1 Petrіnіn 1:3 - Ени Бааланты

³ Метинник олсун Аллаха, Саабимиз Иисус Христозун Бобасына, Ангысы Кенди бӱӱк аӂыйанныындан йапты, аники енидӓн дууалым, да Иисус Христозун дирилмесиннӓн биздӓ бир ени умут олсун,

Enі Baalantı

³ Metinnik olsun Allaha, Saabimiz İisus Hristozun Bobasına, Angısı Kendi büük acıyannıından yaptı, aniki enidän duualım, da İisus Hristozun dirilmesinnän bizdä bir eni umut olsun,

1 Petrіnіn 1:3 Referans Kwoze

1 Petrіnіn 1:23

Зерӓ Аллахын дири хем дивеч сӧзӱннӓн сиз енидӓн дуудунуз, ниӂӓ ушаклар, диил бир ӧлӱмнӱ бобадан, ама ӧлӱмсӱз Бобадан.

1 İoanın 5:4

Зерӓ ким дуулмуш Аллахтан, о бу дӱннейи енсеер. Не енсеер бу дӱннейи, бу бизим инанымыз.

Romalılara 15:13

Аллах, Ким умут бизӓ версин, сизи долдурсун хертӱрлӱ севинмӓклӓн хем услулуклан инанынызда, ки Айоз Духун кувединнӓн сизи умутлан зенгиннетсин.

Efeslіlerä 1:7

Христозда куртулмак едендик Христозун каныннан, гӱнахларымыз афедилди Аллахын ӂӧмерт иивергисиннӓн,

2 Korіnflіlerä 1:3

Шӱкӱр Аллаха, бизим Сааби Иисус Христозун Бобасына! Одур йалпак ӱрекли Боба хем хертӱрлӱ кахырда иилендирӓн Аллах,

1 İoanın 3:3

Херкез, ким бу умуду Она койэр, кендини паклээр, ниӂӓ Христос пак.

Romalılara 12:12

Умутлан севинин, зееттӓ сабурлу олун, кендинизи дуайа верин.

1 İoanın 2:29

Еер сиз билирсейдиниз, ани О доору, озаман билиниз, ани хепси, ким йапэр доору, Ондан дуулмуш.

Efeslіlerä 1:3

Аллах метинненмиш олсун, бизим Сааби Иисус Христозун Бобасы, Ани гӧклердӓ иисӧзледи бизи Христозда хертӱрлӱ духча иисӧзлемеклӓрлӓн.

Efeslіlerä 3:20

Аллах, биздӓ ишлейӓн кувединнӓн, вар насыл йапсын чок таа зеедӓ, некадар биз истеериз хем дӱшӱнериз.

Efeslіlerä 1:17

ки бизим Сааби Иисус Христозун Аллахы, метинни Боба, версин сизӓ Духу, Ани сизи аариф йапаӂэк хем ачыклайаӂэк Аллахы, ки таныйасыныз Ону.

1 Petrіnіn 3:21

Бу олуш ваатизлӓӓ бензеер, ани шинди сизи куртарэр Иисус Христозун дирилмесиннӓн. Ваатизлик гӱӱденин йыканмасы кирдӓн диилдир, ама Аллахын ӧнӱндӓ темиз ӱректӓн бир адамак.

1 Tіmofeyä 1:14

Ама бизим Саабинин хайыры бана бол-бол верилди инаннан хем севгийлӓн билӓ, ани вар Иисус Христозда.

Efeslіlerä 2:4

Ама Аллах, ӂӧмерт аӂыйанныыннан, бизи чок севди.

İakovun 1:18

О Кенди истедиинӓ гӧрӓ йапты, ки биз дууалым аслылык сӧзӱннӓн да еденелим илк ери оннарын арасында, не О йаратты.

Tіta 2:13

Шинди беклеериз бизим мутлулук умуду, бизим бӱӱк Аллах хем Куртарыӂы Иисус Христос шанныкта пейдалансын.

1 Korіnflіlerä 15:20

Ама доорусу, Христос ӧлӱдӓн дирилди, ӧленнердӓн илк.

1 Korіnflіlerä 13:13

Шинди калэр буннар ӱчӱ: инан, умут хем севги, ама севги оннардан таа бӱӱк.

1 İoanın 3:9

Ким Аллахтан дуулмуш, о гӱнах йапмээр, зерӓ Аллахын тоому онда калэр. О йок ниӂӓ гӱнах йапсын, зерӓ Аллахтан дуулмуш.

1 Petrіnіn 2:2

Ниӂӓ ени дуумуш евлатлар ӧзлеер сӱт, ӧзлейин Аллахын хализ Сӧзӱнӱ, ки сиз, бунуннан бӱӱйӱп, еденӓбилӓсиниз куртулмак.

Çıfıtlara 3:6

Ама Христос, ниӂӓ Оол, инанчты Аллаха Кенди евиндӓ. Онун еви – биз, еер кыйышмаклан /биткийӓдӓн/ коруйарсак умуду, нейлӓн ӱӱнериз.

1 Salonіklіlerä 1:3

Дайма анэрыз бизим Аллах Бобанын ӧнӱндӓ, несой инаннан ишлеерсиниз, несой севгийлӓн савашэрсыныз, да некадар дайанэрсыныз, умуду койарак бизим Сааби Иисус Христоза.

Koloslulara 1:27

Аллах истеди гӧстерсин оннара, некадар шанны хем зенгиндир миллетлӓр арасында бу саклы курулмуш. О – Христостур, метинник умуду, ани сиздӓ булунэр.

Romalılara 8:24

Зерӓ биз умутлан куртулдук. Ама еер гӧрейдик, нейӓ умутланэрыз, буна умут денмӓз. Зерӓ ким умутланабилир она, не гӧрер?

Romalılara 8:11

Еер Онун Духу, Ким Иисусу ӧлӱдӓн дирилтти, сиздӓ йашарсайды, озаман Ким дирилтти Христозу ӧлӱдӓн, сизин дӓ ӧлӱмнӱ гӱӱделеринизӓ йашамак вереӂек Кенди Духуннан, ани сиздӓ йашээр.

İoan 1:13

ангылары диил кандан, диил еттӓн хем диил адам истедииндӓн, ама Аллахтан дууду.

1 İoanın 5:18

Биз билериз, ани ким дуулмуш Аллахтан, о гӱнах йапмээр. Ким дуулмуш Аллахтан, кендини коруйэр, да кӧтӱ олан она докунамээр.

1 İoanın 5:1

Херкези, ким инанэр, ани Иисус – Христос, Аллахтан дуулмуш, хем херкези, ким север Бобайы, север Ону, Ангысы Ондан дуулмуш.

Koloslulara 1:23

Бу олур, еер сиз темелленмиш хем салланмадык инанда дурурсайдыныз да йыракланмарсайдыныз умуттан, ани гелер Ии Хабердӓн. Сиз ишиттиниз бу Ии Хабери, ангысы насаат олунду хепси инсаннара гӧк алтында. Бӓн, Павли, бу Ии Хаберин изметкерийим.

Romalılara 5:10

Зерӓ биз, ани Аллахын душманнарыйдык, Онуннан барыштык, чӱнкӱ Онун Оолу ӧлдӱ бизим ичин. Ӧлейсӓ, биз, барышмыш оларак, некадар таа колай куртулаӂэз Онун йашамасыннан.

Romalılara 4:25

Иисус бизим гӱнахларымыз ичин ӧлӱмӓ верилди хем бизим доору сайылмамыз ичин дирилдилди.

1 İoanın 4:7

Севгили кардашлар! Севелим бири-биримизи, зерӓ севги – Аллахтан. Хепси, ким север, о Аллахтан дуулмуш, да Аллахы таныйэр.

1 Salonіklіlerä 4:13

Кардашлар, истӓмеерим сизи билмезликтӓ бракмаа ӧлӱлӓр ичин, ки кахырланмайасыныз, ниӂӓ калан умутсуз инсаннар.

Galatіyalılara 6:16

Хепси, ким бу сырайа гӧрӓ йашээр, оннара хем Аллахын Израилинӓ услулук хем аӂыйаннык олсун.

2 Salonіklіlerä 2:16

Кендиси бизим Сааби Иисус Христос хем бизим Аллах Бобамыз, ани севди бизи да иивергисиннӓн дивеч гиргинник хем каави умут верди,

1 Petrіnіn 1:13

Онун ичин фикирлериниз ишӓ хазыр олсун. Айык олун. Ен хептӓн умутланын о иивергийӓ, ани сизӓ верилеӂек Иисус Христозун гелмесиндӓ.

1 Petrіnіn 1:21

Онун араӂылыыннан Аллаха инандыныз, Ангысы дирилтти Ону ӧлӱдӓн да верди Она метинник, ки инанасыныз хем умутланасыныз Аллаха.

1 Petrіnіn 3:5

Бутакым евелдӓн айоз карылар донандылар, ким Аллаха умутларыны койарды хем кенди коӂаларына ӧн верӓрди,

1 Petrіnіn 3:15

Христозу ӱреклериниздӓ айозлайын, ниӂӓ Саабийи. Херзаман хазыр олун ӂувап етмӓӓ херкезинӓ, ким истеер есап умут ичин, ани сиздӓ вар. Саде йапын буну йалпаклыклан хем сайгыйлан.