Çıfıtlara 11:1 - Ени Бааланты

¹ Инан каави умуттур о ишлӓр ичин, не беклеериз, хем бир кайыллык о ишлерӓ, не шинди гӧрмеериз.

Enі Baalantı

¹ İnan kaavi umuttur o işlär için, ne bekleeriz, hem bir kayıllık o işlerä, ne şindi görmeeriz.

Çıfıtlara 11:1 Referans Kwoze

2 Korіnflіlerä 5:7

Зерӓ биз инаннан йашээрыз, ама диил гӧрмӓклӓн.

2 Korіnflіlerä 4:18

Биз бакмээрыз гӧрӱнӓр, ама гӧрӱнмӓз ишлерӓ, зерӓ гӧрӱнӓр ишлӓр бир вакыда кадар, ама гӧрӱнмӓз ишлӓр дивечтир.

Çıfıtlara 11:7

Инаннан Ной Аллахтан хабер каблетти о ишлӓр ичин, не таа гӧрӱнмӓрди. Чӱнкӱ Аллахтан коркарды, йапты бир геми, ки кенди сенселесини куртарсын. Бунуннан дӱннейи азарлады да инаннан акланмак еденди.

Çıfıtlara 10:22

Онуштан йаклашалым Аллаха пак ӱреклӓн хем каави инаннан, серпип ӱзлеримизи, кӧтӱ неетлердӓн паклайалым хем гӱӱдемизи темиз суйлан йыкайалым.

Çıfıtlara 11:27

Инаннан Мысыры бракты, падишахын ӱфкесиндӓн коркмайарак, зерӓ, дайанарак, гӧрӓрди сансын Ону, Ким гӧрӱнмеер.

Çıfıtlara 6:12

Истӓмеериз, хайлаз оласыныз, ама истеериз бензейӓсиниз оннара, ким инаннан хем дайанмаклан еденерлӓр адамаклары.

Çıfıtlara 10:39

Биз диилиз оннардан, ким геери чекилер да кайбелер, ама оннардан, ким инанэр да ӂаныны коруйэр.

1 Korіnflіlerä 13:13

Шинди калэр буннар ӱчӱ: инан, умут хем севги, ама севги оннардан таа бӱӱк.

Çıfıtlara 11:13

Хепси буннар ӧлӱнӂӓ инанӂы калдылар, макар ки еденмедилӓр, не аданды оннара, ама узактан салт сииреттилӓр да севиндилӓр. Ачык каблеттилӓр, ани оннар йолӂу хем конакчы бу ердӓ.

Çıfıtlara 3:14

Чӱнкӱ олэрыз пайӂы Христозлан билӓ, еер баштан биткийӓдӓн умудун темелини каави тутарсак.

Galatіyalılara 5:6

Зерӓ Иисус Христозда йок паайы не кесиклиин, не дӓ кесиксизлиин, ама инанын, ани севгийлӓн ишлеер.

2 Korіnflіlerä 5:17

Ӧлӓ ки, ким Христозда, о бир ени адам. Ески ишлӓр гечти, шинди хепси ени олду.

2 Petrіnіn 1:1

Бӓн, Симон Петри, Иисус Христозун кулу хем апостолу, селӓм йоллээрым хепсинӓ, ким бизим Аллах хем Куртарыӂы Иисус Христозун доорулууна гӧрӓ, каблетти инаны, ани бизим инан гиби паалыдыр.

Yaptıklar 20:21

Чаардым хем иудейлери, хем урумнары, дӧнсӱннӓр гӱнахларындан Аллаха да инансыннар Саабимиз Иисуса.

Tіta 1:1

Бӓн, Павли, Аллахын чыраа, Иисус Христозун апостолу, йолланылмышым, ки Аллахтан сечилмиш оланнар инансыннар хем танысыннар аслылыы, ани тутунэр аллахчылыктан

Çıfıtlara 2:3

Озаман несой олур биз ӂезадан куртулалым, еер касаветсиз оларсайдык букадар шанны куртулмайа, ангысыны баштан Сааби аннатты, да ишиденнӓр гӧстердилӓр бизӓ, ани аслы.

2 Korіnflіlerä 11:17

Не сӧлейеӂӓм, сӧлӓмейеӂӓм Саабийӓ гӧрӓ, ама бир акылсыз гиби кыйышмаклан ӱӱнерӓк.

2 Korіnflіlerä 9:4

Ӧлӓ ки, еер Македонийадан кими адамнар бенимнӓн гелирсейдилӓр да сизи хазыр булмарсайдылар, биз – демейелим сиз! – утанмыш калмайалым, ани букадар кыйышмаклан ӱӱндӱм сизиннӓн.

Çıfıtlara 3:6

Ама Христос, ниӂӓ Оол, инанчты Аллаха Кенди евиндӓ. Онун еви – биз, еер кыйышмаклан /биткийӓдӓн/ коруйарсак умуду, нейлӓн ӱӱнериз.