1 Tіmofeyä 4:6 - Ени Бааланты

⁶ Еер буннары кардашлара аннадырсайдын, Иисус Христозун бир ии изметкери олаӂан, бесленмиш инан сӧзлериннӓн хем ии ӱӱретмӓклӓн, не изледин шиндийӓ кадар.

Enі Baalantı

⁶ Eer bunnarı kardaşlara annadırsaydın, İisus Hristozun bir ii izmetkeri olacan, beslenmiş inan sözlerinnän hem ii üüretmäklän, ne izledin şindiyä kadar.

1 Tіmofeyä 4:6 Referans Kwoze

Koloslulara 3:16

Христозун Сӧзӱ сиздӓ ерлешсин ташкынныктан. Ӱӱредин хем акыл верин бири-биринизӓ псалмаларлан, метинник лафларыннан хем духча тӱркӱлӓрлӓн, шӱкӱрлӱклӓн метедерӓк Саабийи ӱректӓн.

Tіta 2:1

Ама сӓн ӱӱрет, не саа ӱӱретмеклерӓ йарашэр.

Koloslulara 4:7

Сизӓ, беним ичин хепсини сӧлейеӂек Тихик, бизим севгили кардаш хем инанч йардымӂы, хем кафадар Саабинин изметиндӓ,

Matfey 13:52

О деди оннара: «Онуштан хербир билгич, ангысы ӱӱренди, не лӓӓзым Гӧк Падишахлыы ичин, бензеер бир ев чорбаӂысына, ангысы чыкарэр хазнасындан хем ени, хем ески ишлӓр».

İudanın 1:5

Макар ки буну билерсиниз, бӓн истеерим аклыныза гетирейим, ани Сааби Кенди халкыны Мысырдан куртардыктан сора, инансызлары телеф етти.

2 İoanın 1:9

Ким сырайы басэр да тутунмээр Иисусун ӱӱретмесиндӓн, онда йок Аллах. Ким тутунэр /Христозун/ ӱӱретмесиндӓн, онда вар хем Боба, хем Оол.

1 Petrіnіn 2:2

Ниӂӓ ени дуумуш евлатлар ӧзлеер сӱт, ӧзлейин Аллахын хализ Сӧзӱнӱ, ки сиз, бунуннан бӱӱйӱп, еденӓбилӓсиниз куртулмак.

2 Tіmofeyä 4:3

Зерӓ вакыт гелеӂек, ачан саа ӱӱретмеклерӓ дайанамайаӂэклар, ама йаннарына топлайаӂэклар ӱӱредиӂилери кенди истедиклеринӓ гӧрӓ, ки назландырсыннар оннары.

2 Tіmofeyä 3:10

Ама сӓн йакындан изледин беним ӱӱретмеми, йашамамы, неетлерими, инанымы, сабурлууму, севгими, дайанмамы,

2 Tіmofeyä 1:6

Онуштан аклына гетирерим, алифлендирӓсин Аллахын баашышыны, ани едендин еллерими коймамдан сенин ӱстӱнӓ.

1 Tіmofeyä 6:3

Ким башка тӱрлӱ ӱӱредер да кайыл олмээр бизим Сааби Иисус Христозун саа сӧзлеринӓ хем Аллахын йакышыклы, уйгун ӱӱретмесинӓ,

1 Tіmofeyä 4:16

Есап ал кендини хем ӱӱретмени да херзаман бу ӱзерӓ чалыш. Бӧлӓ йапарак, хем кендини куртараӂан, хем оннары, ким сени сеслеер.

1 Tіmofeyä 1:10

ороспулук еденнӓр ичин, гомосексуалистлӓр ичин, чырак ӂамбазлары ичин, йаланӂылар ичин, емини тутмайаннар ичин хем башка хепси ичин, не каршы дурэр саа ӱӱренмейӓ,

1 Salonіklіlerä 3:2

да йолладык Тимофейи, бизим кардашы хем кафадары Аллах ичин, ки Христозун Ии Хаберини насаат етсин да каавилесин хем гиргиннетсин сизи инанда,

Koloslulara 2:19

да тутунмээр Баштан, Кимдӓн бӱтӱн гӱӱдӓ еклери хем баалантылары йардымыннан бесленер хем бирлештирилер, да башарэр, бӱӱйерӓк Аллахын йардымыннан.

Fіlіplіlerä 3:16

Ама нейлӓн бир аннамайа гелдик, ону ӧлӓ дӓ туталым.

Efeslіlerä 6:21

Ама, сиз билӓсиниз дейни беним халымы хем ишлерими, хепси ичин аннадаӂэк сизӓ Тихик, бизим севгили кардаш хем Саабинин инанч изметкери,

2 Korіnflіlerä 6:4

Ама хербир иш ӱзерӓ кендимизи ӧрнек гӧстерериз ниӂӓ Аллахын изметкерлери: чок дайанэрыз зеетлердӓ, зор хем сыкы вакытларда,

2 Korіnflіlerä 3:6

О бизи беӂерикли йапты, ки ени баалантынын изметкерлери олалым. О бааланты тутунмээр йазылы буквалардан, ама Айоз Духтан. Зерӓ буква ӧлдӱрер, ама Дух ӧмӱр верер.

1 Korіnflіlerä 4:17

Бунун ичин йолладым сизӓ Тимофейи, ангысы беним севгили ушаам, О Саабийӓ инанчтыр. О аклыныза гетиреӂек, насыл бӓн Христозун йолунда гидерим хем несой херердӓ хербир клисейи ӱӱредерим.

Romalılara 15:15

Ама кыйышмаклан йаздым сизӓ, ки енидӓн аклыныза гетирейим кими ишлери Аллахын иивергисиннӓн, ани бана верди,

Yaptıklar 20:35

Хербир ӱзерӓ сизӓ гӧстердим, ани, бутӱрлӱ ишлейип, лӓӓзым йардым еделим йуфка оланнара да унутмайалым Сааби Иисусун сӧзлерини, зерӓ О Кендиси деди: „Таа мутлу вермӓӓ, некадар алмаа“».

Yaptıklar 20:31

Онун ичин, кушку олун хем унутмайын, ани бӓн ӱч йыл геӂӓ-гӱндӱз йашлар гӧзлеримдӓ дурмамайӂа херкезинизи ӱӱреттим.

Luka 1:3

Бӓн дӓ есапладым, хепсини ислӓӓ аараштырдыктан сора, хатырлы Феофил, сыравардыр йазайым сана хепсини, ниӂӓ олду,

Yaptıklar 1:15

О вакыт топлуйду бир ӱз ирми кишинин долайында. Петри калкты бу кардашларын арасында да деди:

2 Korіnflіlerä 11:23

Оннар Христозун изметкерлери ми? Дели гиби лафедерим! Бӓн оннардан таа ӱстӱн изметкерим. Бӓн таа чок чалыштым, таа чок капана дӱштӱм, сайысыз сыра дайак идим, чок сыра ӧлӱм дӧшеендӓ булундум.

Fіlіplіlerä 2:20

Зерӓ башка кимсейим йок, ки онун гиби дӱшӱнсӱн хем сизин ичин бӱтӱн ӱректӓн чалышсын.

Fіlіplіlerä 2:22

Ама билерсиниз, некадар дененмиш адам Тимофей, зерӓ Ии Хабери насаат едерӓк бенимнӓн барабар измет етти, ниӂӓ бир оол бобасыннан.