Fіlіplіlerä 2:11 - Ени Бааланты

¹¹ хем хербир дил ачык сӧлесин, ани Иисус Христос – Сааби, да бунуннан Аллах Боба метинненсин.

Enі Baalantı

¹¹ hem herbir dil açık sölesin, ani İisus Hristos – Saabi, da bununnan Allah Boba metinnensin.

Fіlіplіlerä 2:11 Referans Kwoze

1 İoanın 4:15

Ким ачык кабледер, ани Иисус – Аллахын Оолу, онда калэр Аллах, о да Аллахта калэр.

Romalılara 14:11

Зерӓ йазылы: «Бӓн варым, деер Сааби, хербири диз чӧкеӂек Беним ӧнӱмдӓ, хем хербир дил ачык шаатлык едеӂек, ани Бӓним Аллах».

İoan 13:13

Сиз Бана „Ӱӱредиӂи“ хем „Сааби“ деерсиниз, доору сӧлеерсиниз, зерӓ Бӓн хакына ӧлӓйим.

1 İoanın 4:2

Аллахын Духуну бӧлӓ таныйаӂэныз. Хербир дух, ани ачык кабледер, ки Иисус Христос гӱӱдейлӓн гелди, о Аллахтандыр.

Romalılara 14:9

Зерӓ Христос онуштан ӧлдӱ хем дирилди, ки чорбаӂылык етсин ӧлӱлерин хем дирилерин ӱстӱнӓ.

1 Korіnflіlerä 12:3

Онуштан истеерим, аннайасыныз, ани кимсей, ким Аллахын Духуннан лафедер, йок насыл бетваласын Иисусу, хем кимсей дейӓмӓз Она «Сааби Иисус», салт Айоз Дух.

İoan 14:13

Не дӓ истейеӂениз Беним адыма, йапаӂам, ки Боба метинненмиш олсун Оолунда.

1 Petrіnіn 1:21

Онун араӂылыыннан Аллаха инандыныз, Ангысы дирилтти Ону ӧлӱдӓн да верди Она метинник, ки инанасыныз хем умутланасыныз Аллаха.

1 Korіnflіlerä 8:6

биздӓ салт бир Аллах – Боба вар. Ондан хепси йарадылы, биз дӓ Онун ичин йашээрыз. Хем бир Сааби – Иисус Христос. Хепси Онун араӂылыыннан йарадылды, биз дӓ Онун араӂылыыннан йашээрыз.

Apokalіpsіs 3:5

Ким енсейеӂек, о бийаз руба гиинеӂек. Онун адыны хич силмейеӂӓм йашамак кийадындан да ачыктан анаӂам онун адыны Бобамын хем ангиллерин ӧнӱндӓ.

Matfey 10:32

Ӧлӓ ки, ким шаатлык едеӂек Бени инсанын ӧнӱндӓ, ону Бӓн дӓ шаатлык едеӂӓм Беним Гӧктеки Бобамын ӧнӱндӓ.

Yaptıklar 10:36

Сиз билерсиниз сӧзӱ, ангысыны О йоллады Израил оолларына, аннадарак ии хабер услулук ичин Иисус Христозлан, Ангысы хепсинӓ Сааби.

Yaptıklar 2:36

Бӱтӱн Израил халкы ии билсин, ани Аллах йапты Иисусу Чорбаӂы хем Христос. Одур, Кими ставроза гердиниз».

İoan 9:22

Бобалары бӧлӓ лафеттилӓр, зерӓ коркардылар иудейлердӓн. Иудейлӓр аннаштыйдылар, ани еер биркимсей ачык дейӓрсейди, ани Иисус – Христостур, ону ууратсыннар синагогадан.

İoan 5:23

ки хепси икрамнасыннар Оолуну, ниӂӓ икрамнээрлар Бобайы. Ким икрамнамээр Оолу, о икрамнамээр Бобайы, Ангысы йоллады Ону.

2 İoanın 1:7

Зерӓ чок алдадыӂы пейдаланды бу дӱннедӓ, ангылары каблетмеерлӓр, ани Иисус Христос гӱӱдейлӓн гелди. Бӧлӓ адамнар – алдадыӂы хем антихрист.

1 Korіnflіlerä 15:47

Илк инсан ердӓн, топрактан олду. Икинӂи инсан – /Сааби/ гӧктӓн.

Romalılara 15:9

ки башка миллетлӓр метиннесиннӓр Аллахы Онун аӂыйанныы ичин, ниӂӓ йазылы: «Онун ичин шӱкӱр едеӂӓм Сана миллетлерин арасында хем тӱркӱ Сенин адына чалаӂам».

İoan 20:28

Фома деди: «Саабим хем Аллахым!»

İoan 17:1

Бу лафлардан сора Иисус калдырды бакышыны гӧкӓ да деди: «Боба, гелди вакыт, метиннейӓсин Оолуну, ки Оолун да метиннесин Сени.

İoan 12:42

Бакмайарак буна, чойу артык заабитлердӓн да Иисуса инандылар, ама фарисейлӓр бетеринӓ ачык сӧлӓмедилӓр, ки ууратмасыннар оннары синагогадан.

Luka 2:11

Бӱӱн сизӓ Давидин касабасында дууду Куртарыӂы, Сааби Христос.

İoan 14:23

Доору ӂувап етти Иисус: «Ким север Бени, о таманнээр Беним сӧзӱмӱ. Бобам да ону север, биз она гелеӂез да барабар йашайаӂэз.

İoan 13:14

Чӱнкӱ Бӓн, Саабиниз хем Ӱӱредиӂиниз, йыкадым сизин айакларынызы, сиз дӓ лӓӓзым йыкайасыныз бири-биринизин айакларынызы.