Magtubu di Pol wal bɨn̰ kalaŋ ga Rɔm 9:4 - Gabri Maja

⁴ Kan na te wɨn̰je gɨ da Ɨsɨrayɛl. Na kan ma na te wɔɔ gɨ Kumu torge ɗe na bɨlege karɨn̰ Kumu bɨ, na kan ma ban gɨlge gusoŋ-tɔgɛ koyi bɨ, na kan ma ban saɗɨ kɨbi pɨna danage bɨ, na kan ma ban bɨge gasɨn̰-kɔl kayi bɨ, na kan ma ban gɨlge gɨyəŋ gɨ ni n̰ɨrii bɨ, na kan ma ban yege kɔl hɨnga ga ɗi na kɨya bɨge bɨ.

Magtubu di Pol wal bɨn̰ kalaŋ ga Rɔm 9:4 Referans Kwoze

Epɛs 2:12

Hɨngɨŋ gɨ a boy wɔlɛdi gɨ nee gɨŋ le, kɨŋ sɨla Kɨris ban gɨ Kumu dorii le naŋ bɨ, kɨŋ ɓala ɨre duroy te wɨn̰je gɨ da Ɨsɨrayɛl, kalaŋ ga Kumu torge tumɔ le naŋ bɨ. Hɨnga ga Kumu gɨsɨ kɨya cay saɗe kɨbɨ pɨna ɓɨse gusu le kɨŋ mɨnde durdɨne naŋ bɨ, hɨnga ga kɨŋ kɨya bɔgɛ ɨrɨmedɨgɨŋ cay nee unɔ bɨ, Kumu kalɨn̰ ma kɨŋ sɨlayi tumɔ naŋ bɨ.

Magtubu di Pol wal bɨn̰ kalaŋ ga Rɔm 9:6

Kɨŋ ɗɔɔ ba se a ɨrɨmedɨgɨŋ gɨŋ gɨ hɨnga ga Kumu ba ye gɨ ɗi na kɨya lɔɔ bɨn̰ Ɨsɨrayɛl le, na bɨle naa hɨnga ga kalɨn̰ wo̰ dugo. Kɨya wa leen̰ cɨndi na, kalaŋ ga a te wɨn̰je gɨ da Ɨsɨrayɛl nɔm ma na Ɨsɨrayɛl ga leen̰ cɨndi naŋ.

Gɨye-lɔɔ 2:39

Kɨya wa Kumu ye gɨ ɗi na kɨya bee Turnɔ ɗe-kuduroy-bɛrɛ di nee le, naa kɨya caygɨŋ bɨ, kɨya cay karɨndɨgɨŋ bɨ, kɨya cay kalaŋ nɔm ga woyge kɨɗɨn̰ ga hen̰ gaŋ bɨ, kɨya waŋ waŋ gɨ Ba-gulɔŋ Kumu kɨya togii bɨ.»

Əbɨro 9:1

Saɗe kɨbɨ pɨna ɓɨse gusu gɨ cay wase orɨn̰ dan̰ gasaŋ ga ojɨ cay lɔɔ gɨye bɨn̰ Kumu bɨ, orɨn̰ dan̰ ƴaa-di-da-Kumu di cay gɨsəŋ gaŋ kɛ bɨ.

Magtubu di Pol wal bɨn̰ kalaŋ ga Rɔm 8:15

Kumu gɨsɨn Turnoyi caygɨŋ na kɨya loogɨŋ gɔyɔŋ ga ka-gɔrɛ dan̰ hundɔrɔ ɗaŋ coŋ naŋ ɨni. Ɨŋ’ɨ̰, Turnɔ di ban gɨsɨnoo caygɨŋ le, hɨndi na Turnɔ di ɗe bɨlgɨŋ karɨn̰ Kumu. Kɨya cay Turnɔ di nee le na, na-gandi nɔm na teeyi gɨŋ wɨlalɨn̰ hɨn̰: «Aba, Banɨ.»

Kɔl-gɨ-Ɗari gɨ Ja̰ wal 1:17

Kɨŋ sɨla gasɨn̰-kɔl le, kan bɨnige na dan̰ gɨyəŋ gɨ da Moyis. Ama ɗarwa bɨ kɔl gɨ cɨndi bɨ le, ɨrga na dan̰ gɨyəŋ gɨ da Jesu-Kɨris.

Əbɨro 9:10

Gɨyəŋdi n̰ɨre gɨ nee le, ojɨ na cay hɨnga ga ni dɔɔ bɨ, hɨnga ga ni sɔɔ bɨ, pɨle gusɨn̰ gɨ toyi kan̰di kan̰di gɨ dorɨn̰ kalaŋ mɨra ƴɔbɨ bɨ. Hada di nee le ojɨ na cay hɨnga ga ni kuyoŋdi-gusi ungo doŋ kɛ ƴɔbɨ bɨ, kan kɨya loon̰ gɨye bɨrɨŋ gɨsɨn̰ tɨwa di Kumu kɨya bɨle te hɨnga ga nee le.

Əbɨro 9:3

Duroy gɨ ni cay sɔɔdi gɨ teeyige naa kɨɗɨn̰ ga woy dan̰ cɨndɨge ɗɨn̰ coŋ le, woy na a kardi badɨge ga boy duroy ƴaa-di-da-Kumu di leege dan̰ ɓala.

Kɔl-gɨ-Ɗari gɨ Ja̰ wal 1:47

Jesu sol Natanɨyɛl ɨrga jɨn̰ gusi ɨni na, ban ye koldi ye hɨn̰: «Kɨye gɨ Ɨsɨrayɛl gɨ leen̰ cɨndi ba kɛ, ban na ba-nare-cɨn̰ ungo naŋ.»

Matɨyo 21:33

«Jagɨŋ kɨradi-kɔl gɨ ɗaŋ coŋ. Gɨlmi gɨ pɨna wo̰, na ba-gulɔŋ yagedi suru, ban ay jaŋ gɨ ni gun̰u nɨwrɨn̰ caa bɨ, pay umboŋ gɨ ni oyɨn̰ wɔɔdi suru boy nee bɨ, gaɗɨ ƴaa gɨ sɨngɨɗɨ daa gɨ ni gamɨn̰ boy nee, bɨ say bɨn̰ ka-yage ga ɗaŋ agɨrge pa dɨm ma, ɗen̰ gusi orɨn̰ tɨrga ƴee.

Magtubu di Pol wal bɨn̰ kalaŋ ga Rɔm 3:2

Ho’o, Jubɨn̰əŋ wayge hɨnga dan̰ kondiige! Cay wase na, na kan ma Kumu beege kɔl koyi kobɨge ɗe kan na gama.

2 Korɛ̰t 11:22

Kan na Əbɨro ga? Ɨŋ na Əbɨro bɨ. Kan na karɨn̰ Ɨsɨrayɛl ga? Ɨŋ na kɨye Ɨsɨrayɛl bɨ. Kan na a te wɨn̰je gɨ da Abɨraham ga? Ɨŋ na a te wɨn̰je gɨ da Abɨraham bɨ.

Galad 3:16

Woy na hɨn̰ wo̰ bɨ, kɨya Abɨraham bɨ, kungayi bɨ, gɨ Kumu ye gɨ ɗi na kɨya bɨge hɨnga. Na gɨ ni yɔɔ gɨ na kongɨn̰ii hɨn̰ gɨ kan na kondɨ wo̰ naŋ. Ama kungay le, na ungo gɨ pɨna hayi kəɗ kəɗ, ungo gɨ nee le na Kɨris.

Əbɨro 9:5

A cay sandugu le, kan uyge hɨnga se ga daa nii ga gɨlɨn̰ hɨn̰ ba-ƴɔbɛ gɨ daa nii wo̰. Kan bɨl majɨbiige jɨn̰ tumɔ bɨn̰ gusɨge tolɨn̰ cay sandugu bɨ, na kɨɗɨn̰ ga da kuduroy jalɨwa cay ɨsɨna gɨŋ bɨ. Ama haw kɛ na, kɨɗɨn̰ ga ni dɔrɛ te kol hɨnga ga nee le dan̰ gɨyəŋdɨge gɨyəŋdɨge unɔ.

Əbɨro 9:6

Kɨɗɨn̰ ga ƴomge cay hɨnga ga nee le nɔm ɗege woy kɨɗɨn̰dɨge gaŋ ɨni na, ka-bɔgɛ kɨbar andaŋge a boy kɨway ƴaa-di-da-Kumu di leege dan̰ ɓala gɨ cay wase gɨŋ dan̰ tɨwa nɔm kɨya loon̰ gɨye koge.