Apokalіpsіs 18:10 - Ени Бааланты

¹⁰ Коркуйа дӱшеӂеклӓр онун зеетлериндӓн, да, узакта дуруп, дейеӂеклӓр: „Вай, вай, бӱӱк касаба, каави касаба Вавилон! Бир саат ичиндӓ ӂезаны булдун“.

Enі Baalantı

¹⁰ Korkuya düşeceklär onun zeetlerindän, da, uzakta durup, deyeceklär: „Vay, vay, büük kasaba, kaavi kasaba Vavilon! Bir saat içindä cezanı buldun“.

Apokalіpsіs 18:10 Referans Kwoze

Apokalіpsіs 18:19

Башларына тоз аттылар да, аалайып хем сызлайып, баарардылар: „Вай, вай, бӱӱк касаба! Онда паалы малларындан зенгиннеди хепси, кимин варды дениздӓ гемилери. Бир саатта бош калды!“

Apokalіpsіs 18:8

Онуштан бир гӱндӓ онун ӱстӱнӓ гелеӂек белалар – чума, кахыр хем аачлык. Атештӓ йакылмыш олаӂэк, зерӓ каавийдир Сааби Аллах, ани она даава йапэр.

Apokalіpsіs 14:8

Онун ардына икинӂи бир ангил гитти, дейерӓк: «Дӱштӱ, дӱштӱ Вавилон, бӱӱк касаба, ангысы кенди ороспулуунун кызгын шарабыннан сулады хепси миллетлери!»

Apokalіpsіs 17:12

Он буйнуз, ани гӧрдӱн – он падишах, ангылары таа каблетмедилӓр падишахлыы, ама падишах заабитлиини кабледеӂеклӓр бир саада ӂанаварлан барабар.

Apokalіpsіs 11:8

Оннарын гӱӱделери бракылы олаӂэк бӱӱк касабанын ана йолу ӱстӱндӓ. О касаба духчасына адланэр „Содом“ хем „Мысыр“, нередӓ оннарын Саабиси дӓ ставроза герили олду.

Apokalіpsіs 16:19

Бӱӱк касаба ӱч пайа бӧлӱндӱ да миллетлерин касабалары йыкылды. Бӱӱк Вавилон анылды Аллахын ӧнӱндӓ, да она верилди филӂан, ани тутэр Аллахын кызгын ӱфкесинин шарабыны.

Apokalіpsіs 18:18

Ачан гӧрдӱлӓр онун йангынындан тӱтӱнӱ, баардылар, дейип: „Ангы касаба вар бу бӱӱк касаба гиби?“

Apokalіpsіs 18:21

Озаман бир куветли ангил калдырды бир таш, ани бензӓрди бӱӱк дермен ташына, да атты ону дениз ичинӓ, дейип: «Бӧлӓ бӱӱк куветлӓн атылаӂэк бӱӱк касаба Вавилон, да ондан сора гӧрӱлмейеӂек.