Apokalіpsіs 7:3 - Ени Бааланты

³ «Кедерлӓмейин не ери, не денизи, не дӓ фиданнары, биз Аллахымызын чыракларынын анныларына мӱхӱр коймайынӂа!»

Enі Baalantı

³ «Kederlämeyin ne eri, ne denizi, ne dä fidannarı, biz Allahımızın çıraklarının annılarına mühür koymayınca!»

Apokalіpsіs 7:3 Referans Kwoze

Apokalіpsіs 22:4

Онун ӱзӱнӱ гӧреӂеклӓр, адыны анныларында ташыйаӂэклар.

Apokalіpsіs 9:4

Оннара сымарланды кедерлӓмесиннӓр ердеки отлары хем хич бир ешиллии еки фиданы, ама салт инсаннары, ангыларын анныларында йок Аллахын мӱхӱрӱ.

Apokalіpsіs 20:4

Гӧрдӱм чорбаӂылык скемнелерини хем отураннары оннарын ӱстӱндӓ, ангыларына верилди заабитлик, даава йапсыннар. Гӧрдӱм инсаннарын ӂаннарыны да, ангыларын кафалары кесилмишти, зерӓ шаатлык едӓрдилӓр Иисус ичин хем насаат едӓрдилӓр Аллахын сӧзӱнӱ. Оннар ӂанавара хем онун идолуна баш иилтмемиштилӓр хем онун дамгасыны кенди анныларына хем еллеринӓ каблетмемиштилӓр. Оннар дирилдилӓр да падишахлык еттилӓр Христозлан барабар бин йыл.

Apokalіpsіs 14:1

Сора бактым да гӧрдӱм Кузуйу дураркан Сион байыры ӱстӱндӓ. Онуннан барабар варды ӱз кырк дӧрт бин киши, ангыларын анныларында йазылыйды Онун ады хем Бобасынын ады.

Apokalіpsіs 13:16

О йапарды, ани кӱчӱк-бӱӱк, зенгин-фукаара, сербест-чырак олсун, хепсинӓ дамга саа елинӓ йада аннысына койулсун,

Apokalіpsіs 19:2

Зерӓ актыр хем доорудур Онун даавалары. Чӱнкӱ О даава йапты бӱӱк ороспу карыйа, ким бӱтӱн ери ороспулууннан хайырсызлаа гӧтӱрдӱ. Она ӂеза верди кенди чыракларынын каннары ичин, ани онун елиндӓн дӧкӱлдӱ».

Apokalіpsіs 6:6

Дӧрт йаратыын арасындан ишиттим бир сес, ани дейӓрди: «Бир ӧлчӱ боодай бир динара, ӱч ӧлчӱ арпа бир динара, ама зейтин йаайыны хем шарабы бозма!»

İoan 12:26

Еер биркимсей истӓрсейди измет етмӓӓ Бана, гелсин ардыма. Нередӓ Бӓн олаӂам, орада олаӂэк Беним изметкерим дӓ. Еер биркимсей измет едӓрсейди Бана, Боба она сайгы сӱреӂек.

Matfey 24:22

Еер о вакыт кысалдылмайды, кимсей куртуламайаӂэйды, ама сечилмишлерин хатыры ичин о вакыт кысалдылды.

Romalılara 6:22

Ама шинди, ачан гӱнахтан бошанмышсыныз хем Аллаха чырак олдунуз, бундан файданыз вар: айозлукта йашээрсыныз, хем бунун сону – дивеч йашамак.

Matfey 24:31

О йоллайаӂэк бӱӱк бору сесиннӓн ангиллерини. Оннар топлайаӂэклар Онун сечилмишлерини дӧрт тарафтан, гӧкӱн бир кенарындан ӧбӱр кенарынадан.

İoan 3:33

Ким кабледер Онун шаатлыыны, бунуннан каавилеер Аллахын аслылыыны.

Apokalіpsіs 7:1

Бундан сора гӧрдӱм дӧрт ангил, ангылары дурардылар ерин дӧрт тарафында да тутардылар ерин дӧрт лӱзгерини, ки лӱзгӓр есмесин не ер ӱстӱнӓ, не дениз ӱстӱнӓ, не дӓ бир аач ӱстӱнӓ.

Apokalіpsіs 7:2

Сора гӧрдӱм башка бир ангил, ким калкты гӱндуусундан, ангысында варды дири Аллахын мӱхӱрӱ. О баарды бӱӱк сеслӓн дӧрт ангилӓ, ангыларына изин верилийди, кедерлесиннӓр ери хем денизи, дейип:

Apokalіpsіs 13:17

ки кимсей сатамасын хем аламасын бишей, кимдӓ йок бу дамга, ани ӂанаварын ады йада онун адынын сайысы.

Apokalіpsіs 14:9

Ӱчӱнӂӱ ангил гитти оннарын ардына, дейерӓк бӱӱк сеслӓн: «Ким баш иилдер ӂанавара хем онун идолуна да кабледер онун дамгасыны кенди аннысына еки елинӓ,