Apokalіpsіs 5:6 - Ени Бааланты

⁶ Чорбаӂылык скемнесинин, дӧрт йаратыын хем аксакалларын арасында бир Кузу гӧрдӱм, Ангысы айакча дурарды, сансын кесилмишти. Онун варды еди буйнузу хем еди гӧзӱ, ангылары Аллахын еди Духу, йолланылмыш бӱтӱн ер ӱстӱнӓ.

Enі Baalantı

⁶ Çorbacılık skemnesinin, dört yaratıın hem aksakalların arasında bir Kuzu gördüm, Angısı ayakça durardı, sansın kesilmişti. Onun vardı edi buynuzu hem edi gözü, angıları Allahın edi Duhu, yollanılmış bütün er üstünä.

Apokalіpsіs 5:6 Referans Kwoze

Apokalіpsіs 5:12

Оннар бӱӱк сеслӓн дейӓрдилӓр: «Буазланмыш Кузуйа йарашэр каблетсин кудрет, зенгинник, аарифлик, кувет, икрам, метинник хем иисӧзлемӓк!»

İoan 1:29

Ертеси гӱнӱ гӧрер Иоан Иисусу, гелерӓк она доору, да деер: «Тӓ, Аллахын Кузусу, Ангысы алэр дӱннейин гӱнахыны!

Apokalіpsіs 13:8

Хепси йашайаннар ер ӱстӱндӓ она баш иилдеӂек, кимин адлары дӱннейин курулмасындан буазланмыш Кузунун йашамак кийадында диил йазылы.

İoan 1:36

Иисусу орадан гечӓркӓн гӧрдӱ да деди: «Тӓ, Аллахын Кузусу!»

Apokalіpsіs 1:4

Бӓн, Иоан, селӓм йоллээрым еди клисейӓ, ангылары булунэр Асийа бӧлгесиндӓ. Ииверги хем услулук сизӓ Ондан, Ким вар, Ким варды хем Ким гелӓр, еди духтан, ангылары Онун чорбаӂылык скемнесинин каршысында,

Yaptıklar 8:32

Окуйарды о ери Айоз Йазыдан, нередӓ йазылы: «О гӧтӱрӱлдӱ, ниӂӓ бир койун кесилмӓӓ дейни, хем ниӂӓ бир кузу сусар кырканын ӧнӱндӓ, О ӧлӓ ачмады аазыны.

Apokalіpsіs 22:3

Хем хич бишей бетвалы орада олмайаӂэк. Ама Аллахын хем Кузунун чорбаӂылык скемнеси орада олаӂэк, хем Онун чыраклары Она измет едеӂеклӓр.

Apokalіpsіs 22:1

Ангил гӧстерди бана йашамак суйунун дересини, ани кристал гиби йалабык. О сызэр Аллахын хем Кузунун чорбаӂылык скемнесиндӓн.

Apokalіpsіs 21:23

Касабанын йок лӓӓзымныы гӱн ичин еки ай ичин, орада шафк етсиннӓр дейни, зерӓ Аллахын метиннии айдыннадэр касабайы, хем Кузу – шафк орада.

Apokalіpsіs 17:14

Оннар Кузуйлан ӂенк едеӂеклӓр, ама Кузу оннары енсейеӂек, зерӓ Одур саабилерин Саабиси хем падишахларын Падишахы, хем ким Онуннан барабар, оннар чаарылмыш, сечилмиш хем инанч».

Apokalіpsіs 12:11

Оннар енседилӓр ону Кузунун каныннан хем кенди шаатлыкларынын сӧзӱннӓн, зерӓ артык кенди ӂаннарыны кыймадылар да ӧлӱмӓ вердилӓр.

Apokalіpsіs 6:16

Оннар дейӓрдилӓр байырлара хем канаралара: «Дӱшӱн бизим ӱстӱмӱзӓ да саклайын бизи, чорбаӂылык скемнесиндӓ Отуранын ӱзӱндӓн хем Кузунун ӱфкесиндӓн,

Luka 1:69

Калдырды бизӓ бир каави Куртарыӂы Кенди изметкерин, Давидин, евиндӓн,

Apokalіpsіs 4:8

Бу дӧрт йаратыын хербириндӓ варды алтышар канат. Доз-долай, дышандан хем ичйандан, долуйдулар гӧзлӓн. Геӂӓ-гӱндӱз дурмамайӂа дейӓрдилӓр: «Айоз, айоз, айоз Чоккудретли Сааби Аллах, Ким варды, Ким вар хем Ким гелӓр».

Apokalіpsіs 5:11

Ачан бактым, ишиттим чорбаӂылык скемнесинин, йаратыкларын хем аксакалларын долайындан чок ангиллерин сеслерини. Оннарын сайысы биннӓн бин хем оннан бин он бин.

Apokalіpsіs 5:13

Хепсини, не йарадылы гӧктӓ, ердӓ, ер алтында хем дениздӓ, хепсини, не вар орада, ишиттим дейерӓк: «Чорбаӂылык скемнесиндӓ Отурана хем Кузуйа ии сӧз, икрам, метинник, кувет олсун дивечтӓн дивеӂӓ!»

Apokalіpsіs 5:14

Дӧрт йаратык дейӓрди: «Амин». Ирми дӧрт аксакал дӱштӱлӓр ӱзӱкойну да баш иилттилӓр Она, /Ким дивеч йашээр/.

Apokalіpsіs 14:1

Сора бактым да гӧрдӱм Кузуйу дураркан Сион байыры ӱстӱндӓ. Онуннан барабар варды ӱз кырк дӧрт бин киши, ангыларын анныларында йазылыйды Онун ады хем Бобасынын ады.

Apokalіpsіs 21:22

Айоз бина орада гӧрмедим, зерӓ Сааби Аллах, Чоккудретли, хем Кузу айоз бина орада.