İakovun 1:3 - Ени Бааланты

³ билерӓк, ани денемеклӓр инанда сизи дайанмайа алыштырэр.

Enі Baalantı

³ bileräk, ani denemeklär inanda sizi dayanmaya alıştırêr.

İakovun 1:3 Referans Kwoze

Çıfıtlara 10:36

Сизӓ дайанмак лӓӓзымдыр, ки, таманнайып Аллахын истедиини, кабледӓсиниз, не аданмыш сизӓ.

Koloslulara 1:11

каавиленӓсиниз хертӱрлӱ куветлӓн Онун метин кудрединӓ гӧрӓ, ки хепсинӓ севинчлӓн дайанасыныз хем сабурлу оласыныз,

1 Petrіnіn 1:7

ки сизин инанынызын хализлии гӧстерилсин. Алтын, ани кайбелер, атештӓн дененер. Хеп ӧлӓ инаныныз да, ани таа паалы алтындан, дененер, ки сиздӓ метинник, шаннык хем икрам олсун Иисус Христозун гелмесиндӓ.

Romalılara 8:28

Билериз, ани Дух хер халда иилик ичин ишлеер оннарлан билӓ, ким Аллахы север хем чаарылмыш Онун истедиинӓ гӧрӓ.

2 Korіnflіlerä 4:17

Зерӓ бизим илин гӱчлӱклӓр тез гечер, ама казандырэр бизӓ дивеч метинник, ани аарлыкта хепсини ашар.

Romalılara 15:4

Хепси, не ӧнӂӓ йазылыйды, йазылды бизим ӱӱренмемиз ичин, ки дайанмаклан хем хавезленмӓклӓн Айоз Йазылардан умудумузу коруйалым.

2 Petrіnіn 1:6

билгинизӓ кендинизи запламак, запламаныза дайанмак, дайанманыза аллахчылык,

Romalılara 8:25

Ама еер умутланарсайдык она, не гӧрмеериз, дайанмаклан ону беклейӓбилириз.

Çıfıtlara 12:1

Онуштан, чӱнкӱ бизи долайлээр чок шаатлар, булут гиби, аталым бир тарафа хертӱрлӱ аарлыы хем хертӱрлӱ гӱнахы, ани колай долаштырэр бизи, да дайанмаклан йарышалым о качмакта, ани ӧнӱмӱздӓ.

2 Salonіklіlerä 3:5

Сааби доорутсун сизин ӱреклеринизи Аллахын севгисинӓ хем Христозун дайанмасына.

2 Salonіklіlerä 1:4

Ӧлӓ ки, биз кендимиз ӱӱнериз сизиннӓн Аллахын клиселериндӓ, сизин дайанманызлан хем инанынызлан хепси кооламакларда хем зеетлердӓ, ани сиз гечирерсиниз.

Romalılara 2:7

Оннара, ким, дайма иилик йапарак, метинник, икрам хем ӧлӱмсӱзлӱк аарээр, дивеч йашамак вереӂек.

Luka 21:19

Дайанмаклан сиз кендинизи куртараӂэныз.

Çıfıtlara 6:12

Истӓмеериз, хайлаз оласыныз, ама истеериз бензейӓсиниз оннара, ким инаннан хем дайанмаклан еденерлӓр адамаклары.