Çıfıtlara 9:14 - Ени Бааланты

¹⁴ некадар таа чок Христозун каны, Ангысы Дивеч Духлан Кендини лекесиз бир курбан гетирди Аллаха, паклайаӂэк сизин ӱзӱнӱзӱ ӧлӱ йаптыклардан, ки измет едӓсиниз дири Аллаха.

Enі Baalantı

¹⁴ nekadar taa çok Hristozun kanı, Angısı Diveç Duhlan Kendini lekesiz bir kurban getirdi Allaha, paklayacek sizin üzünüzü ölü yaptıklardan, ki izmet edäsiniz diri Allaha.

Çıfıtlara 9:14 Referans Kwoze

Çıfıtlara 10:22

Онуштан йаклашалым Аллаха пак ӱреклӓн хем каави инаннан, серпип ӱзлеримизи, кӧтӱ неетлердӓн паклайалым хем гӱӱдемизи темиз суйлан йыкайалым.

1 Petrіnіn 1:19

ама Христозун паалы каны, Ангысы кусурсуз хем лекесиз кузу.

1 İoanın 1:7

Еер айдынныкта йашарсайдык, ниӂӓ О Кендиси айдынныкта, озаман бири-биримизлӓн пайдашлыымыз вар, да Онун Оолунун, Иисус Христозун, каны паклээр бизи хербир гӱнахтан.

Çıfıtlara 9:12

О гирди бир сыра херзамана Айоз ерӓ, диил текӓ хем бызаа каныннан, ама Кенди каныннан, да бунуннан дивеч куртулмак еденди.

1 Petrіnіn 2:24

О алды бизим гӱнахларымызы Кенди гӱӱдесиндӓ ставроза, ки биз ӧлелим гӱнах ичин да йашайалым доорулук ичин. Онун йараларыннан сиз алыштыныз.

1 Petrіnіn 3:18

Чӱнкӱ Христос, гетирсин бизи Аллаха дейни, бир керӓ ӧлдӱ гӱнахларымыз ичин, доору олан доору олмайаннар ичин. О гӱӱдейӂесинӓ ӧлдӱрӱлдӱ, ама духчасына дирилдилди.

Çıfıtlara 7:27

Онун йок лӓӓзымныы, ниӂӓ ӧбӱр баш попазларын, гетирсин курбан кенди гӱнахлары ичин, сора инсанын гӱнахлары ичин. О бир сыра херзаман ичин Кендини курбан гетирди.

1 Petrіnіn 4:2

Ӧлӓ ки, калмыш вакыды бу гӱӱдейлӓн йашайын диил инсанын хамеллеринӓ гӧрӓ, ама Аллахын истедиинӓ гӧрӓ.

Çıfıtlara 1:3

Оол Аллахын метинниин айдынныы хем Онун варлыын гӧрӱмӱ да хепсини тутэр Кенди кудретли сӧзӱннӓн. О, паклайып бизим гӱнахлары, отурду ӱӱсеклердӓ, бӱӱк Оланын саа тарафында.

Tіta 2:14

О верди Кендини бизим ичин курбан олсун, ки куртарсын бизи хертӱрлӱ законсузлуктан да, паклайып, бир айыры инсан Кендинӓ йапсын, чалышкан ии ишлӓр йапмаа.

Apokalіpsіs 1:5

хем Иисус Христоздан, Ким инанч шаат, илк дууан, Ким ӧлӱлердӓн дирилди хем ердеки падишахларын ӧндерӂиси. О бизи севди, Кенди каныннан бизи гӱнахларымыздан куртарды,

Çıfıtlara 6:1

Онуштан, бракып Христозун башланкы ӱӱретмеклерини, таманнаа доору илерлейелим. Енидӓн темели коймайалым: дӧнмӓк ӧлӱ ишлердӓн, инанмак Аллаха,

Romalılara 6:13

Сизин гӱӱденизин еклерини гӱнах заплыына вермейин, ки кулланасыныз оннары кӧтӱлӱк ичин. Аллахын елинӓ верилин, ниӂӓ оннар, ким ӧлӱдӓн дирилди. Гӱӱденизин еклерини Аллаха верин, ки кулланасыныз оннары доорулук ичин.

1 İoanın 3:5

Да билерсиниз, ани Христос гелди, ки алсын бизим гӱнахларымызы. Онда Кендисиндӓ йок гӱнах.

Romalılara 6:22

Ама шинди, ачан гӱнахтан бошанмышсыныз хем Аллаха чырак олдунуз, бундан файданыз вар: айозлукта йашээрсыныз, хем бунун сону – дивеч йашамак.

Çıfıtlara 10:2

Башка тӱрлӱ дургунаӂэйдылар курбаннары гетирмӓӓ, зерӓ оннар, ким измет едер Аллаха, бир керӓ пакландыктан сора дуймаздылар ӱреклериндӓ кендилерини гӱнахкер.

Efeslіlerä 5:2

Севгиликтӓ йашайын, ниӂӓ Христос бизи севди да Кендини бизим ичин верди Аллаха гӧзӓл кокулу бир баашыш хем курбан гиби.

Efeslіlerä 2:5

Макар ки биз ӧлӱйдӱк кабаатларымыз бетеринӓ, О севгийлӓн йашамак верди бизӓ Христозлан барабар. Сиз Онун иивергисиннӓн куртулдунуз.

2 Korіnflіlerä 5:21

Христозу, Ким билмӓрди, недир гӱнах, Ону Аллах курбан верди бизим гӱнахларымыз ичин, ки Онун араӂылыыннан биз Аллахын ӧнӱндӓ доору олалым.

Romalılara 11:12

Еер оннарын сӱрчмеклери дӱннейӓ зенгинниксейди, хем кӱчӱлмеклери башка миллетлери зенгиннеттисейди, бӱтӱннӱклери некадар таа бӱӱк бир зенгинник гетиреӂек!

Luka 1:74

О адады, ани бизи куртараӂэк душманнардан да йапаӂэк, ки измет еделим Она коркусуз,

1 Petrіnіn 2:22

«О гӱнах хич йапмады, Онун аазындан йалан чыкмады».

1 Tіmofeyä 1:17

Дивеч Падишаха – ӧлӱмсӱз, гӧрӱнмӓз, бириӂик Аллаха – дивечтӓн дивеӂӓ икрам хем метинник олсун. Амин.

Galatіyalılara 2:19

Зерӓ Законун йардымыннан бӓн, Законун заплыындан куртулуп, сансын ӧлдӱм, ки Аллах ичин йашайым.

2 Korіnflіlerä 6:16

Не кайыллык олэр Аллахын айоз бинасынын хем идолларын арасында? Чӱнкӱ сиз дири Аллахын айоз бинасыйсыныз, ниӂӓ деди Аллах: «Бӓн йашайаӂам хем гезеӂӓм оннарын арасында. Оннарын Аллахы олаӂам, оннар да Беним инсаным олаӂэк».

Romalılara 11:24

Еер сӓн кесилмишсейдин йабан фидандан да, олмайарак хакына, хашланмышсайдын ии зейтин фиданына, некадар таа колай олур, хашланылсын кенди даллары зейтин фиданына!

Romalılara 1:20

Аллахын гӧрӱмсӱзлӱӱ – Онун сонсуз куведи хем аллахлыы – ачык гӧрӱнер дӱннейин курулмасындан, зерӓ буннар ачылэр Онун йарадылмыш ишлериндӓн. Ӧлӓ ки, оннар ӂувапсыз калыр.

İoan 3:34

Кими Аллах йоллады, О Аллахын сӧзлерини сӧлеер, зерӓ Аллах Кенди Духуну ӧлчӱйлӓн вермеер.

Luka 4:18

«Саабинин Духу Беним ӱстӱмдӓ, О йаалады Бени, ии хабер гӧтӱрейим фукааралара. Йоллады Бени, /алыштырайым о фаланык ӱреклилери,/ насаат едейим есирликтӓ оланнара сербестлик, кӧӧрлара гӧрмӓк, зеетленмишлери колверейим сербестлӓӓ,

Matfey 20:28

Зерӓ Адам Оолу гелмеди, ки Она измет етсиннӓр, ама Кенди измет етсин инсана хем версин йашамасыны чойун еринӓ, ки куртарабилсин оннары».

Çıfıtlara 11:21

Инаннан Иаков ӧлӱм дӧшеендӓ Иосифин оолларындан икисини иисӧзлейерӓк, баш иилтти Аллаха, абанып бастону ӱстӱнӓ.

Çıfıtlara 9:9

Бу чадыр бизим вакытлар ичин бир бензетмӓктир. Баашышлар хем курбаннар гетирилир, ангылары йок насыл хептӓн пакласыннар оннарын ӱзлерини, ким баш иилдер Аллаха.

Yaptıklar 14:15

«Адамнар, нечин буну йапэрсыныз? Биз сизин гиби инсаныз. Биз сизӓ ии хабер гетирериз, ки дӧнӓсиниз бошуна ишлердӓн дири Аллаха, Она, Ким йаратты гӧкӱ, ери, денизи хем хепсини, не вар оннарда.

Yaptıklar 10:38

ниӂӓ Аллах Айоз Духлан хем кудретлӓн йаалады Иисусу Назареттӓн, Ангысы гезӓрди ердӓн ерӓ, иилик йапарак хем алыштырарак хепсини, ким диаволун баскысы алтындайды, зерӓ Аллах Онуннанды.

Çıfıtlara 9:7

Ама икинӂи бӧлӱмӓ саде баш попаз йылда бир сыра гирер, алып кан курбандан, ани гетирер кендиси ичин хем хепси инсанын билмезлик гӱнахлары ичин.

1 Tіmofeyä 3:15

ки, еер биртӱрлӱ ойаланарсам, сӓн билӓсин, ниӂӓ дӱшер гӧтӱрмӓӓ кендини Аллахын евиндӓ, ани вар дири Аллахын клисеси, аслылыын дирӓӓ хем темели.

1 Salonіklіlerä 1:9

Зерӓ оннар кендилери сӧлеерлӓр, несой каблеттиниз бизи, ачан гелдик, да ниӂӓ идоллардан Аллаха дӧндӱнӱз, ки хакына хем дири Аллаха измет едӓсиниз,

Yaptıklar 1:2

о гӱнӓ кадар, ачан калкты гӧкӓ. Калкмадаан илери Айоз Духлан верди сымарламаклар апостоллара, ангыларыны Кендиси айырды.

Luka 12:28

Чӱнкӱ Аллах бӧлӓ гиидирер оту, ани бӱӱн кырда, ама йаарын атешӓ атылаӂэк, некадар таа чок гиидиреӂек сизи, аз инанӂылар?

Luka 12:24

Бакын гаргалара. Оннар не екер, не дӓ бичер. Оннарын йок не амбарлары, не дӓ читлери, ама Аллах оннары дойурэр. Сиз чок таа паалыйсыныз кушлардан!

Matfey 12:28

Еер Бӓн чыкарарсайдым фена духлары Аллахын Духуннан, елбетки, озаман Аллахын Падишахлыы етишти сизӓдӓн.

Matfey 7:11

Еер сиз, ани фенайсыныз, билирсениз ушакларыныза ии баашышлар вермӓӓ, некадар таа чок сизин Гӧктеки Бобаныз вереӂек ии ишлӓр оннара, ким Ондан истейеӂек!

Romalılara 1:4

ама Кенди айоз духуннан, куветлӓн белли олду, ани О Аллахын Оолу, зерӓ ӧлӱмдӓн дирилди.

Matfey 16:16

Симон Петри ӂувап етти: «Сӓнсин Христос, дири Аллахын Оолу!»

Yaptıklar 15:9

Оннарын хем бизим арамызда хич бир айырмак йапмады. Инаннан паклады оннарын ӱреклерини.

1 Korіnflіlerä 15:45

Ниӂӓ йазылы: «Илк Адам бир йашайан ӂан олду». Сон Адам са ӧмӱр верӓн бир дух олду.

Çıfıtlara 3:12

Кардашлар, бакын, олмасын сиздӓн бирисиндӓ фена хем инансыз бир ӱрек, ангысы атылэр дири Аллахтан.

Çıfıtlara 7:16

Ангысы олду попаз диил бир сенселӓ законуна гӧрӓ, ама бир йашаманын кувединӓ гӧрӓ, ангысы хич бир сыра билӓ йок едилмӓз.

Çıfıtlara 9:26

Башка тӱрлӱ Она лӓӓзым олаӂэйды дӱннейин курулмасындан чок сыра зеетленсин. Ама О шинди, вакытларын биткисиндӓ пейдаланды, ки бир сыра херзамана Кенди курбаныннан гӱнахы силсин.

Çıfıtlara 10:10

Аллахын бу истемесинӓ гӧрӓ, биз айозландык бир сыра херзамана, ачан Иисус Христос курбан гетирди Кенди гӱӱдесини.

Çıfıtlara 10:12

Ама О, Кендини гетирип салт бир сыра курбан гӱнахлар ичин, отурду херзамана Аллахын саа тарафына.

Çıfıtlara 13:12

Онуштан Иисус, ки айозласын инсаны Кенди каныннан, зеет чекти касабанын токатларынын дышанында.