Apokalіpsіs 14:11 - Ени Бааланты

¹¹ Оннарын зеетлеринин тӱтӱнӱ дивеч калкаӂэк. Геӂӓ-гӱндӱз оннарын раады олмайаӂэк, ким ӂанавара хем онун идолуна баш иилдер хем ӂанаварын адынын дамгасыны кабледер.

Enі Baalantı

¹¹ Onnarın zeetlerinin tütünü diveç kalkacek. Gecä-gündüz onnarın raadı olmayacek, kim canavara hem onun idoluna baş iilder hem canavarın adının damgasını kableder.

Apokalіpsіs 14:11 Referans Kwoze

Apokalіpsіs 19:3

Сора икинӂи сыра дедилӓр: «Алилуйа! Ороспу карынын тӱтӱнӱ калкэр йукары дивечтӓн дивеӂӓ!»

Apokalіpsіs 20:10

Диавол, ани оннары алдадарды, атеш хем кӱкӱрт гӧлӱнӓ атылды, нередӓ вар ӂанавар хем йаланӂы пророк, да геӂӓ-гӱндӱз дивечтӓн дивеӂӓ зеетленеӂеклӓр.

Matfey 25:46

Буннар гидеӂеклӓр дивеч ӂезайа, ама доору оланнар – дивеч йашамайа».

Matfey 25:41

Сора дейеӂек сол тарафында оланнара: „Гидин Бендӓн, сиз бетвалылар, дивеч атешӓ, ани хазырланмыш диавола хем онун ангиллеринӓ!

Apokalіpsіs 18:18

Ачан гӧрдӱлӓр онун йангынындан тӱтӱнӱ, баардылар, дейип: „Ангы касаба вар бу бӱӱк касаба гиби?“

Apokalіpsіs 14:9

Ӱчӱнӂӱ ангил гитти оннарын ардына, дейерӓк бӱӱк сеслӓн: «Ким баш иилдер ӂанавара хем онун идолуна да кабледер онун дамгасыны кенди аннысына еки елинӓ,

Apokalіpsіs 11:15

Единӂи ангил трубайы баартты, да гӧктӓн бӱӱк сеслӓр ишидилди, ани дейӓрди: «Дӱннӓ падишахлыы гечти бизим Саабинин хем Онун Христозун елинӓ, да О падишахлык едеӂек дивечтӓн дивеӂӓ».

Apokalіpsіs 7:12

«Амин! Ии сӧз, метинник, аарифлик, шӱкӱр, икрам, кудрет хем кувет олсун бизим Аллаха дивечтӓн дивеӂӓ! Амин!»

Çıfıtlara 1:8

Ама Оолу ичин деер: «Ей, Аллах, Сенин чорбаӂылык скемнӓн дивечтир хем падишахлык бастонун доорулук бастонудур.

Apokalіpsіs 22:5

Артык геӂӓ олмайаӂэк, хем шафк диил лӓӓзым оннара, не дӓ гӱн айдынныы, зерӓ Сааби Аллах айдыннадаӂэк оннары. Оннар дивечтӓн дивеӂӓ падишахлык едеӂеклӓр.

Apokalіpsіs 13:12

О ишлӓрди хеп о заабитликлӓн, ангысыннан илк ӂанавар да ишлӓрди, ки ер хем ердӓ йашайаннар баш иилтсиннӓр илк ӂанавара, ангысынын ӧлӱм йарасы алышты.

Matfey 11:28

Гелин Бана, хепси йоргуннар хем ӱклӱ оланнар! Бӓн сизӓ раатлык веририм.

Apokalіpsіs 13:15

Она изин верилди, ки ӂанаварын идолуна солук версин, ӂанаварын идолуну лафеттирсин хем сымарласын, ки ӧлдӱрӱлсӱн хепси, ким баш иилтмеер ӂанаварын идолуна.

Apokalіpsіs 13:17

ки кимсей сатамасын хем аламасын бишей, кимдӓ йок бу дамга, ани ӂанаварын ады йада онун адынын сайысы.

Apokalіpsіs 18:9

Ерин падишахлары, ани онуннан ороспулук еттилӓр хем сефалык сӱрдӱлӓр, аалайаӂэклар хем сызлайаӂэклар онун ичин, ачан гӧреӂеклӓр тӱтӱнӱ онун йангынындан.