1 Petrіnіn 1:15 - Ени Бааланты

¹⁵ Ама ниӂӓ О, Ким сизи чаарды, – айоздур, хеп ӧлӓ сиз дӓ олун айоз бӱтӱн йашаманызда.

Enі Baalantı

¹⁵ Ama nicä O, Kim sizi çaardı, – ayozdur, hep ölä siz dä olun ayoz bütün yaşamanızda.

1 Petrіnіn 1:15 Referans Kwoze

Matfey 5:48

Онуштан, олун таман, ниӂӓ сизин Гӧктеки Бобаныз таман.

2 Korіnflіlerä 7:1

Ӧлӓ ки, севгили кардашлар, чӱнкӱ биздӓ вар бӧлӓ адамаклар, пакланалым хертӱрлӱ тен хем дух мындарлыындан да айозлукта кусурсуз олалым, коркарак Аллахтан.

Çıfıtlara 12:14

Хепси инсаннан услулукта хем айозлукта йашамаа чалышын, зерӓ айозлуксуз кимсей Саабийи гӧрӓмейеӂек.

İakovun 3:13

Ким сизин аранызда аариф хем акыллы? Кенди йаптыкларыны гӧстерсин ии ташымасыннан хем мӱнӱзлӱклӓн, ани аарифликтӓн гелер.

1 İoanın 3:3

Херкез, ким бу умуду Она койэр, кендини паклээр, ниӂӓ Христос пак.

1 Petrіnіn 2:12

Кендинизи ии гӧтӱрӱн долай инсаннарын арасында, ки оннар, ким кӧтӱлеер сизи, ниӂӓ фена йапыӂылары, гӧрӱп сизин ии ишлеринизи, Аллахы метиннесиннӓр о гӱндӓ, незаман оннара йаклашаӂэк.

Fіlіplіlerä 1:27

Саде йакышыклы йашайыныз Христозун Ии Хаберинӓ гӧрӓ, ки еер гелирсӓм да гӧрӱрсӓм сизи, еки гелмӓрсӓм, ишидейим сизин ичин, ани духча бирликтӓ дурэрсыныз, ниӂӓ бир ӂан савашарак, ки Ии Хабер инанылсын,

1 Petrіnіn 2:9

Сиз сӓ бир сечилмиш сенселӓ, Падишахын попазлары, бир айоз миллет, Аллахын кенди инсаныйсыныз. Сечилдиниз, ки хаберлейӓсиниз шанны йаптыкларыны Онун, Ангысы чаарды сизи каранныктан Кенди шашылаӂак айдынныына.

Çıfıtlara 13:5

Олмайын пара севӓн, шӱкӱр олун онуннан, не вар сиздӓ, зерӓ Кенди деди: «Хич бракмайаӂам сени хем хич атылмайаӂам сендӓн».

Tіta 3:14

Ко бизимкилӓр дӓ ӱӱренсиннӓр кендилерини вермӓӓ ии ишлерӓ да йардым етмӓӓ зорлукта оланнара, ки мейвасыз калмасыннар.

Apokalіpsіs 3:7

Филаделфийа клисесинин ангилинӓ йаз: „Бӧлӓ деер Айоз хем Доору Олан, Кимдӓ вар Давидин анатары, Ким ачэр, да кимсей капайамээр, капээр, да кимсей ачамээр.

2 Tіmofeyä 1:9

О куртарды бизи да чаарды, Кенди айоз халкы олалым, диил бизим йаптыкларымыза гӧрӓ, ама Кенди курулмушуна хем иивергисинӓ гӧрӓ, ани верилди бизӓ Иисус Христозда баштан дивечликтӓн,

1 Tіmofeyä 4:12

Кимсей паасызландырмасын сенин генчлиини, ама ӧрнек ол инанӂылара лафлан, йашамаклан, севгийлӓн, /духлан,/ инаннан, паклыклан.

Fіlіplіlerä 3:20

Бизим ватанымыз са гӧклердӓ, нередӓн беклеериз Куртарыӂыйы, Сааби Иисус Христозу,

Fіlіplіlerä 3:14

качэрым о уура етишмӓӓ чизгийӓ, ки ӧдӓӓ казанайым – гӧктӓ йашамайы, ангысына Аллах чаарды бени Иисус Христозда.

Apokalіpsіs 6:10

Оннар баарардылар бӱӱк сеслӓн да дейӓрдилӓр: «Айоз хем доору Чорбаӂы, незаманадан даава кесмейеӂӓн да ӂезаламайаӂан ер ӱстӱндӓ инсаннары бизим канымыз ичин?»

1 Petrіnіn 5:10

Аллах хертӱрлӱ ииверги верер. О чаарды сизи Кенди дивеч метинниинӓ, ани Иисус Христозда. Сиз бираз зеетлендиктӓн сора, Кендиси сизи таманнаа гетиреӂек, ерлештиреӂек, каавилендиреӂек хем салланмаз йапаӂэк.

1 Petrіnіn 3:16

Сизин ӱзӱнӱз пак олсун, ки, ачан фена лаф сӧлеерлӓр оннар, ким кӧтӱлеер сизин ии йашаманызы, ани Иисус Христоза баалы, утанмыш калсыннар.

Tіta 3:8

Аслыдыр бу сӧз, да бӓн истеерим, ани сӓн буннары каавилейӓсин, ки оннар, ким Аллаха инанды, баксыннар кендилерини вермӓӓ ии ишлерӓ, зерӓ буннар ии хем файдалы адама.

1 Salonіklіlerä 2:12

хем ӧзендирдик, ки гӧтӱрӓсиниз кендинизи йакышыклы Аллаха, Ангысы чаарды сизи Кенди падишахлыына хем Кенди метинниинӓ.

Apokalіpsіs 4:8

Бу дӧрт йаратыын хербириндӓ варды алтышар канат. Доз-долай, дышандан хем ичйандан, долуйдулар гӧзлӓн. Геӂӓ-гӱндӱз дурмамайӂа дейӓрдилӓр: «Айоз, айоз, айоз Чоккудретли Сааби Аллах, Ким варды, Ким вар хем Ким гелӓр».

Romalılara 9:24

О каплар бизиз, ангыларыны Аллах чаарды диил саде иудейлердӓн, ама башка миллетлердӓн дӓ.