Apokalіpsіs 20:2 - Ени Бааланты

² О тутту дракону, евелки йыланы, ангысы – диавол хем шейтан, да баалады ону бин йыла.

Enі Baalantı

² O tuttu drakonu, evelki yılanı, angısı – diavol hem şeytan, da baaladı onu bin yıla.

Apokalіpsіs 20:2 Referans Kwoze

2 Petrіnіn 2:4

Аллах аӂымады артык ангиллери, ангылары гӱнаха гирдилӓр. Оннары, баалайып синӂирлӓрлӓн, ӂендем дипсизлиинӓ атты. Орада каранныкта даава гӱнӱнӱ беклеерлӓр.

Apokalіpsіs 12:9

Бӱӱк дракон, евелки йылан, ангысына денер диавол хем шейтан, ани бӱтӱн дӱннейи алдадэр, ерӓ атылды хем онуннан барабар онун ангиллери дӓ.

İudanın 1:6

Ангиллери, ани корумадылар кенди заабитликлерини да брактылар йашамак ерлерини, Сааби тутэр оннары каранныкта чӧзӱлмӓз синӂирлериннӓн бӱӱк даава гӱнӱ ичин.

İoan 12:31

Шинди даава олэр бу дӱннейӓ, шинди бу дӱннейин чорбаӂысы уурадылды дышары.

1 Petrіnіn 5:8

Айык хем кушку олун, зерӓ сизин душманыныз диавол гезер бир хырлайан аслан гиби да аарээр, кими йутсун.

Çıfıtlara 2:14

Ӧлӓ ки, ниӂӓ ушаклар пай алэрлар кандан хем еттӓн, хеп ӧлӓ О да пай алды кандан хем еттӓн, ки ӧлӱмнӓн телеф етсин ону, кимдӓ вар ӧлӱмӱн куведи, ангысы диавол,

Romalılara 16:20

Аллах, услулук верӓн, тездӓ езеӂек шейтаны сизин айакларыныз алтында. Ииверги Саабимиздӓн Иисус Христоздан олсун сизиннӓн. /Амин./

İoan 16:11

Ачаӂэк даавайы, зерӓ даавайа кесилди бу дӱннейин чорбаӂысы.

Apokalіpsіs 13:2

Ӂанавар, ани гӧрдӱм, барса бензӓрди. Онун баӂаклары айы баӂаклары гибийди, аазы са ниӂӓ аслан аазыйды. Дракон она кенди кудредини, чорбаӂылык скемнесини хем бӱӱк заабитлии верди.

Apokalіpsіs 12:17

Дракон карыйа ӱфкеленди да гитти ӂенк етмӓӓ карынын сенселесиндӓн калма инсаннан, ангылары Аллахын сымарламакларыны таманнээрлар хем ангыларында вар шаатлык Иисус ичин. Сора денизин куму ӱстӱндӓ дурду.

Apokalіpsіs 12:15

Дракон кенди аазындан су салверди, ниӂӓ бир акар дерӓ, карынын ардына, ки ону, селлӓн алып, гӧтӱрсӱн.

Apokalіpsіs 12:13

Дракон, ачан гӧрдӱ, ани ерӓ атылмыш олду, башлады кооламаа карыйы, ангысы дуудурмушту чоӂуу.

Mark 5:7

баарарак кескин сеслӓн: «Нейин вар Сенин бенимнӓн, Иисус, Пек ӱӱсек Аллахын Оолу? Йалварэрым Сана Аллахын адыннан: зеетлӓмӓ бени!»

Matfey 8:29

Оннар башладылар баармаа: «Нейин вар бизимнӓн, /Иисус,/ Аллахын Оолу? Гелдин бурайы вакытсыз зеетлемӓӓ ми бизи?»

Apokalіpsіs 13:4

Оннар баш иилттилӓр дракона, зерӓ о заабитлик верди ӂанавара. Сора баш иилттилӓр ӂанавара, дейерӓк: «Ким ӂанавар гиби, ким ӂенк едӓбилир она каршы?»

Apokalіpsіs 9:11

Оннарын ӱстӱнӓ падишах одур, ким дипсизлиин ангили, кимӓ чыфытчасына денер Аваддон, ама урумӂасына Аполлион.

Matfey 19:29

Хепси, ким бракты евини йада кардашларыны, кызкардашларыны, бобасыны, анасыны, /карысыны,/ ушакларыны еки мерасыны Беним адым ичин, кабледеӂек ӱз катына таа чок хем дӓ еденеӂек дивеч йашамак.

Mark 4:15

Кими инсаннар бензеер тоомнара, ани дӱшер йол бойуна, нередӓ о сӧз екилер. Оннар сӧзӱ ишиттийнӓн, тез гелер шейтан да чалэр сӧзӱ, ани екилийди ӱреклериндӓ.

Apokalіpsіs 12:3

Сора бир башка нышан гӧктӓ гӧрӱндӱ: бӱӱк бир кырмызы дракон еди кафайлан хем он буйнузлан, кафаларында да еди корона варды.

Apokalіpsіs 12:4

Онун куйруу, гӧктеки йылдызларын ӱчӱнӂӱ пайыны сӱрӱклейип, ерӓ дӱшӱрдӱ. Сора дракон дикилди карынын ӧнӱнӓ, ани лӓӓзымды дуудурсун, ки дуудурдуу заман ушааны йутсун.

Apokalіpsіs 20:7

Бин йыл таманнандыктан сора, шейтан зынданындан салверилеӂек

Apokalіpsіs 20:10

Диавол, ани оннары алдадарды, атеш хем кӱкӱрт гӧлӱнӓ атылды, нередӓ вар ӂанавар хем йаланӂы пророк, да геӂӓ-гӱндӱз дивечтӓн дивеӂӓ зеетленеӂеклӓр.