İoan 14:20 - Ени Бааланты

²⁰ О гӱнӱ таныйаӂэныз, ани Бӓн Бобадайым, сиз дӓ Бендӓйсиниз, Бӓн дӓ сиздейим.

Enі Baalantı

²⁰ O günü tanıyacenız, ani Bän Bobadayım, siz dä Bendäysiniz, Bän dä sizdeyim.

İoan 14:20 Referans Kwoze

İoan 17:26

Бӓн Сенин адыны ачтым хем таа ачаӂам да, ки о севги, ангысыннан Сӓн Бени севдин, олсун оннарда, хем Бӓн дӓ олайым оннарлан».

Galatіyalılara 2:20

Бӓн ставроза герилмиш олдум Христозлан барабар. Шиндӓн сора бӓн йашамээрым, ама Христос бендӓ йашээр. Бу йашамак, ани шинди йашээрым гӱӱдейлӓн, йашээрым инаннан Аллахын Оолуна, Ангысы бени севди да Кендисини беним ичин верди.

1 İoanın 4:12

Аллахы бир сыра билӓ кимсей гӧрмеди. Еер севӓрсейдик бири-биримизи, Аллах биздӓ калэр, хем Онун севгиси долулуктан биздӓ олэр.

İoan 14:10

Инанмээрсын мы, ани Бӓн Бобадайым, Боба да Бендӓ. Бу сӧзлери, ани сӧлеерим Бӓн сизӓ, сӧлӓмеерим Бендӓн Кендимдӓн, ама Боба, ани булунэр Бендӓ, йапэр Кенди ишлерини.

Romalılara 8:1

Ӧлӓ ки, Аллах оннары шинди даава етмеер, ким йашээр Иисус Христозда /– оннары, ким йашамээр тенӓ гӧрӓ, ама Духа гӧрӓ/.

İoan 10:38

Ама йапарсайдым, озаман, еер инанмарсайдыныз да Бени, инанын баарлем ишлери. Озаман аннайаӂэныз хем билеӂениз, ани Боба Бендӓ, Бӓн дӓ Онда».

2 Korіnflіlerä 13:5

Кендинизи денейин да бакын, булунэрсыныз мы инанда? Кендинизи аараштырын. Оса танымээрсыныз мы, ани Иисус Христос сиздӓ? Башка тӱрлӱ сиз денемектӓн гечмемишиниз.

Koloslulara 1:27

Аллах истеди гӧстерсин оннара, некадар шанны хем зенгиндир миллетлӓр арасында бу саклы курулмуш. О – Христостур, метинник умуду, ани сиздӓ булунэр.

İoan 16:26

О гӱндӓ истейеӂениз Беним адыма. Демеерим, ани Бӓн йалвараӂам сизин ичин Бобайа.

Koloslulara 2:9

Зерӓ Онда гӱӱдейӂесинӓ булунэр Аллахын бӱтӱн таманныы.

Koloslulara 1:19

Зерӓ Аллах кайылды, бӱтӱн таманныы Онда булунсун,

İoan 6:56

Ким ийер Беним гӱӱдеми хем ичер Беним канымы, о калэр Бендӓ, Бӓн дӓ онда.

2 Korіnflіlerä 5:17

Ӧлӓ ки, ким Христозда, о бир ени адам. Ески ишлӓр гечти, шинди хепси ени олду.

İoan 17:11

Бӓн шиндӓн сора диилим дӱннедӓ, ама оннар дӱннедӓ калэрлар, Бӓн дӓ Сана гелерим. Айоз Боба, кору оннары кенди адыннан, ангысыны Сӓн вердин Бана, ки олсуннар бирликтӓ, ниӂӓ Биз.

İoan 16:23

О гӱндӓ сормайаӂэныз бишей Бана. Доору, доору сӧлеерим сизӓ, не дӓ истейеӂениз Беним адыма Бобадан, вереӂек сизӓ.

Efeslіlerä 2:10

Зерӓ биз – Аллахын усталыы, Иисус Христозда йарадылы, ки йапалым ииликлери, не Аллах ӧнӂӓ хазырлады, ки йашаркан таманнайалым.

1 Korіnflіlerä 1:30

Ама Аллах йапты инанӂы оласыныз Иисус Христоза. Онда, Ким олду бизим ичин Аллахтан аарифлик, доорулук, айозлук хем куртулмак.

İoan 17:7

Шинди таныдылар, ани хепси, не вердин Бана, Сендӓн гелер.

2 Korіnflіlerä 12:2

Таныйэрым бир адамы, ким инанӂы Христоза. О йакын ондӧрт йыл геери – гӱӱдейлӓн ми, гӱӱдесиз ми, билмеерим, Аллах билер – алынды ӱчӱнӂӱ гӧкӓдӓн.

2 Korіnflіlerä 5:19

Зерӓ Аллах Христозун араӂылыыннан барыштырды дӱннейи Кендисиннӓн, коймайарак есаба инсаннарын гӱнахларыны, да верди бизӓ барышмак хаберини.

Romalılara 16:7

Селӓм Андроника хем Иунийайа, ани беним хысымнарым хем капанда кафадарларым. Оннар ии танынэр апостолларын арасында, оннар бендӓн ӧнӂӓ Христоза инандылар.

İoan 14:11

Инанын Бени, ани Бӓн Бобадайым, Боба да Бендӓ. Еер инанмарсайдыныз Бени, инанын баарлем о ишлери.