İoan 15:21 - Ени Бааланты

²¹ Хепсини буннары йапаӂэклар сизӓ Беним адымын бетеринӓ, зерӓ оннар танымээрлар Ону, Ким Бени йоллады.

Enі Baalantı

²¹ Hepsini bunnarı yapaceklar sizä Benim adımın beterinä, zerä onnar tanımêêrlar Onu, Kim Beni yolladı.

İoan 15:21 Referans Kwoze

Matfey 10:22

Беним адым ичин сиздӓн хепси азетмейеӂек, ама ким биткийӓдӓн дайанаӂэк, о куртулаӂэк.

İoan 16:3

Бӧлӓ йапаӂэклар, зерӓ танымадылар не Бобайы, не дӓ Бени.

İoan 8:19

Озаман оннар сордулар: «Нередӓ Сенин Бобан?» Иисус ӂувап етти: «Сиз танымээрсыныз не Бени, не Бобамы. Еер таныйайдыныз Бени, таныйаӂэйдыныз Бобамы да».

Matfey 24:9

Озаман зеетлейеӂеклӓр сизи хем ӧлдӱреӂеклӓр, хем Беним адым ичин хепси миллетлӓр сиздӓн азетмейеӂек.

Matfey 10:18

Беним бетеримӓ чыкараӂэклар кулланыӂыларын хем падишахларын ӧнӱнӓ, ки шаатлык едӓсиниз оннара хем тайфӓннара.

Yaptıklar 5:41

Апостоллар гиттилӓр Синедриондан севинерӓк, чӱнкӱ пай алдылар зеетлердӓн Сааби Иисусун ады ичин.

Apokalіpsіs 2:3

Сабурлуйсун, зеетлерӓ дайандын Беним адым ичин да йорулмадын.

2 Salonіklіlerä 1:8

алифли атештӓ. О ӂезалайаӂэк оннары, ким танымээр Аллахы хем сеслӓмеер Ии Хабери бизим Сааби Иисус /Христос/ ичин.

1 Korіnflіlerä 15:34

Ниӂӓ дӱшер, гелин кендинизӓ, гӱнаха гирмейин. Зерӓ кимиси сиздӓн Аллахы танымээр. Буну сӧлеерим, ки утандырайым сизи.

1 Korіnflіlerä 2:8

О аарифлии кимсей танымады шиндики заманын кулланыӂыларындан. Еер таныйайдылар, ставроза гермейеӂейдилӓр метинни Саабийи.

Romalılara 1:28

Чӱнкӱ Аллахы танымакта файда гӧрмедилӓр, Аллах оннары файдасыз фикирлеринӓ бракты, йапсыннар, не диил лӓӓзым.

Yaptıklar 17:23

Гезинип, бактым, нейӓ баш иилдерсиниз, уурадым бир курбаннык ӱстӱнӓ, нередӓ йазылы: „Билинмейӓн бир Аллаха“. Бу Аллахы, кими сиз билмейерӓк икрамнээрсыныз, Ону сизӓ хаберлеерим.

Yaptıklar 9:16

Бӓн гӧстереӂӓм она, некадар лӓӓзым чексин Беним адым ичин».

Yaptıklar 3:17

Шинди, кардашлар, билерим, ки буну йаптыныз билмемезликтӓ, ниӂӓ дӓ сизин заабитлӓр.

İoan 8:54

Иисус ӂувап етти: «Еер Бӓн Кендими метиннӓрсейдим, озаман Беним метинниим диил бишей. Бени метиннейӓн Беним Бобам, Ангысына сиз деерсиниз, ки О – сизин Аллахыныз.

Luka 6:22

Мутлу сизӓ, ачан сиздӓн инсан азетмеер, синагогадан чыкарэр, фена лафедер хем кӧтӱлеер сизин адынызы Адам Оолунун бетеринӓ!

Matfey 10:39

Ким коруйаӂэк йашамасыны, о кайбедеӂек ону. Ама ким кайбедеӂек йашамасыны Беним ичин, о йашамак еденеӂек.

Matfey 5:11

Мутлу сизӓ, ачан сизи инсан фена лафедер хем коолээр хем хертӱрлӱ йалан лафларлан Беним ичин кӧтӱлеер!

Mark 13:13

Беним адым ичин сиздӓн хепси азетмейеӂек, ама ким биткийӓдӓн дайанаӂэк, о куртулаӂэк.

Luka 21:12

Хепсиндӓн ӧнӂӓ сизи тутаӂэклар хем коолайаӂэклар. Вереӂеклӓр синагогалара хем зынданнара, чыкараӂэклар сизи падишахларын хем кулланыӂыларын ӧнӱнӓ Беним адым ичин.

Luka 21:17

Беним адым ичин сиздӓн хепси азетмейеӂек,

İoan 8:55

Ама сиз Ону танымээрсыныз. Бӓн Ону таныйэрым. Еер дейӓрсейдим, ани танымээрым, озаман йаланӂы калаӂэйдым, ниӂӓ дӓ сиз. Ама Бӓн Ону таныйэрым да таманнээрым Онун сӧзӱнӱ.

İoan 15:24

Еер йапмайайдым оннарын арасында ӧлӓ ишлӓр, ани башка кимсей йапмады, олмайаӂэйды гӱнахлары. Ама шинди хем гӧрдӱлӓр, хем азетмедилӓр Бендӓн хем Беним Бобамдан,

İoan 17:25

Боба, Сӓн дооруйсун. Дӱннӓ Сени танымады, ама Бӓн Сени таныдым. Оннар да аннадылар, ани Сӓн Бени йолладын.

Yaptıklar 4:17

Ама ки илери доору даалмасын бу хабер инсан арасында, коркудалым оннары да сымарлайалым, кимсейӓ насаат етмесиннӓр бу Адамын адыннан».

Yaptıklar 9:14

Она верили заабитлик бӱӱк попазлардан, ки бурада да бааласын херкезини, ким Сенин адыннан дуа едер».

Yaptıklar 26:9

Доору, ани бӓн дӓ санардым, ки лӓӓзым куветлӓн каршы гидейим Назаретли Иисуса.

1 İoanın 3:1

Бакын, нетӱрлӱ севги бизӓ Боба верди, ки бизӓ денсин Аллахын ушаклары. Да хакына ӧлейиз. Онуштан дӱннӓ бизи танымээр, зерӓ Ону да танымады.

3 İoanın 1:7

Зерӓ оннар йола йолландылар Христозун ады ичин, алмайарак бир дӓ йардым инансызлардан.