Galatіyalılara 4:6 - Ени Бааланты

⁶ Чӱнкӱ ооллук едендиниз, Аллах Кенди Оолунун Духуну ӱреенизӓ йоллады, ани баарэр «Авва!» – аннамасы «Боба!»

Enі Baalantı

⁶ Çünkü oolluk edendiniz, Allah Kendi Oolunun Duhunu üreenizä yolladı, ani baarêr «Avva!» – annaması «Boba!»

Galatіyalılara 4:6 Referans Kwoze

Romalılara 5:5

Умут да утандырмээр, зерӓ Аллахын севгилии бизим ӱреклеримизӓ дӧкӱлдӱ Айоз Духлан, Ангысы бизӓ верилди.

Romalılara 8:9

Ама сиз тендӓн заплы диилсиниз, ама Духтан, еер Аллахын Духу сиздӓ йашарсайды. Кимдӓ йок Христозун Духу, о диил Онун.

Fіlіplіlerä 1:19

Зерӓ билерим, ани бу бана куртулмак гетиреӂек сизин дуаларынызлан хем Иисус Христозун Духунун йардымыннан.

Efeslіlerä 2:18

Зерӓ О колайлык верди, ки биз икимиз дӓ бир Духун йардымыннан Бобайа йаклашалым.

2 Korіnflіlerä 3:17

Бу сырада «Сааби» – Айоз Духтур. Нередӓ Саабинин Духу, орада сербестлик.

Efeslіlerä 4:30

Гӱӂендирмейин Аллахын Айоз Духуну, Ангысыннан мӱхӱрлендиниз куртулмак гӱнӱ ичин.

İudanın 1:20

Ама сиз, севгили кардашлар, кендинизи каавилейин ен айоз инаныныз темелинин ӱстӱндӓ, дуа един Айоз Духлан,

İoan 16:7

Ама Бӓн хакына сӧлеерим сизӓ, ани таа ислӓӓ олаӂэк сизин ичин, ки Бӓн гидейим, зерӓ Бӓн гитмӓрсейдим, Иилендириӂи гелмейеӂек, ама гидӓрсейдим, йоллайаӂам Ону сизӓ.

İoan 14:16

Бӓн йалвараӂам Бобайа, да вереӂек сизӓ башка Иилендириӂи, Ангысы калаӂэк сизиннӓн дивеӂинӓ,

Luka 11:13

Еер сиз, ани фенайсыныз, билӓрсениз ушакларыныза ии баашышлар вермӓӓ, некадар таа чок сизин Гӧктеки Бобаныз вереӂек Айоз Духу оннара, ким Ондан истейеӂек».

2 Korіnflіlerä 1:22

Ангысы бизи мӱхӱрледи хем пей верди Айоз Духу бизим ӱреклеримизӓ.

İoan 15:26

Ачан гелеӂек Иилендириӂи, Ангысыны Бӓн Бобамдан сизӓ йоллайаӂам, Аслылык Духу, Ангысы Бобадан гелер, О шаатлык едеӂек Беним ичин.

Luka 11:2

Иисус деди: «Ачан дуа едерсиниз, дейин: „/Ей гӧклердӓ олан/ Боба, Ко айозлансын Сенин адын. Ко гелсин Сенин Падишахлыын. /Ко олсун Сенин истедиин, ниӂӓ гӧктӓ, ӧлӓ ердӓ дӓ./

İoan 3:34

Кими Аллах йоллады, О Аллахын сӧзлерини сӧлеер, зерӓ Аллах Кенди Духуну ӧлчӱйлӓн вермеер.

1 Petrіnіn 1:11

Бактылар аннасыннар, незаман хем насыл олаӂэк бу вакыт, ани оннарда Христозун Духу гӧстерӓрди, ангысы ӧнӂӓ хаберледи Христозун зеетлери ичин хем ондан сора метиннии ичин.

Efeslіlerä 6:18

Херзаман духча дуа един хертӱрлӱ дуаларлан хем йалвармакларлан. Бунун ичин уйанык дурун бӱтӱн дайанмаклан хем йалвармаклан Аллахын хепси айоз халкы ичин.

Apokalіpsіs 19:10

Бӓн дӱштӱм онун айакларына, ки она баш иилдейим, ама о деди бана: «Сакын, буну йапма, бӓн кафадарым сана хем сенин кардашларына, ангылары шаатлык едерлӓр Иисус ичин. Аллаха баш иилт, зерӓ Иисус ичин шаатлык – пророклук духу».

Efeslіlerä 1:13

Ачан ишиттиниз хакына сӧзӱ – Ии Хабери, ангысыннан куртулдунуз, ону инандыныз хем Христозда сиз дӓ аданмыш Айоз Духлан мӱхӱрлендиниз.

1 Korіnflіlerä 15:45

Ниӂӓ йазылы: «Илк Адам бир йашайан ӂан олду». Сон Адам са ӧмӱр верӓн бир дух олду.

Yaptıklar 16:7

Етиштийнӓн Мисийа сынырына, истедилӓр гитмӓӓ Вифинийайа, ама Иисусун Духу изин вермеди.

İoan 7:39

Сӧлӓрди бу лафлары Айоз Дух ичин, Ангысыны лӓӓзымды каблетсиннӓр оннар, ким Она инанэр. Зерӓ Айоз Дух таа верилмедийди, хем Иисус таа диилди метинникли.

Mark 14:36

О деди: «Авва, Бобам Беним! Хепсини Сӓн вар ниӂӓ йапасын. Еер варсайды ниӂӓ, ашырт Бендӓн бу аӂы чӧлмӓӓ. Хеп окадар олсун диил ӧлӓ, ниӂӓ Бӓн истеерим, ама ниӂӓ Сӓн».

1 Salonіklіlerä 4:8

Онуштан, ким паайа коймээр бу сырайы, паасызландырэр диил инсаны, ама Аллахы, Ангысы верди бизӓ Айоз Духу.