1 Petrіnіn 1:7 - Ени Бааланты

⁷ ки сизин инанынызын хализлии гӧстерилсин. Алтын, ани кайбелер, атештӓн дененер. Хеп ӧлӓ инаныныз да, ани таа паалы алтындан, дененер, ки сиздӓ метинник, шаннык хем икрам олсун Иисус Христозун гелмесиндӓ.

Enі Baalantı

⁷ ki sizin inanınızın halizlii gösterilsin. Altın, ani kaybeler, ateştän denener. Hep ölä inanınız da, ani taa paalı altından, denener, ki sizdä metinnik, şannık hem ikram olsun İisus Hristozun gelmesindä.

1 Petrіnіn 1:7 Referans Kwoze

İakovun 1:12

Не мутлу адам, ким дайанмаклан денемеклери гечирер, зерӓ, дененмиш олуп, йашамак фенецини кабледеӂек, ани адады Сааби хепсинӓ оннара, ким Ону север.

1 Petrіnіn 4:12

Севгили кардашларым! Атешли денемеклерӓ шашмайын, ани башыныза гелер сизи денемӓк ичин, ниӂӓ бир шашылаӂак иш.

Romalılara 2:7

Оннара, ким, дайма иилик йапарак, метинник, икрам хем ӧлӱмсӱзлӱк аарээр, дивеч йашамак вереӂек.

1 Korіnflіlerä 3:13

херкезин иши белли олаӂэк, зерӓ даава гӱнӱндӓ ӱзӓ чыкаӂэк, чӱнкӱ атешлӓн ачыкланаӂэк. Атеш херкезин ишини денейеӂек, ким недӓн йывды, гӧстереӂек.

İudanın 1:24

Она, Ким вар насыл сизи дӱшмектӓн корусун да Кенди метинниин ӧнӱнӓ кусурсуз бӱӱк севинмӓклӓн чыкарсын,

2 Petrіnіn 1:4

ангыларыннан билӓ бизӓ чок бӱӱк хем паалы адамаклар баашланды, ки сиз бӧлеликлӓн куртуласыныз бозуклуктан, ани бу дӱннедӓ вар шефклик бетеринӓ, да бензӓр оласыныз Аллахын табеетинӓ.

1 Petrіnіn 2:4

Гелиниз Саабийӓ, дири таша, ани инсандан сыбыдылмыш, ама Аллахтан сечилмиш хем паалы.

Matfey 25:21

Чорбаӂы деди она: „Хелал, сӓн ии хем инанч чыраксын, олдун инанч аз ишлердӓ, койаӂам сени чок ишлерин ӱстӱнӓ. Катыл чорбаӂынын шенниинӓ!“

Apokalіpsіs 3:10

Чӱнкӱ таманнадын Беним сымарламамы дайанмак ичин, Бӓн дӓ коруйаӂам сени денемӓк вакыдындан, ани гелеӂек бӱтӱн дӱннейин ӱстӱнӓ, ки денесин оннары, ким ер ӱстӱндӓ йашээр.

Apokalіpsіs 2:10

Не лӓӓзым олаӂэк гечирӓсин, бишейдӓн коркма. Диавол кимисини сиздӓн капана атаӂэк, ки дененӓсиниз. Зеетленмиш олаӂэныз он гӱн. Ол инанч ӧлӱмӓ кадар, да вереӂӓм сана йашамак фенецини.

Apokalіpsіs 1:7

Бак, О гелер булутларлан, да хербир гӧз Ону гӧреӂек, артык оннар да, ким Ону саплады. Хепси ердеки сенселелӓр аалайаӂэк Онун бетеринӓ. Ӧлӓ, амин!

1 Korіnflіlerä 4:5

Онуштан хич мааналамайын таа вакыт гелмедийнӓн. Беклейин Саабинин гелмесини, Ангысы ачаӂэк хепсини, не саклы каранныкта, да ӱзӓ чыкараӂэк инсан ӱреклеринин неетлерини. Озаман херкез метинник Аллахтан еденеӂек.

Yaptıklar 8:20

Ама Петри деди: «Сенин паран телеф олсун сениннӓн, зерӓ сӓн сандын, ки Аллахын баашышыны вар ниӂӓ казанмаа парайлан!

İoan 12:26

Еер биркимсей истӓрсейди измет етмӓӓ Бана, гелсин ардыма. Нередӓ Бӓн олаӂам, орада олаӂэк Беним изметкерим дӓ. Еер биркимсей измет едӓрсейди Бана, Боба она сайгы сӱреӂек.

İoan 5:44

Несой вар ниӂӓ сиз инанасыныз, ачан аарээрсыныз метинник бири-бириниздӓн, ама аарамээрсыныз метиннии, ани гелер бир Аллахтан.

Luka 12:33

Сатын не вар сиздӓ, да йапын иилик. Кендинизӓ ескимӓз кеселӓр хазырлайын – гечмӓз зенгинник гӧклердӓ, нерейи хырсыз сокулмээр хем гӱвӓ имеер.

Matfey 25:23

Чорбаӂы деди: „Хелал, сӓн ии хем инанч чыраксын, олдун инанч аз ишлердӓ, койаӂам сени чок ишлерин ӱстӱнӓ. Катыл чорбаӂынын шенниинӓ!“

Matfey 19:28

Иисус ӂувап етти: «Доору сӧлеерим сизӓ, ани ачан Адам Оолу отураӂэк Кенди метиннииндӓ, чорбаӂылык скемнесиндӓ, ени заманда, сиз, ани гелдиниз Беним ардыма, отураӂэныз оники чорбаӂылык скемнелериндӓ, даава кесерӓк Израилин оники тамызлыына.

Apokalіpsіs 3:18

Сана насаат едерим, ани сатын аласын Бендӓн алтын, атештӓн пакланмыш, ки зенгинненӓсин, бийаз рубалар, ки гиинӓсин, да гӧрӱнмесин сенин айып чыплаклыын, хем илач, ки гӧзлерини йаалайасын да гӧрӓсин.

2 Petrіnіn 1:1

Бӓн, Симон Петри, Иисус Христозун кулу хем апостолу, селӓм йоллээрым хепсинӓ, ким бизим Аллах хем Куртарыӂы Иисус Христозун доорулууна гӧрӓ, каблетти инаны, ани бизим инан гиби паалыдыр.

1 Petrіnіn 2:7

Онуштан О сизин ичин, ким инанды, бир паалы таштыр, ама инансыз оланнар ичин «бу бир таш, ангысыны усталар сыбыттылар, ама сонда кӧшӓ ташы олду»,

1 Petrіnіn 1:5

Сиз Аллахын кувединнӓн, инаннан корунэрсыныз куртулмак ичин, ани хазыр ачылсын битки вакытларда.

Romalılara 2:29

Ама хакына иудей о, ким ичйандан ӧлӓ, хем хакына кесикли о, ани духча ӱректӓ кесикли, ама диил саде кийат ӱстӱндӓ. Хакына иудей одур, ким диил инсандан, ама Кендиндӓн Аллахтан метинни.

Luka 17:30

Хеп ӧлӓ олаӂэк о гӱнӱ дӓ, незаман Адам Оолу пейдаланаӂэк.

Romalılara 2:10

Буна каршы, хепсинӓ, ким иилик йапэр, ӧнӂӓ иудейлерӓ, сора урумнара, метинник, икрам хем услулук олаӂэк.

Romalılara 8:19

Зерӓ хепси, не йарадылмыш, умутлан беклеер, незаман Аллахын ооллары ачылаӂэк.

1 Petrіnіn 1:13

Онун ичин фикирлериниз ишӓ хазыр олсун. Айык олун. Ен хептӓн умутланын о иивергийӓ, ани сизӓ верилеӂек Иисус Христозун гелмесиндӓ.

1 Petrіnіn 4:13

Буна каршы, севинин, чӱнкӱ пай алэрсыныз Иисус Христозун зеетлериндӓ, ки Онун метиннии ачылмасында да севинӓсиниз хем шенненӓсиниз.

1 Petrіnіn 5:1

Сиздеки пресвитерлерӓ йалварэрым, чӱнкӱ кендим дӓ пресвитерим. Бӓн шаадым Христозун зеетлеринӓ хем пайдашым метинниктӓ, ани лӓӓзым ачылсын.

2 Petrіnіn 3:14

Онуштан, севгили кардашлар, чӱнкӱ буннары беклеерсиниз, чалышын Онун ӧнӱндӓ лекесиз, кусурсуз хем услулукта оласыныз.