лафлары, кимиси ӱӱрениӂилериндӓн дедилӓр бири-биринӓ: «Не истеер бизӓ демӓӓ бу лафларлан, ани бир парча вакыттан сора гӧрмейеӂениз Бени, сора бир парча вакыттан сора енидӓн гӧреӂениз, зерӓ Бӓн Бобама гидерим».

İoan 5:20

Зерӓ Боба север Оолуну да гӧстерер Она хепсини, не йапэр. О гӧстереӂек Она таа бӱӱк ишлӓр дӓ, ки сиз шаш-беш каласыныз.

İoan 2:11

Иисус йапты бу илк нышаны Галилейанын Кана кӱӱйӱндӓ. Бунуннан ачты Кенди метинниини, да ӱӱрениӂилери инандылар Она.

İoan 8:42

Иисус ӂувап етти оннара: «Олайды Аллах сизин Бобаныз, озаман севеӂейдиниз Бени, зерӓ Бӓн Аллахтан чыкып гелдим. Гелмедим Кенди башыма, ама О Бени йоллады.

İoan 16:23

О гӱндӓ сормайаӂэныз бишей Бана. Доору, доору сӧлеерим сизӓ, не дӓ истейеӂениз Беним адыма Бобадан, вереӂек сизӓ.

İoan 16:26

О гӱндӓ истейеӂениз Беним адыма. Демеерим, ани Бӓн йалвараӂам сизин ичин Бобайа.

İoan 16:31

Иисус ӂувап етти: «Шинди инанэрсыныз мы?