Fіlіplіlerä 2:8 - Ени Бааланты

⁸ Оларак инсан гӧрӱмӱндӓ, О ашаалатты Кендини да сеследи Аллахы ӧлӱмӓ кадар, артык ӧлӱмӓ кадар ставрозда.

Enі Baalantı

⁸ Olarak insan görümündä, O aşaalattı Kendini da sesledi Allahı ölümä kadar, artık ölümä kadar stavrozda.

Fіlіplіlerä 2:8 Referans Kwoze

İoan 10:18

Кимсей ону зорлан алмээр Бендӓн, ама Бӓн Кенди истедиимдӓн верерим. Вар куведим верейим хем вар куведим геери алайым. Бу сымарламайы Бӓн каблеттим Беним Бобамдан».

Çıfıtlara 12:2

Уз Иисуса бакалым, Ангысы бизим инанын ӧнӂӱсӱ хем таманнайыӂысы. О, бакарак севинмелӓӓ, ани гелеӂек, дайанды ставрозда герили олсун. Буну хич утанмак саймады да Аллахын чорбаӂылык скемнесинин саа тарафына отурду.

Romalılara 5:19

Зерӓ, ниӂӓ бир адамын сеслемезлииннӓн чойу кабаатлы сайылды, хеп ӧлӓ бир адамын сеслемесиннӓн чойу доору сайылаӂэк.

1 Petrіnіn 2:24

О алды бизим гӱнахларымызы Кенди гӱӱдесиндӓ ставроза, ки биз ӧлелим гӱнах ичин да йашайалым доорулук ичин. Онун йараларыннан сиз алыштыныз.

1 Petrіnіn 3:18

Чӱнкӱ Христос, гетирсин бизи Аллаха дейни, бир керӓ ӧлдӱ гӱнахларымыз ичин, доору олан доору олмайаннар ичин. О гӱӱдейӂесинӓ ӧлдӱрӱлдӱ, ама духчасына дирилдилди.

2 Korіnflіlerä 8:9

Зерӓ сиз билерсиниз бизим Сааби Иисус Христозун иивергисини. О Кендиси, оларак зенгин, фукаараланды сизин ичин, ки сиз Онун фукааралыыннан зенгиннейӓсиниз.

Matfey 26:39

Сора гитти бираз таа илери, дӱштӱ ӱзӱкойну ерӓ да башлады дуа етмӓӓ: «Бобам, еер варсайды ниӂӓ, ко ашсын бу аӂы чӧлмек Бендӓн. Хеп окадар олсун диил ӧлӓ, ниӂӓ Бӓн истеерим, ама ниӂӓ Сӓн».

Yaptıklar 8:33

Ону ашааладылар хем доору даава йапмадылар. Ким анаӂэк Онун сенселесини, зерӓ йашамасы алынды бу ердӓн».

Tіta 2:14

О верди Кендини бизим ичин курбан олсун, ки куртарсын бизи хертӱрлӱ законсузлуктан да, паклайып, бир айыры инсан Кендинӓ йапсын, чалышкан ии ишлӓр йапмаа.

Galatіyalılara 3:13

Христос куртарды бизи Законун бетвасындан, ачан О бетвалы олду бизим ичин. Зерӓ вар йазылы: «Бетвалы хепси, кимин ӧлӱсӱ аачта асылы».

İoan 14:31

Ама дӱннӓ лӓӓзым билсин, ани Бӓн северим Бобайы, онуштан хепсини йапэрым, ниӂӓ Бана сымарлады Боба. Калкын, гиделим бурадан.

İoan 15:10

Еер таманнарсайдыныз Беним сымарламакларымы, каларсыныз Беним севгилиимдӓ, ниӂӓ Бӓн таманнадым Бобамын сымарламакларыны да калдым Онун севгилииндӓ.

Matfey 26:42

Гитти енидӓн икинӂи сыра дуа етмӓӓ да деди: «Бобам, еер йоксайды ниӂӓ ашсын бу чӧлмек Бендӓн, ки ичмейим ону, ко олсун Сенин истедиин».

Matfey 17:2

Хемен гӧрӱнӱшӱ диишти оннарын ӧнӱндӓ, ӱзӱ йалабыйарды гӱн гиби. Рубалары да ак-бийаз олду, ниӂӓ айдыннык.

İoan 4:34

Иисус деди: «Беним имӓӓм будур: йапайым Онун истедиини, Ким Бени йоллады, хем ишини Онун таманнайым.

Luka 9:29

Ачан дуа едӓрди, Онун ӱзӱ гӧрӱнӱшӱ диишти, рубалары йалабык, ак-бийаз олду.

Çıfıtlara 12:4

Сиз таа ӂенклешмединиз кан дӧкӱнӂӓ, савашарак гӱнаха каршы.