Apokalіpsіs 17:3 - Ени Бааланты

³ Ангил духлан бени бир чол ерӓ гӧтӱрдӱ, да гӧрдӱм бир кары, ани отурэр кызыл ӂанавар ӱстӱндӓ. Бу ӂанавар долуйду адларлан, ангылар кӧтӱлӓрди Аллахы, да онун варды еди кафасы хем он буйнузу.

Enі Baalantı

³ Angil duhlan beni bir çol erä götürdü, da gördüm bir karı, ani oturêr kızıl canavar üstündä. Bu canavar doluydu adlarlan, angılar kötülärdi Allahı, da onun vardı edi kafası hem on buynuzu.

Apokalіpsіs 17:3 Referans Kwoze

Apokalіpsіs 12:3

Сора бир башка нышан гӧктӓ гӧрӱндӱ: бӱӱк бир кырмызы дракон еди кафайлан хем он буйнузлан, кафаларында да еди корона варды.

Apokalіpsіs 17:18

Кары, ани гӧрдӱн, о – бӱӱк касаба, ани ерин падишахлары ӱстӱнӓ падишахлык едер».

Apokalіpsіs 12:6

Ама кары пустийалаа качты, нередӓ онун ичин ер Аллахтан хазырланмышты, ки орада бин икиӱз алтмыш гӱн бесленсин.

Apokalіpsіs 17:4

Бу кары ергиван хем койу кырмызы ренкли рубайлан гиийимни, алтыннан, паалы ташлан хем такым седефлӓн донаклыйды. Елиндӓ тутарды бир алтын ока, долу кенди ороспулуунун ииренч хем мындар ишлериннӓн.

Apokalіpsіs 12:14

Ама карыйа ики бӱӱк картал канады верилди, ки учабилсин йыланын ӧнӱндӓн пустийалаа, кенди еринӓ, нередӓ дойурулаӂэк бир вакыт, вакытлар хем йарым вакыт.

Apokalіpsіs 21:10

Духлан гӧтӱрдӱ бени бир бӱӱк хем ӱӱсек байыра да гӧстерди айоз касабайы, Иерусалими, ани гӧктӓн, Аллахтан инӓрди.

2 Salonіklіlerä 2:4

О каршы дураӂэк хем кендини ӱӱсеклендиреӂек хепсиндӓн таа чок, нейӓ денер аллах еки нейӓ баш иилдилер, ӧлӓ ки Аллахын Айоз бинасында отураӂэк, сансын о Аллах, да кендини Аллахын еринӓ койаӂэк.

Apokalіpsіs 1:10

Айоз Дух конду бана Саабинин гӱнӱндӓ. Аркамдан ишиттим бир бӱӱк сес, труба сеси гиби, Ангысы дейӓрди: «/Бӓним Алфа хем Омега, Баш хем Сон./

Apokalіpsіs 4:2

Хемен Айоз Дух конду бана, да тӓ, гӧктӓ курулу бир чорбаӂылык скемнеси. Чорбаӂылык скемнесининдӓ отурарды Бириси.

Yaptıklar 8:39

Ачан чыктылар су ичиндӓн, Саабинин Духу алып гӧтӱрдӱ Филипи. Евнух башка ону гӧрмеди. О шен гитти кенди йолуна.

Matfey 27:28

Сойундурдулар Онун рубаларыны да гиидирдилӓр кырмызы ӱст руба.

Apokalіpsіs 18:12

Маллары алтындан, гӱмӱштӓн, паалы таштан, седефтӓн, инӂӓ кетендӓн, ипектӓн, ергиван хем койу-кырмызы ренкли парчалардан, хертӱрлӱ ии кокулу аачтан, хертӱрлӱ филдиши кабы, хертӱрлӱ кабы ен паалы аачтан, тунчтан, демирдӓн хем мермердӓн,

Apokalіpsіs 18:16

дейип: „Вай, вай, бӱӱк касаба! О инӂӓ кетеннӓн, ергиван хем койу-кырмызы ренкли рубаларлан гиийимнийди, донаклыйды алтыннан, паалы ташларлан хем седефлӓн.