1 Tіmofeyä 3:16 - Ени Бааланты

¹⁶ Хич лафсыз, Аллахын йолунун саклылыы бӱӱктӱр: Аллах тенӂӓ гӧстерилди, Духлан Кендини доорулады, ангиллерӓ гӧрӱндӱ, миллетлердӓ насаат едилди, дӱннедӓ инаннан кабледилди, метинниклӓн йукары алынды.

Enі Baalantı

¹⁶ Hiç lafsız, Allahın yolunun saklılıı büüktür: Allah tencä gösterildi, Duhlan Kendini dooruladı, angillerä göründü, milletlerdä nasaat edildi, dünnedä inannan kabledildi, metinniklän yukarı alındı.

1 Tіmofeyä 3:16 Referans Kwoze

İoan 1:14

Сӧз адам олду, бизим арамызда йашады, иивергийлӓн хем аслылыклан долу. Онун метинниини гӧрдӱк, ниӂӓ Бобадан бириӂик Оолун метинниини.

Çıfıtlara 1:3

Оол Аллахын метинниин айдынныы хем Онун варлыын гӧрӱмӱ да хепсини тутэр Кенди кудретли сӧзӱннӓн. О, паклайып бизим гӱнахлары, отурду ӱӱсеклердӓ, бӱӱк Оланын саа тарафында.

Mark 16:19

Буннары сӧледиктӓн сора Сааби Иисус гӧкӓ алынды да Аллахын саа тарафында отурду.

Romalılara 16:25

Шинди метинник олсун Аллаха, Ким вар насыл каавилесин сизи Ии Хаберӓ гӧрӓ, Иисус Христос ичин хаберӓ гӧрӓ, ани насаат едерим, чӱнкӱ бу саклылык ачылды, ани саклы тутулуйду сонсуз асирлердӓн беери,

Luka 24:4

Ачан билмӓрдилӓр, не йапсыннар, бирдӓн гӧстерилди оннара ики адам, гиийимни йалабык рубайлан.

Koloslulara 1:23

Бу олур, еер сиз темелленмиш хем салланмадык инанда дурурсайдыныз да йыракланмарсайдыныз умуттан, ани гелер Ии Хабердӓн. Сиз ишиттиниз бу Ии Хабери, ангысы насаат олунду хепси инсаннара гӧк алтында. Бӓн, Павли, бу Ии Хаберин изметкерийим.

1 İoanın 1:2

Зерӓ Йашамак бизӓ ачылды, да биз Ону гӧрдӱк, Онун ичин шаатлык едериз. Сизӓ хаберлеериз дивеч Йашамайы, ани Бобадайды, да бизӓ гӧстерилди.

1 Petrіnіn 3:22

Христос гӧкӓ калкты да Аллахын саа тарафында отурду. Онун запына верилдилӓр ангиллӓр, заабитликлӓр хем куветлӓр.

1 Petrіnіn 1:12

Оннара ачылды, ани измет едӓрдилӓр диил кендилеринӓ, ама сизӓ. Лафеттилӓр оннар ичин, не сиз ӱӱрендиниз оннардан, ким сизӓ Ии Хабери аннатты. Ии Хабер аннадылды Айоз Духун йардымыннан, ани гӧктӓн йолланылды. Ангиллӓр дӓ истеерлӓр бу ишлери аннамаа.

Koloslulara 2:2

Истеерим, ани оннарын ӱреклери хошлансын хем севгийлӓн бирлешсиннӓр, ки таман билимин бӱтӱн зенгиниини еденсиннӓр да танысыннар Аллахын саклы курулмушуну, ани Христостур,

Koloslulara 1:27

Аллах истеди гӧстерсин оннара, некадар шанны хем зенгиндир миллетлӓр арасында бу саклы курулмуш. О – Христостур, метинник умуду, ани сиздӓ булунэр.

Koloslulara 1:6

ани сизӓ етишти. Ии Хабер, ниӂӓ бӱтӱн дӱннедӓ, сизин аранызда да мейва гетирер хем гит-гидӓ илерлеер о гӱндӓн, ачан ишиттиниз онун ичин хем хакына аннадыныз Аллахын иивергисини,

Luka 22:43

Озаман гӧктӓн гӧстерилди бир ангил, ангысы гелди Ону гиргиннетмӓӓ.

Matfey 3:16

Ачан Иисус ваатиз олду да чыкты су ичиндӓн, гӧк ачылды да Иоан гӧрдӱ Аллахын Духуну, Ангысы инӓрди бир гугуш гиби хем конарды Иисусун ӱстӱнӓ.

1 İoanın 3:5

Да билерсиниз, ани Христос гелди, ки алсын бизим гӱнахларымызы. Онда Кендисиндӓ йок гӱнах.

Çıfıtlara 12:2

Уз Иисуса бакалым, Ангысы бизим инанын ӧнӂӱсӱ хем таманнайыӂысы. О, бакарак севинмелӓӓ, ани гелеӂек, дайанды ставрозда герили олсун. Буну хич утанмак саймады да Аллахын чорбаӂылык скемнесинин саа тарафына отурду.

1 Tіmofeyä 3:9

инанын саклылыыны пак ӱзлӓн корусуннар.

İoan 20:12

Да орада гӧрер ики ангил, гиийимни ак-бийаз рубайлан. Бириси отурарды баш уӂунда, ӧбӱрӱ дӓ айак уӂунда, нередӓ койулуйду Иисусун гӱӱдеси.

Matfey 1:23

«Тӓ кыз гебӓ калаӂэк да бир оол дуудураӂэк. Онун адыны койаӂэклар „Еммануил“, аннамасы „Аллах бизимнӓн“».

Apokalіpsіs 7:9

Ондан сора бактым да гӧрдӱм бир бӱӱк сӱрӱ инсан, ангыларыны кимсей йокту насыл сайсын, хертӱрлӱ миллеттӓн, сенселедӓн, халктан хем дилдӓн, ангылары дурардылар чорбаӂылык скемнесинин хем Кузунун ӧнӱндӓ, бийаз рубаларлан гиийимни хем хурма даллары еллериндӓ.

1 Petrіnіn 1:20

О дӱннейин курулмасындан ӧнӂӓ билинӓрди, ама ачылды битки вакытларда сизин ичин.

Çıfıtlara 7:7

Лафсыз билинер, ани кӱчӱӱнӱ иисӧзлеер бӱӱк олан.

Efeslіlerä 6:19

Дуа един беним ичин дӓ, ки, аазымы ачтыйнан, бана лаф верилсин, да кыйышмаклан ачыклайым саклылыы Ии Хабер ичин,

Efeslіlerä 1:9

О ачты бизӓ Кенди саклы истедиини, ии неетинӓ гӧрӓ, ангысыны таа баштан курду Христозда.

Galatіyalılara 4:4

Ама, ачан вакыт таманнанды, Аллах бизӓ Кенди Оолуну йоллады, Ангысы дууду карыдан да йашады Законун запында,

1 Korіnflіlerä 15:47

Илк инсан ердӓн, топрактан олду. Икинӂи инсан – /Сааби/ гӧктӓн.

1 Korіnflіlerä 2:7

Ама насаат едериз Аллахын аарифлиини – гизли, саклы тутулмуш аарифлии, ани Аллах дӱннейин курулмасындан ӧнӂӓ сыралады бизим метинниимиз ичин.

Romalılara 10:18

Ама шинди сорэрым: не, ишитмедилӓр ми? Елбетки, ишиттилӓр. «Оннарын сеслери ишидилди бӱтӱн ер ӱстӱндӓ, хем лафлары етишти ерин кенарларына да».

Yaptıklar 20:28

Есап алын кенди-кендинизӓ хем бӱтӱн сӱрӱйӓ, кимин ӱстӱнӓ Аллах койду сизи гӱдӱӂӱ, ки гӱдӓсиниз Саабинин /хем Аллахын/ клисесини, ангысыны казанды Кенди каныннан.

Galatіyalılara 2:8

Зерӓ О, Ким койду Петрийи апостол кесикли оланнар ичин, хеп О бени дӓ койду апостол кесиксиз оланнар ичин.

Romalılara 9:5

Оннардан патриархлар гелди хем оннардан гӱӱдейӂесинӓ Христос гелди, Ангысы хепсиндӓн таа ӱстӱн хем дивеӂинӓ метинненмиш Аллахтыр. Амин.

Yaptıklar 10:34

Петри алды лафы да деди: «Хакына гӧрерим, ани Аллах кимсейӓ пай тутмээр,

Romalılara 8:3

Не Закон йапамады, чӱнкӱ теннӓн йуфкаланды, Аллах йапты. О йоллады Кенди Оолуну, бензӓр гӱнахкер инсана, курбан олсун гӱнах ичин, да даава етти гӱнахы, ани вар инсан тениндӓ,

Yaptıklar 14:27

Етишип орайы, топладылар клисейи да аннаттылар хепсини, не Аллах йапты оннарлан хем ниӂӓ ачты башка миллетлерӓ инан капусуну.

İoan 16:28

Гелдим Бобадан бу дӱннейӓ, шинди бракэрым дӱннейи да дӧнерим Бобайа».

İoan 13:3

Иисус, Ангысы билӓрди, ани Боба хепсини верди Онун елинӓ, хем Кендиси Аллахтан чыкып-гелди да Аллаха дӧнер,

Luka 24:51

Ачан иисӧзлӓрди оннары, айырылды оннардан да калкты гӧкӓ.

Apokalіpsіs 17:7

Ангил бана сорду: «Нечин шашэрсын? Бӓн аннадаӂам сана саклы аннамайы бу кары ичин хем ӂанавар ичин, ани ону ташыйэр, хем ангысында вар еди кафа хем он буйнуз.

Apokalіpsіs 17:5

Аннысында йазылыйды бир ад, ангысынын вар саклы аннамасы: «Бӱӱк Вавилон, ороспуларын хем ердеки ииренчликлерин анасы».

Çıfıtlara 8:1

Сӧледиклеримизин ӧзӱ будур: биздӓ вар ӧлӓ бир Баш попаз, Ангысы гӧклердӓ отурду бӱӱк Аллахын чорбаӂылык скемнесинин саа тарафында.

2 Salonіklіlerä 2:7

Зерӓ законсузлуун саклы куведи шинди дӓ ишлеер, салт о вакыдадан, ачан О, Ким шинди ону дургудэр, орталыктан алынаӂэк.

2 Salonіklіlerä 1:10

о гӱнӱ, ачан О гелеӂек, ки метинненсин айоз халкындан хем шашмайа койсун хепси инанӂылары. Зерӓ сиз бизим шаатлыымызы инандыныз.

Yaptıklar 1:19

Хепси Иерусалимдӓ йашайаннар ишиттилӓр бу олуш ичин. Тарланын адыны Акелдама койдулар. Оннарын дилиндӓ бунун аннамасы „Кан Тарласы“».

İoan 17:5

Шинди Сӓн метиннӓ Бени, Боба. Вер метиннии, ани варды Бендӓ дӱннейин курулмасындан илери.

İoan 15:26

Ачан гелеӂек Иилендириӂи, Ангысыны Бӓн Бобамдан сизӓ йоллайаӂам, Аслылык Духу, Ангысы Бобадан гелер, О шаатлык едеӂек Беним ичин.

İoan 6:62

Не дейеӂениз, ачан гӧреӂениз Адам Оолуну калкарак енидӓн орайы, нередӓ О баштан булунарды?

Luka 2:32

айдыннатсын миллетлерӓ дейни хем икрам йапсын Израил инсанына».

Mark 16:5

Ачан гирдилӓр мезар ичинӓ, гӧрдӱлӓр бир генч оланы, ангысы отурурду саа тарафта, гиийимни бийаз рубайлан. Карылар коркудан даптур гелдилӓр.

Mark 1:13

Чолда О кырк гӱн булунду, нередӓ шейтандан дененмиш олду. Ӂанаварлар арасында булунурду, да ангиллӓр Она измет едӓрдилӓр.

Matfey 28:2

Бирдӓн олду бир бӱӱк ер тепремеси, зерӓ бир ангил Саабидӓн инди гӧктӓн да, гелип, девирди ташы мезарын аазындан да отурду таш ӱстӱнӓ.

Matfey 13:11

Иисус ӂувап етти: «Чӱнкӱ сизӓ верилди, аннайасыныз Гӧк Падишахлыын саклылыкларыны, ама оннара верилмеди.

Matfey 4:11

Озаман диавол Ону бракты. Ангиллӓр, гелип, измет етмӓӓ Иисуса башладылар.

1 Petrіnіn 3:18

Чӱнкӱ Христос, гетирсин бизи Аллаха дейни, бир керӓ ӧлдӱ гӱнахларымыз ичин, доору олан доору олмайаннар ичин. О гӱӱдейӂесинӓ ӧлдӱрӱлдӱ, ама духчасына дирилдилди.

Romalılara 10:12

Йок айырмак иудейлерин хем урумнарын арасында, зерӓ хепсинин Саабиси бирдир. О херкезинӓ ӂӧмерт, ким Ону чаарэр.

Romalılara 3:4

Олмаз! Еер хепси инсаннар йаланӂы да олса, Аллах доору калэр, ниӂӓ йазылы: «Сӧзӱндӓ доору чыкэрсын хем даавада даавайы казанэрсын».

Romalılara 16:26

ама шинди белли олду хем пророкларын йазыларыннан, дивеч Аллахын буйурмасына гӧрӓ, билдирилди хепси миллетлерӓ, ки сеслесиннӓр хем инансыннар.

2 Korіnflіlerä 1:19

Зерӓ Аллахын Оолу Иисус Христос, Кимин ичин биз – бӓн, Силуан хем Тимофей – насаат еттик, олмады хем «олур», хем «олмаз», ама Онда салт «олур».

1 Petrіnіn 1:21

Онун араӂылыыннан Аллаха инандыныз, Ангысы дирилтти Ону ӧлӱдӓн да верди Она метинник, ки инанасыныз хем умутланасыныз Аллаха.

1 İoanın 3:8

Ким гӱнах йапэр, о диаволдан, зерӓ диавол баштан гӱнах йапэр. Онуштан Аллахын Оолу гелди, ки бозсун диаволун ишлерини.

Luka 20:44

Давид адлээр Ону „Чорбаӂы“, озаман насыл О олабилир Давидин оолу?»