İoan 15:6 - Ени Бааланты

⁶ Еер биркимсей калмарсайды Бендӓ, о уурадылэр дышары да, ниӂӓ бир баа чыбыы, куруйэр. Бу чыбыклары топлээрлар да, атешӓ атып, йакэрлар.

Enі Baalantı

⁶ Eer birkimsey kalmarsaydı Bendä, o uuradılêr dışarı da, nicä bir baa çıbıı, kuruyêr. Bu çıbıkları toplêêrlar da, ateşä atıp, yakêrlar.

İoan 15:6 Referans Kwoze

Matfey 7:19

Хербир фидан, ани йапмээр ии мейва, кесилер да атешӓ атылэр.

İoan 15:2

Хербир чыбык, ани ӱзӱм йапмээр Бендӓ, ону кесер, ама хербир чыбык, ани ӱзӱм йапэр, ону паклээр, ки йапсын таа чок ӱзӱм.

Matfey 13:41

Адам Оолу йоллайаӂэк Кенди ангиллерини да топлайаӂэклар Онун Падишахлыындан хепсини, не гӱнаха дӱшӱрер хем ким законсузлук йапэр,

Matfey 3:10

Артык наӂак фиданнарын кӧкӱндӓ саплы дурэр. Хербир фидан, ани гетирмеер ии мейва, кесилеӂек да атешӓ атылаӂэк.

2 Petrіnіn 2:20

Еер, таныйып Сааби хем Куртарыӂы Иисус Христозу, куртулдусайдылар бу дӱннейин мындар ишлериндӓн, ама сора енидӓн долашарсайдылар хем буннарлан енсенмиш олурсайдылар, оннарын сон халы таа титси олаӂэк, некадар илкинкиси.

Çıfıtlara 10:27

Калэр, салт коркуйлан бекленилсин даава вакыды хем кызгын атеш, ани йок едеӂек душманнары.

Apokalіpsіs 20:15

Кимин ады йашамак кийадында йазылы олмады, о атеш гӧлӱнӓ атылды.

1 İoanın 2:19

Оннар чыктылар бизим арамыздан, ама диилдилӓр биздӓн. Олайдылар биздӓн, бизимнӓн дураӂэйдылар. Ама оннар чыктылар, ки белли олсун, ани оннар диил хепси биздӓн.

Matfey 27:5

Иуда атты гӱмӱшлери Айоз бина ичинӓ, сора гитти да асылды.

Apokalіpsіs 21:8

Ама коркаклар, инансызлар, ииренч оланнар, ӧлдӱрӱӂӱлӓр, ороспулук еденнӓр, бӱӱӂӱлӓр, идоллара баш иилденнӓр хем хепси йаланӂылар, оннарын пайлары гӧлдӓ, ани атеш хем кӱкӱртлӓн йанэр. Бу – икинӂи ӧлӱм».