Titɨ 1:11 - Gabri Maja

¹¹ Kuɗa gɨ kɨŋ lɨgɨ kɨbɨge daa. Kɨya wa kan na ka-tɔbɛ kalaŋ ga a duroy wandɨ di pɨna dɨŋ nɔm duroy nee, dan̰ hɨnga gɨledɨge. Kan som gɨlɨn̰ kalaŋ hɨnga ga uja naŋ ɗe age na wan̰ gursu di kan ƴɨmage kɨjan̰e kɔldɔ naŋ.

Titɨ 1:11 Referans Kwoze

2 Timote 3:6

Kan na ka-andɨdaŋ duroy ƴaan̰əŋ gaŋ kardi kandɨ ga usage naŋ, kɨya looge ɗoge kan kɨya laydaŋge a boy boy toge dɨŋ. Kandɨ ga nee le, ɨsɨna ƴee kuduroyge bɨ, tabɨlaŋdi hɨnga ga toyge kan̰dɨge kan̰dɨge orɨn̰ danage hen̰ dan̰ Kumu bɨ.

1 Timote 6:5

dan̰ man̰e-kɔl gɨ toy ayaŋ naŋ, gɨ da kalaŋ ga ɨrɨmedɨge mundoŋ coŋ, kɨya wa kɔl gɨ cɨndi le, unɔ gusɨge. Kalaŋ ga nee le, ɨrɨmge gɨ gɨye-lɔɔ gɨ bugoŋ pɨna dan̰ Kumu le, naa gɨyəŋ gɨ ni wan̰ hɨnga.

Magtubu di Pol wal bɨn̰ kalaŋ ga Rɔm 3:19

Na sol kuɗa gɨ hɨnga nɔm ga gasɨn̰-kɔl ye koldɨge le, hɨndi ye bɨn̰ na kalaŋ ga somge a te gasɨn̰-kɔl gaŋ, ɗe kɨbɨ ungo pɨna wo̰ andɨn̰ dan̰ kɔl gɨ ni dorɨn̰ kɔl cayi naŋ bɨ, ɗe kalaŋ nɔm na solɨn̰ge kardi ɨsɨna koge tumoy Kumu bɨ.

Titɨ 3:10

Ungo gɨ ani ani gɨ ba gɨlɨn̰ kalaŋ hɨnga ga toyge kan̰dɨge kan̰dɨge bɨ poyɨn̰ karmii le, ji sɨga sɨmayi tɨbaa pɨna, tɨbaa sɔɔdi bɨ, kardi nee na puyoŋ wandɨ danayi.

Titɨ 1:9

Ban na ba ƴɔmɛ kɔl gɨ ojɨ gɨ ni bɔgɛ kudurɔ cay nee osɨwa gɨ na kɔl gɨ or pɨna dan̰ hɨnga ga ni gɨle bɨ. Hɨn̰ wo̰ na ban kɨya ɓale bɔgɛ kɔl gɨ ɗari kuduroy kalaŋ dan̰ hɨnga ga ni gɨle ga cɨndi bɨ, ban kɨya ɓale gɨle a cɨn̰ tɨwa dɨŋ gɨ kɔl gɨ da ka-man̰e-kɔl gɨ da Kumu naa cɨndi naŋ bɨ.

Titɨ 1:7

Ba-dɔrɛ tumoy Ka-Daye gɨ na ungo gɨ beeyige gɨye gɨ ni solɨn̰ kardi hɨnga ga da Kumu kobi le, kuɗa gɨ ban wɨya na ungo gɨ ungo kɨya ɓale dɨbe kɔl cayi naŋ bɨ. Kuɗa gɨ ban wɔyɛ ba-dɔrɛ n̰ərə naŋ bɨ, ba kuduroy-hɔmɛ naŋ bɨ, ba-kɔydɛ cɛrɛ naŋ bɨ, ba wale man̰e naŋ bɨ, ungo gɨ ba male gursu dan̰ gɨyəŋ gɨ dan̰ durɔ naŋ, naŋ bɨ.

2 Korɛ̰t 11:10

Dan̰ gɨyəŋ gɨ da kɔl gɨ cɨndi gɨ da Kɨris gɨ woy a canɨ le, aŋ yəgɨŋ daa waŋ: Hɨnga ga ojɨ cay gusi-mɔwa tɨnge di nee le, ungo pɨna wo̰ kɨya ɓale ƴɔɔ kɔbɔŋ a cay gɨsəŋ ga Agay gaŋ naŋ.

Kɔl-gɨ-Ɗari gɨ Lug wal 20:40

Bɨ wɔlɛdi gɨ nee le, ungo pɨna kalɨn̰ ma, ɨran̰ dan̰ tabɨlaŋdi ɨngɨrɨn̰ Jesu kɔl naŋ bɨrɨŋ ɨni.

Kɔl-gɨ-Ɗari gɨ Ja̰ wal 10:12

Ama ungo gɨ ba sɔlɛ kardi gamge kɨya wan̰ gursu le, ban na ba sɔlɛ kardi gamge gɨ cɨndi naŋ bɨ, ban na ba-gulɔŋ gamge naŋ bɨ. Hɨn̰ gɨ ban na sɨla coo gɨ coŋ na ujayi na, ban kɨya sɔ ɗɔɔ gamge le coŋ. Bɨ coo gɨ coŋ le kɨya osɨmdɨge duroy kamdɨge bɨ, sugudɨge coŋ bɨ.

Matɨyo 23:13

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ lɨgɨ kɨbɨ dɔɔ-ƴaa di daa nii daa cay kalaŋ coŋ. Kɨŋ kalɨn̰ ma, kɨŋ andaŋ nee naŋ bɨ, kan ga geyge andaŋ nee kalɨn̰ ma, kɨŋ narge andaŋ nee coŋ bɨ.

1 Timote 5:4

Hɨn̰ gɨ tama di kudurɔ ma na ɨran̰ dan̰ karɨndo wala, dan̰ kongɨn̰ɔɔ na, ojɨ gɨ kan ba kɨya sɔlɛge kardi kandɨge cay wase. Hɨnga ga kandɨge lee danage le, kuɗa gɨ kan jɨga lɔɔ bɨge bɨ. Kɨya wa na hɨnga ga nee le ba mon̰ Kumu.

1 Timote 5:13

Ɗaŋ coŋ, kɨɗɨn̰ ga gɨye gɨ kan kɨya lɔɔ na unɔ na, ayge na te gɔrɛ kɨbɨ kalaŋ. Ama gɨ ɨsɨn ɗɨn̰ gɨ nee le na, kan na ka-hurɔɗɛ-kɔl bɨ, ka-sɔlɛ game kɔl kuduroyge naŋ bɨ, ka-yɔɔ-kɔl gɨ wɨyan̰ gɨ ni yɔ naŋ bɨ.

2 Timote 2:18

Kan cɨroŋge te gɨyəŋdi kɔl gɨ cɨndi yen̰ge hɨn̰: «Bɔyɛ lɨbe gɨ kalaŋ boyge lɨbɨ le, naa hɨnga ga na lee gusɨge ɨni.» Lee gɨ kalaŋ ga pɨna ɗege aye kudurɔ koge coŋ kol cayge.