Magtubu di Pol wal bɨn̰ kalaŋ ga Rɔm 5:18 - Gabri Maja

¹⁸ Na toy di hɨn̰ wo̰ ma, kol cay hɨnga ga dan̰ gɨyəŋdɨge naŋ, ga ungo pɨna hayi nɛŋ Adam lee le, kalaŋ nɔm andaŋge tɨma dɨŋ. Ama kol gɨye-lɔɔ gɨ dan̰ durɔ ɗɨngar gɨ ungo gɨ pɨna hayi nɛŋ gɨ na Kɨris lee le, kalaŋ nɔm kɨya ɓalege bɨle ga dan̰ durɔ ɗɨngar cɨn̰ Kumu bɨ, kɨya ɓalege wɔɔ sɔmɛ-bɨra gɨ dan̰ tumoyi bɨ.

Magtubu di Pol wal bɨn̰ kalaŋ ga Rɔm 5:18 Referans Kwoze

1 Korɛ̰t 15:22

Hɨn̰ gɨ kalaŋ nɔm ba marɨn̰ge kɨya cay hɨnga ga Adam ba lee le. Kalaŋ nɔm kɨya jɨgage sɔmɛge-bɨra na hɨn̰ wo̰ bɨ kɨya gɨ kan bugoŋ pɨna dan̰ Kɨris.

Magtubu di Pol wal bɨn̰ kalaŋ ga Rɔm 5:12

Ɨni na, na kol cay ungo pɨna hayi ƴɔbɨ gɨ na Adam ma ɨsɨna andaŋ a cay gɨsəŋ gaŋ bɨ, na kol cay ɨsɨna ma tɨma kalɨn̰ ma ɨrga bɨ. Na toy di hɨn̰ wo̰ ma, tɨma ƴee kɨɗɨn̰ nɔm dɨɗɨn̰ kalaŋ, kɨya wa kan nɔm leege ɨsɨna.

Magtubu di Pol wal bɨn̰ kalaŋ ga Rɔm 5:15

Ama hɨnga ga ni bee ga Kumu bɨna kalɨn̰ le, wɨya gɨlɨn̰ na hɨn̰ ga da Adam wo̰ naŋ. Na kol hɨnga ga dan̰ gɨyəŋdɨge naŋ ga ungo pɨna hayi ƴɔbɨ lee le ma, kalaŋ kondɨ marɨn̰ge. Ɗarwa di da Kumu gumu ɗɨn̰ hɨnga ga dan̰ gɨyəŋdɨge naŋ ƴee coŋ. Ɗarwa le ɨrga na dan̰ gɨyəŋ gɨ da ungo pɨna hayi, Jesu-Kɨris, hɨndi lee kuduroy-ɗarwa gɨɗaŋ dan̰ kondɨwadi kalaŋ.

Magtubu di Pol wal bɨn̰ kalaŋ ga Rɔm 5:19

Ɨni na, dan̰ gɨyəŋ gɨ da jɔɔ kɔl naŋ gɨ da ungo gɨ pɨna hayi nɛŋ le, kalaŋ nɔm bɨləŋge ka-lɔɔ ɨsɨna bɨ, dan̰ gɨyəŋ gɨ da jɔɔ kɔl gɨ da ungo gɨ pɨna hayi nɛŋ le, Kumu lee gɨ kalaŋ dan̰ kondiige bɨləŋge kalaŋ ga dan̰ durɔ ɗɨngar a cɨndi.

Gɨye-lɔɔ 13:39

Waŋ waŋ gɨ na bɨga kuduroy cayi na, Kumu dor kɔl cayi coŋ ɨni.

Əbɨro 2:9

Ama hɨnga ga na sol haw kɛ ba kɛ: Jesu le Kumu jɨgan̰ danayi dugo lee gɨ ka-ƴɔbɛ ga daa nii ɗiige gɨ ni tɨwa lam wo̰ bɨ kardi nee na, Kumu dobii jagɨwa ga ni gusoŋ-tɔgɛ bɨ, hurɔmɔ bɨ cayi, kɨya tɨma di gɨlii-cɨn̰. Na toy di hɨn̰ wo̰ ma, dan̰ gɨyəŋ gɨ da ɗarwa di da Kumu na, Jesu sol tɨma dan̰ tɨdi kol cay kalaŋ nɔm.

Magtubu di Pol wal bɨn̰ kalaŋ ga Rɔm 4:25

Kumu dobii kobɨ tɨma dɨŋ na kol hɨnga kana ga dan̰ gɨyəŋdɨge naŋ. Kardi nee ban boyii lɨbii ɗe ana na bɨlɨn̰ kalaŋ ga dan̰ durɔ ɗɨngar a cɨndi.

Kɔl-gɨ-Ɗari gɨ Ja̰ wal 1:7

Ban ɨrga na kɨya lɔɔ tɨmon̰ bɨ. Ban lee na tɨmon̰ da asɨn̰a, ɗe gɨ kalaŋ nɔm na bɨgan̰ge kuduroyge cay asɨn̰a gɨŋ, dan̰ gɨyəŋ gɨ da tɨmon̰ toyi.

Kɔl-gɨ-Ɗari gɨ Ja̰ wal 12:32

Ama ɨŋ-bandi le, kɨɗɨn̰ ga kan kɨya seŋge daa a cay sɨya-gɨ-dagɨli gɨŋ na, ɨŋ kɨya dɔrɛ kalaŋ nɔm ɨrgan̰ danage gusɨnɨ.»

1 Ja̰ 2:20

Ama kɨŋ-gandi na, kɨŋ gɨlɨn̰ hɨn̰ kan wo̰ naŋ. Kɨris n̰ɨgɨ Turnɔ ɗe-kuduroy-bɛrɛ caygɨŋ hɨn̰ gɨ kan n̰ɨgɨn̰ sɔŋ a cay ungo wo̰, lee gɨ kɨŋ-gandi nɔm kɨŋ orɨn̰ dan̰ hɨnga-sɔlɛ.

2 Pɨyɛr 1:1

Na ɨŋ-bandi Simo Pɨyɛr ba-gɨre-gɨye bɨ, marɨna ba-gɨye bɨ, gɨ da Jesu-Kɨris, ba wale magtubu di kɛ le, gɨyɨn̰ bɨn̰ kan ga wayge aye kudurɔ gɨ kɨledi osu hɨn̰ koni wo̰ bɨ, dan̰ gɨyəŋ gɨ da gɨye-lɔɔ gɨ dan̰ durɔ gɨ da Kumu bɨ, Jesu-Kɨris gɨ Ba-poɗɨnagɨŋ bɨ le.

Kɔl-gɨ-Ɗari gɨ Ja̰ wal 3:26

Lee gɨ kan ɨrgage gusi Ja̰ bɨ, yeyige hɨn̰: «Ba-gɨlɨn̰ kalaŋ hɨnga sɨla! Ungo gɨ ba som danan̰ kɨɗɨn̰ ga ji ba ban̰ a kɨway kuray gɨ Jurdḛ gɨŋ jɨn̰ nii, gɨ ji lee tɨmon̰ kol cayi le, ban kalɨn̰ ma haw kɛ ɨre leen̰ kalaŋ batɛm bɨ. Lee gɨ kalaŋ nɔm orge gusi.»

Magtubu di Pol wal bɨn̰ kalaŋ ga Rɔm 3:25

Kumu ay Jesu bee hɨn̰ hɨnga ga ni bogɨn̰ kɨbar, ɗe kɨbardi na dor ɨsɨna gɨ da kalaŋ ga beege kuduroyge cayi. Ban lee hɨn̰ wo̰, ɗe kalaŋ na sol gɨ ban naa ungo gɨ dan̰ durɔ ɗɨngar. Ɨsɨna gɨ jɨne gɨ kalaŋ nɔm leege le, Kumu lee hɨn̰ gɨ ɗi na sɨlage naŋ wo̰,

Magtubu di Pol wal bɨn̰ kalaŋ ga Rɔm 6:14

Na cɨndi, ɨsɨna kɨya dɔɔ-ƴaa caygɨŋ naŋ ɨni, kɨya wa kɨŋ na a te dɔnɔ di da gasɨn̰-kɔl gɨ da Moyis dɨŋ naŋ ɨni, ama na ɗarwa di da Kumu ba-dɔɔ-ƴaa caygɨŋ.