Apokalіpsіs 20:10 - Ени Бааланты

¹⁰ Диавол, ани оннары алдадарды, атеш хем кӱкӱрт гӧлӱнӓ атылды, нередӓ вар ӂанавар хем йаланӂы пророк, да геӂӓ-гӱндӱз дивечтӓн дивеӂӓ зеетленеӂеклӓр.

Enі Baalantı

¹⁰ Diavol, ani onnarı aldadardı, ateş hem kükürt gölünä atıldı, neredä var canavar hem yalancı prorok, da gecä-gündüz diveçtän divecä zeetleneceklär.

Apokalіpsіs 20:10 Referans Kwoze

Matfey 25:41

Сора дейеӂек сол тарафында оланнара: „Гидин Бендӓн, сиз бетвалылар, дивеч атешӓ, ани хазырланмыш диавола хем онун ангиллеринӓ!

Apokalіpsіs 19:20

Ӂанавар хем йаланӂы пророк, ани йапарды мераклы нышаннар ӂанаварын ӧнӱндӓ, тутулдулар. Йаланӂы пророк бу нышаннарлан алдатты оннары, ким каблеттийди ӂанаварын дамгасыны хем ким баш иилдӓрди ӂанаварын идолуна. Икиси дӓ диридӓн атылдылар атеш гӧлӱнӓ, ани кӱкӱртлӓн йанэр.

Matfey 25:46

Буннар гидеӂеклӓр дивеч ӂезайа, ама доору оланнар – дивеч йашамайа».

Apokalіpsіs 20:8

да чыкаӂэк, ки алдатсын миллетлери, ангылары ерин дӧрт тарафында йашээрлар – Гогу хем Магогу – да топласын оннары бирери ӂенк ичин. Оннарын сайысы денизин куму гиби.

Apokalіpsіs 16:13

Гӧрдӱм, ани драконун аазындан, ӂанаварын аазындан хем йаланӂы пророкун аазындан чыкты ӱч фена дух, курбаалара бензӓр.

Matfey 7:15

Корунун йаланӂы пророклардан. Оннар гелерлӓр сизӓ гиийимни койун дерисиннӓн, ама ичйандан паралайан йабанылар.

Apokalіpsіs 9:17

Тӓ несой гӧрдӱм гӧрӱмдӓ бейгирлери хем ӱстӱндӓ атлылары. Оннарын гӱӱслериндӓ зирхлӓр варды атеш, гӧк йакут хем кӱкӱрт ренгиндӓ. Бейгирлерин кафалары бензӓрди аслан кафасына, да аазларындан чыкарды атеш, тӱтӱн хем кӱкӱрт.

Mark 9:44

нередӓ оннарын куртлары ӧлмеерлӓр, хем атеш сӱӱнмеер/.