Magtubu di Pol wal bɨn̰ kalaŋ ga Rɔm 9:11 - Gabri Maja

¹¹ Ama tumɔ pa dɨm ma gɨ kan kɨya woon̰ mɔgɨnɛ bɨ, tumɔ pa dɨm ma gɨ kan kɨya lɔɔ hɨnga ga ɗari naŋ le ga ɨsɨni na, Kumu ojɨ gɨ ni dɔrɛ a duroyge ungo pɨna ɗe kuduroy geye gɨ da Kumu na dɨɗɨ kɨbi dan̰ gɨyəŋ gɨ da dɔrɛ gɨ da ungo le.

Magtubu di Pol wal bɨn̰ kalaŋ ga Rɔm 9:11 Referans Kwoze

2 Timote 1:9

Na Kumu ba pɔɗɨna bɨ, tɔgɨna gɨ na na bɨləŋ kalaŋ kayi bɨ. Bɨ hɨn̰ gɨ Ban na laa na, ban laa na kɨya cay gɨye-lɔɔdɨna gɨ dan̰ durɔ naŋ. Ama na kɨya gɨ ban ojɨ hɨn̰ wo̰ dan̰ kuduroy geye koyi, kɨya cay ɗarwa toyi. Ɗarwa di nee le, ban bɨna na tumɔ ɓɨragɨ pa dɨm ma ban ɗen̰ hɨnga nɔm ƴee, dan̰ bugoŋ gɨ na bugoŋgɨŋ pɨna dan̰ Jesu-Kɨris.

2 Pɨyɛr 1:10

Karmɨnɨ ga ban̰aŋ dan̰ ga kandɨ, na toy di hɨn̰ wo̰ ma, kuɗa gɨ kɨŋ ƴɨma togɨygɨŋ daa ɗe ɗɨn̰ di tumɔ coŋ agɨŋ ɨrɨn̰ osu a te tɔgɛ gɨ Kumu təgɨŋ le bɨ, dɔrɛ gɨ Kumu dorgɨŋ le bɨ. Kɨya wa hɨn̰ gɨ kɨŋ na laa hɨn̰ wo̰ na, kɨŋ kɨya bɔɔ a boy hɨnga ga ɨsɨni gaŋ naŋ bɨrɨŋ.

Titɨ 3:5

ban pɔɗɨnagɨŋ na kɨya gɨye-lɔɔ gɨ dan̰ durɔ ɗɨngar gɨ na leegɨŋ naŋ. Ama na kɨya sɔlɛ gɨ ban sol cɨn̰-n̰age tɔnagɨŋ. Ban pɔɗɨnagɨŋ na dan̰ gɨyəŋ gɨ da pɨle gɨ da wɔɔ gɨ hɨrɨwa bɨ, na dan̰ gɨyəŋ gɨ da Turnɔ ɗe-kuduroy-bɛrɛ bɨ.

Wasɨn̰a 17:14

Kan kɨya dɨbe kɨmbɨl dan̰ Kurɨn̰-dɨmangɨ le, ama Kurɨn̰-dɨmangɨ kɨya bɔyɛ kɨmbɨl cayge kɨya wa ban ƴɔbɨ ma na Ba-gulɔŋ gɨ a cay ba-gulɔŋn̰əŋ bɨ, kɨlma gɨ a cay kɛrɨmbɛlɛŋ bɨ. Kan ga ban teege bɨ, kan ga ban torge bɨ, kan ga ɨrege cay tɨbayge dɨŋ bɨ le, kɨya bɔyɛge-kɨmbɨl danayi bɨ.»

1 Pɨyɛr 5:10

Kumu ba-gulɔŋ ɗarwa nɔm gɨ təgɨŋ ɗe agɨŋ na bugoŋ pɨna dan̰ Kɨris bɨ, andɨn̰ a boy gusoŋ-tɔgɛ gɨ woy dan̰ cɨndi gɨŋ bɨ le, ban kɨya bɨlgɨŋ ɗaŋ a te gɨye-lɔɔdɨgɨŋ gɨŋ nɔm. Kardi cɨn̰-gɨle-cɨn̰ di ba kɨya lɔɔgɨŋ lam wo̰ le, Kumu gusi kɨya dɨɗe kɨbɨ gɨye-lɔɔ koyi kol caygɨŋ bɨ. Ban kɨya jɨbe toygɨŋ ɗe agɨŋ na ɨrɨn̰ osɨ bɨ, kɨya bɨgɨŋ tɔgɨ bɨ, hɨnga pɨna kɨya yɨbagdɨgɨŋ naŋ bɨ.

Magtubu di Pol wal bɨn̰ kalaŋ ga Rɔm 4:17

Na hɨn̰ gɨ ba walge a duroy Magtubu di da Kumu dɨŋ ye hɨn̰: «Na ji-bandi ma maŋ lee gɨ ji bɨle mon̰ gɨ da te wɔɔ gɨ da kalaŋ ga dan̰ kondiige.» Ban na mon̰dɨna a cɨn̰ Kumu gɨ ban bee kuduroy cayi, gɨ ba bɨn̰ kalaŋ ga mage sɔmɛ gɨ bɨra bɨ, ba andɨn̰ dan̰ hɨnga ga unɔ bɨ.

Epɛs 2:9

Na gɨye-lɔɔdɨgɨŋ ba poɗɨgɨŋ naŋ, lee gɨ ungo gɨ kɨya dɔgɛ jorgi kol caa unɔ.

1 Tesalonigɨ 1:4

Ay, karmɨnɨ ga ban̰aŋ dan̰ ga kandɨ, ni sol gɨ Kumu geygɨŋ bɨ, torgɨŋ ɗe agɨŋ na won̰ na kayi bɨ.

Epɛs 2:3

Tumɔ le, na-gandi nɔm na woy na hɨn̰ kalaŋ ga nee le bɨ. Kɨya wa jɨne le na lee gɨye-lɔɔ gɨ ɨsɨn, leen̰ na hɨnga ga kuyoŋdi-gusɨna gey bɨ, hɨnga ga ɨsɨni ga na sol bɨ. Tumɔ na-gandi kalɨn̰ ma, kuduroy-hɔmɛ di da Kumu woy kol cay na hɨn̰ kalaŋ ga kɔl ƴom cayge wo̰ bɨ.

1 Tesalonigɨ 2:12

Ni bee kɔl-gɨ-ɗari kuduroygɨŋ bɨ, dobɨ bandɨ kuduroygɨŋ bɨ, olgɨŋ jɨn̰ nee nee bɨ, ɗe gɨye-lɔɔdɨgɨŋ na bugoŋ pɨna dan̰ Kumu gɨ təgɨŋ, ɗe agɨŋ na andɨn̰ a boy dɔɔ-ƴaa toyi dɨŋ bɨ, gusoŋ-tɔgɛ koyi gɨŋ bɨ.

Epɛs 3:11

Hɨnga ga Kumu lee haw kɛ dan̰ gɨyəŋ gɨ da Ba-gulondɨna Jesu-Kɨris le, ban gɨsɨ na jɨne hayi tumoy hɨnga nɔm.