İakovun 1:12 - Ени Бааланты

¹² Не мутлу адам, ким дайанмаклан денемеклери гечирер, зерӓ, дененмиш олуп, йашамак фенецини кабледеӂек, ани адады Сааби хепсинӓ оннара, ким Ону север.

Enі Baalantı

¹² Ne mutlu adam, kim dayanmaklan denemekleri geçirer, zerä, denenmiş olup, yaşamak feneţini kabledecek, ani adadı Saabi hepsinä onnara, kim Onu sever.

İakovun 1:12 Referans Kwoze

1 Petrіnіn 5:10

Аллах хертӱрлӱ ииверги верер. О чаарды сизи Кенди дивеч метинниинӓ, ани Иисус Христозда. Сиз бираз зеетлендиктӓн сора, Кендиси сизи таманнаа гетиреӂек, ерлештиреӂек, каавилендиреӂек хем салланмаз йапаӂэк.

Apokalіpsіs 2:10

Не лӓӓзым олаӂэк гечирӓсин, бишейдӓн коркма. Диавол кимисини сиздӓн капана атаӂэк, ки дененӓсиниз. Зеетленмиш олаӂэныз он гӱн. Ол инанч ӧлӱмӓ кадар, да вереӂӓм сана йашамак фенецини.

İakovun 5:11

Биз мутлу сайэрыз оннары, ким дайанэр. Сиз ишиттиниз Иовун дайанмасы ичин хем гӧрдӱнӱз, не биткидӓ Сааби йапты онун ичин. Сааби чок аӂыйан хем йалпак ӱрекли.

Romalılara 8:28

Билериз, ани Дух хер халда иилик ичин ишлеер оннарлан билӓ, ким Аллахы север хем чаарылмыш Онун истедиинӓ гӧрӓ.

Matfey 10:22

Беним адым ичин сиздӓн хепси азетмейеӂек, ама ким биткийӓдӓн дайанаӂэк, о куртулаӂэк.

1 Korіnflіlerä 9:25

Хепси, ким йарышэр атлетик ойуннарда, тутэрлар кендилерини заплы хербир ӱзерӓ. Оннар буну йапэрлар, ки бир сӧрпешӓр фенец казансыннар. Ама биз йапэрыз, ки сӧрпешмӓз фенец казаналым.

1 Petrіnіn 3:14

Еер зеетленирсейдиниз дӓ доорулук ичин, не мутлу сизӓ! Коркмайын, недӓн инсан коркэр, хем кахырланмайын.

2 Tіmofeyä 4:8

Шиндӓн сора бана хазыр дурэр доорулук фенеци, ани Сааби, Доору Дааваӂы, о Гӱндӓ вереӂек бана, диил саде бана, ама хепсинӓ, ким ӧзлемӓклӓн беклеер Онун гелмесини.

İakovun 2:5

Севгили кардашларым, сеслейин. Сечмеди ми Аллах бу дӱннедӓ фукаара оланнары, ки инанда зенгин олсуннар хем мирасчы падишахлыкта, ангысы аданды оннара, ким Аллахы север?

1 Petrіnіn 5:4

Ачан гелеӂек Бӱӱк Гӱдӱӂӱ, еденеӂениз бир сӧрпешмӓз шанны фенец.

1 Korіnflіlerä 2:9

Ама ниӂӓ йазылы: «Не инсан гӧзӱ гӧрмеди, не инсан кулаа ишитмеди, хем не инсан ӱреенӓ дамнамады, ӧлӓ о ишлӓр, не Аллах хазырлады оннар ичин, ким Ону север».

Apokalіpsіs 3:21

Ким енсейеӂек, она изин вереӂӓм Бенимнӓн отурсун Беним чорбаӂылык скемнемдӓ, ниӂӓ дӓ Бӓн енседим да отурдум Беним Бобамнан Онун чорбаӂылык скемнесиндӓ.

1 Petrіnіn 4:13

Буна каршы, севинин, чӱнкӱ пай алэрсыныз Иисус Христозун зеетлериндӓ, ки Онун метиннии ачылмасында да севинӓсиниз хем шенненӓсиниз.

1 Korіnflіlerä 8:3

Еер биркимсей севӓрсейди Аллахы, Аллах ону билер.

Apokalіpsіs 3:19

Бӓн азарлээрым хем сырайа койэрым хепсини, кими северим. Ол чалышкан да дӧн Бана гӱнахларындан.

Çıfıtlara 10:32

Аклына гетирин баштан вакытлары, ачан айдынныы гӧрдӱктӓн сора, чок савашып, аӂы чектиниз.

Çıfıtlara 6:15

Биткидӓ Авраам дайанмаклан каблетти, не аданды.

Matfey 25:34

Озаман Падишах дейеӂек саа тарафында оланнара: „Гелин, Бобамын иисӧзленмишлери, да елӓ алын Падишахлыы, ани хазырланмыш сизӓ дӱннейин курулмасындан.

Çıfıtlara 11:17

Инаннан Авраам, дененмиш олуп, Исаакы курбан гетирди. О, ким каблеттийди адамаклары, гетирӓрди курбан бириӂик оолуну,

1 İoanın 4:19

Биз севериз /Ону/, зерӓ О бизи ӧнӂӓ севди.

Çıfıtlara 12:5

Сиз унуттунуз му о насаады, ани сизӓ верилер, ниӂӓ ооллара: «Оолум! Паасызландырма о ӂезайы, нейлӓн Сааби сени ӱӱредер, да умутсузлаа дӱшмӓ, ачан о сени таказалээр.

Luka 6:22

Мутлу сизӓ, ачан сиздӓн инсан азетмеер, синагогадан чыкарэр, фена лафедер хем кӧтӱлеер сизин адынызы Адам Оолунун бетеринӓ!

Romalılara 5:4

дайанмак дененмейи дӱзер, хем дененмӓк умут верер.

2 Tіmofeyä 2:15

Бак, да ол Аллахын ӧнӱндӓ ниӂӓ дененмиш ишчи, ангысы йок недӓн утансын, доору ӱӱредип аслылык сӧзӱнӱ.

1 Petrіnіn 4:14

Еер сизи азарларсайдылар Христозун ады ичин, не мутлу сизӓ, зерӓ Аллахын шанны Духу булунэр ӱстӱнӱздӓ. /Оннардан О кӧтӱленер, ама сиздӓн метинненер./