Apokalіpsіs 11:17 - Ени Бааланты

¹⁷ дейерӓк: «Шӱкӱр едериз Сана, Сааби Аллах, Чоккудретли, Ким вар, Ким варды /хем Ким гелӓр/. Зерӓ Сӓн каблеттин бӱӱк кудредини да башладын падишахлык етмӓӓ.

Enі Baalantı

¹⁷ deyeräk: «Şükür ederiz Sana, Saabi Allah, Çokkudretli, Kim var, Kim vardı /hem Kim gelär/. Zerä Sän kablettin büük kudredini da başladın padişahlık etmää.

Apokalіpsіs 11:17 Referans Kwoze

Apokalіpsіs 1:8

«Бӓним Алфа хем Омега, /Баш хем Сон/», – деер Сааби Аллах, Ким вар, Ким варды хем Ким гелӓр, Чоккудретли.

Apokalіpsіs 16:5

Ишиттим су ангилини, ким дейӓрди: «/Сааби,/ ани варсын, вардын хем айозсун, Сӓн доору йаптын, ани бӧлӓ даава кестин.

Apokalіpsіs 19:6

Сансын чок инсан калабалыын сесини ишиттим, ниӂӓ чок сулар уултусу, бӱӱк гӧк гӱрӱлтӱлеринӓ бензӓр, ани дейӓрди: «Алилуйа, бизим Сааби Аллах, Чоккудретли, башлады падишахлык етмӓӓ.

Apokalіpsіs 1:4

Бӓн, Иоан, селӓм йоллээрым еди клисейӓ, ангылары булунэр Асийа бӧлгесиндӓ. Ииверги хем услулук сизӓ Ондан, Ким вар, Ким варды хем Ким гелӓр, еди духтан, ангылары Онун чорбаӂылык скемнесинин каршысында,

Apokalіpsіs 19:11

Сора гӧрдӱм ачылмыш гӧкӱ, да тӓ, бир атлы бийаз бейгир ӱстӱндӓ. Ады Онун «Инанч» хем «Хак», Ким доору даава йапэр хем ӂенк едер.

Apokalіpsіs 16:7

Ишиттим бир сес курбанныктан, ани дейӓрди: «Ӧлӓ, Сааби Аллах, Чоккудретли, хакына хем доору Сенин дааваларын».

Apokalіpsіs 16:14

Буннар ӂин духлары, ангылары мераклы нышаннар йапэрлар. Оннар чыкэрлар бӱтӱн дӱннӓ падишахларына, ки топласыннар оннары бирери ӂенк етмӓӓ Аллахын, Чоккудретлинин, о бӱӱк гӱнӱндӓ.

Apokalіpsіs 15:3

Моисейин, Аллахын чыраанын, тӱркӱсӱнӱ хем Кузунун тӱркӱсӱнӱ чаларак, деерлӓр: «Бӱӱк хем шашмаклы Сенин ишлерин, Сааби Аллах, Чоккудретли! Доору хем хакына Сенин йолларын, миллетлерин падишахы!

Apokalіpsіs 11:15

Единӂи ангил трубайы баартты, да гӧктӓн бӱӱк сеслӓр ишидилди, ани дейӓрди: «Дӱннӓ падишахлыы гечти бизим Саабинин хем Онун Христозун елинӓ, да О падишахлык едеӂек дивечтӓн дивеӂӓ».

1 Tіmofeyä 1:12

Шӱкӱр едерим Иисус Христоза, бизим Саабийӓ, Ангысы бени каавилетти, зерӓ О сайды бени инанч да алды изметинӓ,

Luka 10:21

О саат Иисус Айоз Духлан севинди да деди: «Шӱкӱр едерим Сана, Боба, ани сакладын буннары аариф хем фикирли оланнардан да ачтын евлатлара. Хакына, Боба, будур Сенин истедиин!

Matfey 11:25

Озаман Иисус деди: «Шӱкӱр едерим Сана, Боба, гӧкӱн хем ерин Саабиси, ани сакладын буннары аариф хем фикирли оланнардан да ачтын евлатлара.

2 Korіnflіlerä 9:15

Шӱкӱрлӱк олсун Аллаха бӱӱк баашышы ичин, ангысыны хич йок насыл аннатмаа!

2 Korіnflіlerä 2:14

Ама шӱкӱр Аллаха, Ким херзаман гездирер бизи Христозун енсемӓк парадында хем бизимнӓн херердӓ даадэр гӧзӓл кокуйу, не гелер Ону танымактан.

İoan 11:41

Актардылар ташы /лаам аазындан, нередейди ӧлӱ/. Иисус, калдырып бакышыны гӧкӓ, деди: «Боба, шӱкӱр едерим, ани ишиттин Бени.

Apokalіpsіs 18:8

Онуштан бир гӱндӓ онун ӱстӱнӓ гелеӂек белалар – чума, кахыр хем аачлык. Атештӓ йакылмыш олаӂэк, зерӓ каавийдир Сааби Аллах, ани она даава йапэр.