Efeslіlerä 1:13 - Ени Бааланты

¹³ Ачан ишиттиниз хакына сӧзӱ – Ии Хабери, ангысыннан куртулдунуз, ону инандыныз хем Христозда сиз дӓ аданмыш Айоз Духлан мӱхӱрлендиниз.

Enі Baalantı

¹³ Açan işittiniz hakına sözü – İi Haberi, angısınnan kurtuldunuz, onu inandınız hem Hristozda siz dä adanmış Ayoz Duhlan mühürlendiniz.

Efeslіlerä 1:13 Referans Kwoze

2 Korіnflіlerä 1:22

Ангысы бизи мӱхӱрледи хем пей верди Айоз Духу бизим ӱреклеримизӓ.

Efeslіlerä 4:30

Гӱӂендирмейин Аллахын Айоз Духуну, Ангысыннан мӱхӱрлендиниз куртулмак гӱнӱ ичин.

2 Tіmofeyä 2:19

Ама Аллахын темели каави дурэр да бӧлӓ мӱхӱрлӱ: «Сааби таныйэр Кендикилерини» хем «Узаклашсыннар кӧтӱлӱктӓн хепси, ким чаарэр Саабинин адыны».

1 Salonіklіlerä 2:13

Онуштан биз херзаман шӱкӱр едериз Аллаха, ки кабледип Аллахын сӧзӱнӱ, ани ишиттиниз биздӓн, каблеттиниз диил ниӂӓ адам сӧзӱнӱ, ама ниӂӓ Аллахын сӧзӱнӱ, ниӂӓ дӓ хакына вар хем ангысы сиздӓ, инанӂыларда, ишлеер.

Romalılara 4:11

Кесиклик нышаныны каблетти ниӂӓ доорулук мӱхӱрӱ. Доорулуу инаннан еденди, таа кесикли олмадыйнан. Ӧлӓ ки, о олду хепси кесиксиз инанӂыларын бобасы, ки оннар да доору сайылсыннар дейни.

Tіta 2:11

Зерӓ гӧстерилди Аллахын иивергиси, ани гетирер куртулмак хепси инсана,

Galatіyalılara 3:14

Бу олду, ки иисӧзленмӓк, ани аданмыш Авраама, олсун колай Иисус Христозун араӂылыыннан даалсын йабанӂы миллетлерӓ, да биз инаннан кабледелим аданмыш Духу.

Romalılara 1:16

Зерӓ бӓн утанмээрым /Христозун/ Ии Хабериндӓн. О бир кувет Аллахтан, ки куртарсын хепсини, ким инанэр, илкин иудейлери, сора урумнары да.

Yaptıklar 2:33

О Аллахын саа тарафына калдырылды, каблетти аданмыш Айоз Духу да Ону шинди дӧктӱ, ниӂӓ гӧрерсиниз хем ишидерсиниз.

İoan 14:26

Иилендириӂи, Айоз Дух, ангысыны йоллайаӂэк Боба Беним адыма, ӱӱредеӂек сизи хем аклыныза гетиреӂек хепсини, не Бӓн сӧледим.

İoan 1:17

Зерӓ Закон Моисей ашыры верилди, ама хайыр хем аслылык Иисус Христос ашыры гелди.

Luka 24:49

Бӓн йоллайаӂам сизӓ не аданмыш Беним Бобамдан. Сиз калын касаба ичиндӓ, кувет каблединӂӓ йукардан».

1 Petrіnіn 2:10

Незаманса сиз диилдиниз миллет, ама шинди Аллахын миллетийсиниз, незаманса баашланмамыш инсаннардыныз, ама шинди аӂыйаннык едендиниз.

Romalılara 6:17

Шӱкӱр Аллаха, ани сиз чырактыныз гӱнаха, ама бӱтӱн ӱректӓн сеслединиз ӱӱретменин ӧзӱнӱ, ангысына верилдиниз.

Yaptıklar 1:4

Бир сыра, ачан оннарлан барабарды, сымарлады, узакланмасыннар Иерусалимдӓн, ама орада беклесиннӓр, не Боба адамышты. «Буну Бендӓн ишиттиниз, – деди Иисус, –

İoan 15:26

Ачан гелеӂек Иилендириӂи, Ангысыны Бӓн Бобамдан сизӓ йоллайаӂам, Аслылык Духу, Ангысы Бобадан гелер, О шаатлык едеӂек Беним ичин.

Yaptıklar 13:26

Кардашлар, Авраамын сенселесиндӓн геленнӓр хем Аллахтан корканнар, бизӓ йолланылды хабер бу куртулмак ичин.

İoan 6:27

Чалышын диил гечӓр имӓк ичин, ама гечмӓз имӓк ичин, ани дивеч йашамайа гӧтӱрер. Буну сизӓ Адам Оолу вереӂек. Зерӓ Адам Оолуну Аллах Боба нышаннады Кенди мӱхӱрӱннӓн».

Luka 11:13

Еер сиз, ани фенайсыныз, билӓрсениз ушакларыныза ии баашышлар вермӓӓ, некадар таа чок сизин Гӧктеки Бобаныз вереӂек Айоз Духу оннара, ким Ондан истейеӂек».

Apokalіpsіs 7:2

Сора гӧрдӱм башка бир ангил, ким калкты гӱндуусундан, ангысында варды дири Аллахын мӱхӱрӱ. О баарды бӱӱк сеслӓн дӧрт ангилӓ, ангыларына изин верилийди, кедерлесиннӓр ери хем денизи, дейип:

İakovun 1:18

О Кенди истедиинӓ гӧрӓ йапты, ки биз дууалым аслылык сӧзӱннӓн да еденелим илк ери оннарын арасында, не О йаратты.

Çıfıtlara 2:3

Озаман несой олур биз ӂезадан куртулалым, еер касаветсиз оларсайдык букадар шанны куртулмайа, ангысыны баштан Сааби аннатты, да ишиденнӓр гӧстердилӓр бизӓ, ани аслы.

2 Tіmofeyä 3:15

Сӓн Айоз Йазылары кӱчӱклӱӱндӓн билерсин. Оннар вар ниӂӓ аарифлетсиннӓр сени, ки куртуласын инаннан Иисус Христоза.

2 Tіmofeyä 2:15

Бак, да ол Аллахын ӧнӱндӓ ниӂӓ дененмиш ишчи, ангысы йок недӓн утансын, доору ӱӱредип аслылык сӧзӱнӱ.

Efeslіlerä 4:21

Шӱпесиз, Онун сесини ишиттиниз хем Ондан ӱӱрендиниз, зерӓ аслылык Иисуста.

2 Korіnflіlerä 6:7

аслылыы хаберлейерӓк, Аллахын кувединнӓн, доорулук силӓхларыны ташыйарак саа хем сол елимиздӓ.

İoan 3:33

Ким кабледер Онун шаатлыыны, бунуннан каавилеер Аллахын аслылыыны.

İakovun 1:21

Онуштан бракылын хертӱрлӱ кирли ишлердӓн хем кӧтӱлӱктӓн, ани хер тарафа йайылмыш, да йавашлыклан кабледин екилмиш сӧзӱ, ани вар ниӂӓ куртарсын ӂаннарынызы.