Magtubu di Pol wal bɨn̰ kalaŋ ga Rɔm 8:39 - Gabri Maja

³⁹ tɔgɨn̰əŋ ga a gɨɗɨgɨ-Kumu gaŋ naŋ bɨ, ga a cay gɨsəŋ gaŋ naŋ bɨ, hɨnga se ga da Kumu pɨna wo̰ naŋ bɨ, hɨnga pɨna wo̰ ga ba kɨya ɓale poyina dugo dan̰ geye gɨ Kumu gɨl doŋ kol cayna dan̰ gɨyəŋ gɨ da Jesu-Kɨris Ba-gulondɨna gɨ na bugoŋ pɨna danayi le, unɔ bɨrɨŋ.

Magtubu di Pol wal bɨn̰ kalaŋ ga Rɔm 8:39 Referans Kwoze

Magtubu di Pol wal bɨn̰ kalaŋ ga Rɔm 8:35

Kɛ geye gɨ Jesu-Kɨris ba geyna le, na wa ba kɨya poyina dugo danayi ga? Kɛ na hɨnga ga ni dɔsɛ-ɗugɔ wala, hɨnga ga osɨdəŋ osɨdəŋ wala, gɨle gɨ gɨlnage-cɨn̰ wala, kurɔŋ wala, ɔrɛ toyina kalɨn̰ wala, hɨnga ga dɨmbɨrdəŋ wala, pəlɨm ba kɨya poyina dugo danayi ga? Hɨnga pɨna wo̰ ga ba kɨya poyina dugo danayi unɔ.

Magtubu di Pol wal bɨn̰ kalaŋ ga Rɔm 5:8

Ama sɨlagɨŋ hɨnga ga Kumu lee gɨlɨn̰ geye koyi gɨ gumu kol cayna: Na kɨɗɨn̰ ga na-gandi na baa ka-lɔɔ ɨsɨna ƴee ma Kɨris ma kol cayna.

1 Ja̰ 4:19

Na-gandi na, na geygɨŋ Kumu bɨ kamdɨnagɨŋ bɨ, kɨya gɨ na ban ba geynagɨŋ cay wase.

Kɔl-gɨ-Ɗari gɨ Ja̰ wal 3:16

Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Epɛs 1:4

Na toy di hɨn̰ wo̰ ma Kumu torna ɗena dan̰ cɨndɨna kol cay Kɨris bɨ, te bugoŋ gɨ na bugoŋ pɨna danayi tumɔ pa dɨm ma ban ɗen̰ cay gɨsəŋ ƴee, ɗe gɨ ana na won̰ dan̰ cɨndɨna bɨ, masadɨna na unɔ bɨ, a tumoyi. Dan̰ geye koyi,

1 Ja̰ 4:16

Na-gandi na, na solgɨŋ geye gɨ Kumu geynagɨŋ bɨ, na beegɨŋ kuduroynagɨŋ cay nee bɨ. Kumu na geye, lee gɨ ungo gɨ geye na wɨya kuduroyna, ban bugoŋ pɨna dan̰ Kumu bɨ, Kumu bugoŋ pɨna danayi bɨ.

Kɔl-gɨ-Ɗari gɨ Ja̰ wal 17:26

Ɨŋ lee gɨ kan solɨn̰ge bɨ, ɨŋ kɨya jɔgɛ lɔɔ ɗe kan solɨn̰ge gɨɗaŋ nee coŋ. Ɗe gɨ geye gɨ ji ba geyəŋ le, kan kalɨn̰ ma na geyge kamdɨge hɨn̰ wo̰ bɨ, ɗe gɨ aŋ woy kuduroyge bɨ.

Kɔl-gɨ-Ɗari gɨ Ja̰ wal 16:27

Kɨya wa Banɨ dan̰ gusi koyi gaŋ geygɨŋ. Kɨya wa kɨŋ-gandi kalɨn̰ ma kɨŋ geyəŋ bɨ, kɨŋ bee kuduroygɨŋ cay kɔl gɨ nee le, gɨ ɨŋ na sayga naa gusi Banɨ bɨ.

Magtubu di Pol wal bɨn̰ kalaŋ ga Rɔm 11:33

Na cɨndi, kandi-wɔɔ ga da Kumu ɗɨn̰ cɨn̰-kɨɗɨn̰. Cɨn̰-muɗɔlɛ koyi bɨ, hɨnga-sɔlɛ kayi bɨ, kagadɨge unɔ. Cɨn̰-muɗɔlɛ di da dɔɔ-ƴaa toyi ɗɨn̰ cɨn̰-kɨɗɨn̰. Gɨyəŋ gɨ da lɔɔ hɨnga kayi dor turnoy kɨɗɨn̰ bɨrɨŋ gɨ ungo ɓala dɔrɛ toyge naŋ,

2 Korɛ̰t 11:3

Ama ni sol gɨ kumbulo nar Ɛbə na dan̰ gɨyəŋ gɨ da jɨba toy bɨ haw kɛ na, hundɔrɔ ləŋ kol caygɨŋ. Gajanaŋ ungo da mɔndɛ ɨrɨmedɨgɨŋ bɨ, kɨŋ da curoŋ a te gɨyəŋ gɨ ni kɔbɛ Kɨris dan̰ geye gɨ cɨndi bɨ, gɨ duroŋ mɨra bɨ.

2 Korɛ̰t 2:11

Ɨŋ ɗe kuduronɨ jal cayi ɗe Sidan na wayɨn̰ gɨyəŋ gɨ ni narɨn̰ cɨndɨni naŋ. Na cɨndi Sidan le, na sol ɨrɨmedo nɔm.

Matɨyo 24:24

Kɨya gɨ kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ ga gɨmdəŋ tɔgɨ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan ga Kumu torge kalɨn̰ ma, kan gey kaygege bɨ.

Wasɨn̰a 20:7

Kɨɗɨn̰ ga ɨlge gɨ dubu-pɨna le na pɨdɨ coŋ ɨni na, kan kɨya pɨndɨrege Sidan a dangay tɔɔ dɨŋ ɗɔɔ daa.

Wasɨn̰a 20:3

Ɗaŋ coŋ, ban ƴomii dibii duroy umboŋ gɨ ɗɨgi mɨrɨg gɨ kagadi unɔ gɨŋ, lɨgɨn̰ kɨbi daa bɨ sɨlɨn̰ɨn̰ kɨrɛɗ kɨrɛɗ daa bɨ, ɗe kɨmana le na andaŋ nare cɨn̰ te wɔɔ gɨ da kalaŋ ɗaŋ coŋ naŋ, bɨrɨŋ gɨsɨn̰ gɨ ɨlge gɨ dubu na kagan̰. Kardi nee na, naa wa wa kalɨn̰ ma kan kɨya pɨndɨrii ɗoyi daa na gɨ ni tɨwa lam wo̰ ƴɔbɨ.

Wasɨn̰a 19:20

Ƴomge kɨmana le bɨ, ba-yɔɔ-kɔl-gɨ-Kumu-ba-yɔɔ gɨ cɨndi naŋ le bɨ. Tumɔ, ba-yɔɔ-kɔl-gɨ-Kumu-ba-yɔɔ gɨ cɨndi naŋ gɨ nee le, lee hɨnga ga ɗɨn̰ cɨn̰-kɨɗɨn̰ tumoy kɨmana le narɨn̰ cɨn̰ kalaŋ ga tɨnda woy gusɨge bɨ, kalaŋ ga ka-n̰ɨrege turnoy kɨmana le bɨ. Kɨmana le bɨ ba-yɔɔ-kɔl-gɨ-Kumu-ba-yɔɔ gɨ cɨndi naŋ bɨ le, ƴomgege beegege dan̰ cɨndɨge duroy kuray di tɨwa da kɨrbaŋdi hɨnga ga ƴee hɨn̰ tɨwa wo̰ bɨ.

Wasɨn̰a 13:14

Ban nar kalaŋ ga a cay gɨsəŋ gaŋ dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ ga tumɔ ban lee a cɨn̰ kɨmana le. Ban yen̰ kalaŋ na laage turnoy hɨnga gɨsɨn̰ cay kɨmana gɨ way ɨya di da pəlɨm ma jɨga som-bɨra le.

Wasɨn̰a 12:9

Kɨmana gɨ gumu gɨ teeyige dɨrago̰ le nongɨliige dibiige dugo. Ban na kumbulo gɨ som jɨne hayi gɨ teeyige Haban̰ bɨ Sidan bɨ, gɨ na ba nare kalaŋ nɔm ga a cay gɨsəŋ gaŋ bɨ. Nongɨliige dibiige a cay gɨsəŋ gaŋ dan̰ ka-ƴɔbɛ kayi nɔm.

Wasɨn̰a 2:24

«Ama kɨŋ te kalaŋ ga Tɨyatir ga kɨŋ ƴa hɨnga ga ni gɨle ga nee le naŋ bɨ, kɨŋ mala gɨ ni kɔbɛ te hɨnga-sɔlɛ ga kan teegege ɗugoy hɨnga ga da Sidan naŋ bɨ le, aŋ yəgɨŋ daa waŋ, ɨŋ kɨya ɗɔɔ hɨnga ga nin̰i ɗaŋ caygɨŋ naŋ.

2 Tesalonigɨ 2:4

Ban na ba baa gɨ da hɨnga nɔm ga kalaŋ solge leen̰ kumu koge. Ban lee gusi leen̰ gumu a cay hɨnga nɔm ga kalaŋ n̰ɨrege. Ban kɨya ɗɔɔ kali toyi a duroy ƴaa-di-da-Kumu dɨŋ bɨ yɔɔ hɨn̰: «Ɗi naa Kumu.»

Magtubu di Pol wal bɨn̰ kalaŋ ga Rɔm 1:7

Na toy di hɨn̰ wo̰ ma, ɨŋ wal magtubu di kɛ le bɨgɨŋ kɨŋ-gandi ga a Rɔm ga Kumu lee-toygɨŋ. Ban ba togɨgɨŋ gɨ kɨŋ na bɨl wɨya dan̰ cɨndɨgɨŋ. Kuɗa gɨ Baynagɨŋ Kumu dan̰ Ba-gulɔŋ Jesu-Kɨris laage kuduroy-ɗarwa danagɨŋ bɨ, bɨgɨŋge gusi-dɔbɛ bɨ.

Magtubu di Pol wal bɨn̰ kalaŋ ga Rɔm 6:23

Kɨya wa hɨnga ga ni cay kɔbɔ da ɨsɨna le na tɨma, ama hɨnga ga ni bee-kalɨn̰ ga da Kumu le, na sɔmɛ-bɨra gɨ dan̰ tumoyi te bugoŋ pɨna dan̰ Jesu-Kɨris Ba-gulondɨna.

Magtubu di Pol wal bɨn̰ kalaŋ ga Rɔm 8:1

Haw kɛ na, bɔyɛ kɔl tɨma pɨna wo̰ gɨ ba kɨya ƴɔmɛ cay kan ga bugoŋ pɨna dan̰ Jesu-Kɨris le, unɔ yɔd ɨni.

Pilib 3:3

Kan yege gɨ ke naa ka-wale ban̰a, ama na ni-gandi ma na ka-wale ban̰a ga leen̰ cɨndi. Kɨya wa ni-gandi ni lee gɨye bɨn̰ Kumu na dan̰ gɨyəŋ gɨ da Turnɔ ɗe-kuduroy-bɛrɛ bɨ, ni de jorgɨyni na te bugoŋ pɨna dan̰ Jesu-Kɨris bɨ, ni bɨga kuduroyni na a cay hɨnga ga uja cay kuyoŋdi-gusɨni gɨŋ naŋ bɨ.

Pilib 3:8

Ho’o, ɗɨn̰ gɨ nee le na, sɔlɛ Jesu-Kɨris Ba-gulonɨ say kuɗa ɗɨn̰ hɨnga nɔm bɨ, ɨŋ sol hɨnga ga ɗaŋ leen̰ hɨnga ga kalɨn̰ wo̰ dugo bɨ. Kɨya cay Kɨris na, ɨŋ ɗe hɨnga nɔm ga ɨŋ orɨn̰ coŋ. Hɨnga ga tumɔ na ga ɗari cɨnɨ le, ɨŋ solge leen̰ hɨnga ga mɨdagi ɗe aŋ na wan̰ hɨnga ga ɗari ga gumu. Hɨnga ga nee le na bugoŋ pɨna dan̰ Kɨris.

Pilib 3:12

Hɨnga ga ɨŋ ba gɨre koldɨge le ɨŋ ɨsɨma dan̰ kɔbɔŋ mɛj naŋ ƴee bɨ, ɨŋ duroŋ cɨrɛɗ naŋ ƴee bɨ. Ama ɨŋ gɨre cɨnɨ jɨn̰ cay hɨnga ga woy tumonɨ, ɗe aŋ na osɨmɨn̰ hɨnga ga ɨŋ gɨre koldɨge le dan̰ kɔbɔŋ mɛj, hɨn̰ Jesu-Kɨris kalɨn̰ ma ba ɔsɨmɔŋ dan̰ kobi wo̰ bɨ.