2 Tіmofeyä 3:8 - Ени Бааланты

⁸ Ниӂӓ Йаннис хем Йамбрис Моисейӓ каршы калктылар, хеп ӧлӓ буннар да аслылаа каршы дурэрлар. Оннар – бозук фикирли, инан ичин рет едилмиш инсаннар.

Enі Baalantı

⁸ Nicä Yannis hem Yambris Moiseyä karşı kalktılar, hep ölä bunnar da aslılaa karşı durêrlar. Onnar – bozuk fikirli, inan için ret edilmiş insannar.

2 Tіmofeyä 3:8 Referans Kwoze

Apokalіpsіs 2:20

Ама Бендӓ вар биркач маана сана каршы: сӓн бракэрсын Иезавел карыйы, ани сайэр кендини пророк, ӱӱретсин хем алдатсын Беним чыракларымы, ки ороспулук йапсыннар хем исиннӓр идоллара баашланмыш курбан йаанысындан.

1 Tіmofeyä 6:5

Бошуна дартышмаклар бозук фикирли инсаннарда, ангылары кайбеттилӓр аслылыы, санарак ани Аллахын йолу казанч йолудур. /Бусой инсаннардан узаклаш./

Tіta 1:16

Оннар деерлӓр, ани Аллахы таныйэрлар, ама кенди йаптыкларыннан Аллахы инкӓр едерлӓр, зерӓ оннар ииренч хем канырык инсаннар, бир дӓ ии ишӓ йарамаз.

1 İoanın 4:1

Севгили кардашлар! Хербир духу инанмайын, ама денейин духлары, ки гӧрӓсиниз, Аллахтан мы? Зерӓ бу дӱннедӓ чыкты чок йаланӂы пророк.

2 Petrіnіn 2:14

Оннарын гӧзлери ороспулук майыллыыннан долу. Гӱнаха доймээрлар. Оннар алдадэрлар карарсыз инсаннары. Ӱреклери сынашмыш тамахлаа. Оннар – бетвалы инсаннар.

2 Tіmofeyä 4:15

Сӓн дӓ сакын ондан, зерӓ чок каршы дурду бизим сӧзлеримизӓ.

Efeslіlerä 4:14

Озаман артык олмайаӂэз ушаклар гиби, ангылары салланэрлар далгаларлан хем сӱрӱкленерлӓр лӱзгерлӓрлӓн – хертӱрлӱ ӱӱренмӓклӓн, ани инсаннар гетирерлӓр шалвирликлӓн хем ширетликлӓн, ки башкаларыны, алдадып, йолдан саптырсыннар.

1 Tіmofeyä 4:2

йаланӂыларын икиӱзлӱлӱӱ бетеринӓ, ангыларын ӱзлери сансын дамгаланмыш кызгын демирлӓн.

1 Tіmofeyä 1:19

да коруйасын инаны бир пак ӱзлӓн, недӓн бир бойу атылды да инаннарыны телеф етти, ниӂӓ бир геми, ани ташлара чарпэр.

Romalılara 16:18

Зерӓ бусой инсаннар измет етмеерлӓр Христоза, бизим Саабийӓ, ама кенди шкембелеринӓ. Татлы сӧзлӓрлӓн хем йалпак лафларлан алдадэрлар саф ӱреклилери.

Apokalіpsіs 2:6

Ама сендӓ ии бу, ки азетмеерсин Николайӂыларын ишлериндӓн, ангыларындан Бӓн дӓ азетмеерим.

1 İoanın 2:18

Ушакларым! Бу – битки вакыт. Ниӂӓ ишиттиниз, ани гелеӂек антихрист, тӓ шинди пейдаланды чок антихрист. Бундан аннээрыз, ани бу – битки вакыт.

Tіta 1:10

Зерӓ вар чок инсан, калкынтыӂы, бошуна лафедӓн хем йаланӂы, таа чок кесикли оланнардан.

Romalılara 1:28

Чӱнкӱ Аллахы танымакта файда гӧрмедилӓр, Аллах оннары файдасыз фикирлеринӓ бракты, йапсыннар, не диил лӓӓзым.

Yaptıklar 15:24

Биз ишиттик, ани кими инсаннар, ким бизим арамыздан чыкты, ама биздӓн йолланмадылар, сизи раатсыз едерлӓр ӧлӓ лафларлан да долаштырэрлар сизи, /ӱӱредерӓк сизи кесиклик кабледӓсиниз хем тутасыныз Моисейин законуну/.