Magtubu di Pol wal bɨn̰ kalaŋ ga Rɔm 3:4 - Gabri Maja

⁴ Cə, na hɨn̰ wo̰ naŋ bɨrɨŋ! Hɨn̰ gɨ kalaŋ nɔm naa ka-poy kalɨn̰ ma, Kumu na ba-yɔɔ kɔl gɨ cɨndi. Na hɨn̰ gɨ Magtubu di da Kumu ye wo̰: «Ay Kumu, hɨn̰ gɨ ji na ya kɔl na, Ungo sol gɨ naa kɔl gɨ cɨndi. Hɨn̰ gɨ ungo na dɨbɨ kɔl can̰ na, Kɔl wo̰ gɨ ba kɨya ƴɔmɛ can̰ unɔ.»

Magtubu di Pol wal bɨn̰ kalaŋ ga Rɔm 3:4 Referans Kwoze

Galad 2:17

Ama hɨn̰ gɨ ni na bugoŋ pɨna dan̰ Kɨris kɨya bɨlɨn̰ kalaŋ ga gɨye-lɔɔdɨge woy dan̰ durɔ ɗɨngar, ma naa hɨn̰ wo̰ kalɨn̰ ma, kalaŋ ga ni Jubɨ na yage kol cayni gɨ ni naa ka-lɔɔ ɨsɨna na, kɛ ojɨ gɨ ni na ya gɨ Kɨris le naa te ɨsɨna ga? Cə, na hɨn̰ wo̰ naŋ bɨrɨŋ.

Əbɨro 6:18

Hɨn̰ wo̰ na tumɔ dan̰ kɔl gɨ ban ye gɨ ɗi na kɨya lɔɔ bɨ, ɗaŋ coŋ dan̰ ɓɨse gɨ ban ɓɨse gusi bɨ. Hɨnga ga sɔɔ ga nee le, kɨya bɨle ɗaŋ naŋ bɨ Kumu kɨya yɔ poy cay nee naŋ bɨrɨŋ bɨ. Ɨni na, na-gandi ga ba ɗe hɨnga nɔm coŋ kɨya ƴomɨn̰ hɨnga ga na ba bee ɨrɨmedɨna cay nee gɨ ban ba ɗe tumoyna le, na orɨn̰ dan̰ hɨnga ga dobɨ bandɨ kuduroyna tɔgɨ gɨɗaŋ.

Titɨ 1:2

ɗe kan na been̰ ɨrɨmedɨge a cay sɔmɛ-bɨra gɨ dan̰ tumoyi. Kumu gɨ ya poy naŋ le, ye gɨ ɗi na kɨya bɨge sɔmɛ-bɨra gɨ dan̰ tumoyi gɨ nee le naa tumɔ ɓɨragɨ.

Kɔl-gɨ-Ɗari gɨ Ja̰ wal 3:33

Ungo gɨ ani ani gɨ na ƴa kɔl-tɨmon̰ toyi na, ban gey cay nee gɨ kɔl gɨ Kumu ba ye le naa kɔl gɨ cɨndi.

Wasɨn̰a 3:7

Ungo gɨ ɨŋ ba solii le jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Piladelpi. «Ban gɨ woy dan̰ cɨndi bɨ, ban gɨ na ungo gɨ hɨnde bɨ, ban gɨ ƴom lakɨle ga da kɨlma Dabid kobi bɨ. Ban gɨ na hanga kɨbɨ-ƴaa na, ungo pɨna wo̰ kalɨn̰ ma kɨya ɓale lɨge naŋ bɨ, ban gɨ na lɨgɨ kɨbɨ-ƴaa na, ungo pɨna wo̰ kalɨn̰ ma kɨya ɓale hange naŋ bɨ le, ye hɨn̰:

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.

Magtubu di Pol wal bɨn̰ kalaŋ ga Rɔm 9:14

Kɛ, na gɨ yɔ na wa a cay kɔl gɨ nee gɨŋ le ga? Kɛ na gɨ yɔ gɨ Kumu naa ba lɔɔ hɨnga ga dan̰ durɔ ɗɨngar naŋ ga? Cə, na hɨn̰ wo̰ naŋ bɨrɨŋ!

1 Ja̰ 5:10

Waŋ waŋ gɨ na bɨga kuduroy a cay Kurɨn̰-Kumu na, ƴom dan̰ tɨmon̰ di nee le a ɗugoyi. Ama waŋ waŋ gɨ na bɨga kuduroy cay Kumu naŋ na, lee Kumu leen̰ na ba-poy, kɨya wa ban kan̰ bɔgɛ kuduroyi a cay tɨmon̰ di Kumu lee a cay Kurondi le.

Galad 2:21

Ɗarwa di Kumu lee danaŋ le, ɨŋ aya laan̰ hɨnga ga kalɨn̰ wo̰ dugo naŋ. Hɨn̰ gɨ naa dan̰ gɨyəŋ gɨ da gasɨn̰-kɔl, ma ungo na kɨya bɨlɨn̰ ungo gɨ da durɔ ɗɨngar tumoy Kumu na, Kɨris ma na tɨma di kalɨn̰ wo̰.

Magtubu di Pol wal bɨn̰ kalaŋ ga Rɔm 6:15

Kɛ duroyi na wa ga? Hɨn̰ gɨ nana sɨma naa te dɔnɔ di da gasɨn̰-kɔl gɨ da Moyis gɨŋ naŋ, ama naa ɗarwa di da Kumu na ba daa-ƴaa cayna na, kɛ duroyi na gɨ nana wɨya naa te lɔɔ ɨsɨna ga? Cə, na hɨn̰ wo̰ naŋ bɨrɨŋ.

Magtubu di Pol wal bɨn̰ kalaŋ ga Rɔm 3:31

Naa hɨn̰ wo̰ na, kɛ dan̰ gɨyəŋ gɨ da aye kudurɔ le ni bɨle gasɨn̰-kɔl gɨ da Moyis leen̰ hɨnga ga kalɨn̰ wo̰ dugo ga? Cə, na hɨn̰ wo̰ naŋ bɨrɨŋ. Na nee dɨm ma, mani boo tɔgɔɔ cay mɨgaa ƴee.

Matɨyo 11:19

Ama kɨɗɨn̰ ga ɨŋ-bandi Kurɨn̰-ungo ɨŋ caga na, ɨŋ dii bɨ, ɨŋ si bɨ, naa hɨn̰ wo̰ kalɨn̰ ma, kan yege hɨn̰: “Sɨlagɨŋ ba-dɔɔ dɔɔ bɨ, ba-sɔdɔ cɛrɛ koydɨn̰ bɨ, ba-ƴɔmɛ pɔgɨn̰ɛ dan̰ kalaŋ ka-hɔgɛ lambo bɨ, ka-lɔɔ ɨsɨna bɨ.” Ama cɨn̰-muɗɔlɛ gɨ da Kumu gɨl gusi dan̰ durɔ ɗɨngar na dan̰ gɨyəŋ gɨ da gɨye-lɔɔdi.»

Galad 6:14

Ama ɨŋ-bandi na, ɨŋ de jorgɨnɨ na kɨya cay Ba-gulondɨna Jesu-Kɨris pɨna hayi ƴɔbɨ. Ban gɨ kan gagɨliige a cay sɨya-gɨ-dagɨli gɨŋ le, dan̰ gɨyəŋ gɨ da sɨya-gɨ-dagɨli le, hɨnga nɔm ga a cay gɨsəŋ gaŋ woy na hɨn̰ hɨnga ga mari wo̰, a cɨnɨ. Bɨ ɨŋ-bandi kalɨn̰ ma ɨŋ woy na hɨn̰ hɨnga ga mari wo̰ tumoy hɨnga ga nee le bɨ.

Magtubu di Pol wal bɨn̰ kalaŋ ga Rɔm 11:1

Aŋ ɨngɨrgəŋ ɗaŋ coŋ sol: Kɛ, Kumu ɗe te kalaŋ kayi ga na te wɨn̰je gɨ da Ɨsɨrayɛl le coŋ yɔd ga? Cə, na hɨn̰ wo̰ naŋ bɨrɨŋ! Ɨŋ-bandi dan̰ gusɨnɨ kalɨn̰ ma ban pɔɗɔŋ bɨ, ɨŋ na a te wɨn̰je gɨ da Ɨsɨrayɛl gɨŋ bɨ, a te mon̰ gɨ da Abɨraham gɨŋ bɨ, a te wɔɔ gɨ da Bɛ̰jamɛ̰ gɨŋ bɨ.

2 Korɛ̰t 1:18

Kumu na tɨmon̰ hɨnge, kɔl gɨ ɨŋ ba yəgɨŋ le, na «Əw» bɨ «naŋ» bɨ, kɨbɨge koge gɨŋ naŋ.

Magtubu di Pol wal bɨn̰ kalaŋ ga Rɔm 11:11

Aŋ ɨngɨrgɨŋ ɗaŋ coŋ sol: Dɔgɛ gɨ te wɨn̰je gɨ da Ɨsɨrayɛl ba de tɨbayige a gundi sɨya gɨŋ le, na ɗe gɨ ban na baa yɔd dan̰ cɨndi ga? Cə, na hɨn̰ wo̰ naŋ bɨrɨŋ! Ama dan̰ gɨyəŋ gɨ da hɨnga ga dan̰ gɨyəŋdɨge naŋ ga Jubɨn̰əŋ leege le, kalaŋ ga toyge na Jubɨ naŋ wan̰ge pɔɗɛ ɨni, ɗe jangɨ na leen̰ Jubɨn̰əŋ.

Magtubu di Pol wal bɨn̰ kalaŋ ga Rɔm 7:7

Hɨn̰ gɨ nana ya gɨ gasɨn̰-kɔl naa ba lɨbe ɨsɨna gɨ lee gɨye gusɨna ɗəndəŋ daa na, kɛ a duroy kɔl gɨ nee gɨŋ le na ye na gɨ gasɨn̰-kɔl dan̰ ɨsɨna na ɓalɨn̰ge pɨna ga? Cə, na hɨn̰ wo̰ naŋ bɨrɨŋ! Tumɔ ɨŋ-bandi ɨŋ sɨla ɨsɨna naŋ, ama na gasɨn̰-kɔl ba lɔɔ gɨ ɨŋ solɨn̰ ɨsɨna. Kɨradi-kɔl, gasɨn̰-kɔl na ya hɨn̰: «Ji lɔɔ tabɨlaŋdi hɨnga ga da mɨgan̰ naŋ» tumɔ hɨn̰ gɨ gasɨn̰-kɔl na ya gɨ ji na gɨ lɔɔ cɨn̰-pɨɗɨma a cay hɨnga ga da mɨgan̰ naŋ na, ɨŋ kɨya sɔlɛ cɨn̰-pɨɗɨma leen̰ hɨnga ga ɨsɨni naŋ.

Magtubu di Pol wal bɨn̰ kalaŋ ga Rɔm 6:2

Cə, na hɨn̰ wo̰ naŋ bɨrɨŋ! Na-gandi ga na ma bɨ andaŋ a te dɔnɔ di da ɨsɨna gɨŋ coŋ bɨ le. Kɛ na mɨna ma mana kɨya sɔmɛ a boy ɨsɨna gɨŋ coŋ ga?

Kɔl-gɨ-Ɗari gɨ Lug wal 20:16

Ban kɨya sɔ dan̰ gusi koyi ɔrɛ boy yagedi suru gɨŋ le, ɗe kan na dɨɗɨge ka-yagedi suru le coŋ. Bɨ ban kɨya bɔgɛ gɨye yagedi suru le kobɨ ga ɗaŋ.» Kɨɗɨn̰ ga kan jege kɔl gɨ nee le na, kan yege hɨn̰: «Cə, na hɨn̰ wo̰ naŋ bɨrɨŋ.»

Magtubu di Pol wal bɨn̰ kalaŋ ga Rɔm 7:13

Naa hɨn̰ wo̰ na, hɨnga ga ɗari dɨɗəŋ ga? Cə, na hɨn̰ wo̰ naŋ bɨrɨŋ. Ama ɨsɨna ƴom hɨnga ga ɗari bɨlɨn̰ leen̰ te tɨman̰nɨ, ɗe ɨsɨna na gɨlɨn̰ ɨsɨnadi doŋ. Na dan̰ gɨyəŋ gɨ da te tumɔ ƴɔbɨ ma ɨsɨna gɨlɨn̰ man̰edi doŋ yɔd.

1 Korɛ̰t 6:15

Kuyoŋdi-gusɨgɨŋ na kɨway kuyoŋdi Kɨris, kɛ kɨŋ sɨla hɨn̰ wo̰ naŋ ga? Ma kɛ, ɨŋ kɨya aye kuyoŋdi Kɨris bɨlɨn̰ kɨway kuyoŋdi ajɨba ga? Cə, na hɨn̰ wo̰ naŋ bɨrɨŋ.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.