Magtubu di Pol wal bɨn̰ kalaŋ ga Rɔm 3:19 - Gabri Maja

¹⁹ Na sol kuɗa gɨ hɨnga nɔm ga gasɨn̰-kɔl ye koldɨge le, hɨndi ye bɨn̰ na kalaŋ ga somge a te gasɨn̰-kɔl gaŋ, ɗe kɨbɨ ungo pɨna wo̰ andɨn̰ dan̰ kɔl gɨ ni dorɨn̰ kɔl cayi naŋ bɨ, ɗe kalaŋ nɔm na solɨn̰ge kardi ɨsɨna koge tumoy Kumu bɨ.

Magtubu di Pol wal bɨn̰ kalaŋ ga Rɔm 3:19 Referans Kwoze

Galad 3:10

Bɨ kan ga de ɗugoyge cay gasɨn̰-kɔl gɨ ke ay leen̰ gɨye le, ɓɨse woy cayge. Kɨya wa kan walge yege hɨn̰: «Waŋ waŋ gɨ na laa hɨnga nɔm ga kan walge duroy magtubu gasɨn̰-kɔl dɨŋ cɨndi tumɔ tumɔ nɔm naŋ na, ban na ungo gɨ ɓɨse woy cayi.»

Magtubu di Pol wal bɨn̰ kalaŋ ga Rɔm 3:9

Kɛ ni kɨya yɔ na mɨna coŋ ga? Kɛ ni ga ni Jubɨ le ni ɗɨn̰ te kalaŋ ga baa ga? Dḛ wo̰ naŋ bɨrɨŋ! Ɨŋ yəgɨŋ kɔl cay nee tumɔ ɨni gɨ Jubɨn̰əŋ bɨ kalaŋ ga toyge na Jubɨ naŋ bɨ, kan nɔm na a te dɔnɔ di da ɨsɨna gɨŋ.

Galad 5:18

Ama hɨn̰ gɨ Turnɔ di da Kumu na ba dɨra tumoygɨŋ na, gasɨn̰-kɔl na ba dɔɔ caynagɨŋ naŋ ɨni.

1 Korɛ̰t 1:29

hɨn̰ wo̰ na, ungo gɨ ɨndi kɨya ɓale gɨle gusi tumoyi Kumu naŋ.

Magtubu di Pol wal bɨn̰ kalaŋ ga Rɔm 3:23

Kalaŋ nɔm na ka-lɔɔ ɨsɨna, na wo̰ ma kan kɨya ɓale andaŋ a duroy gusoŋ-tɔgɛ gɨ da Kumu dɨŋ naŋ.

Galad 4:21

Yaŋgɨŋ ƴee bɨ, kɨŋ ga ka-geye tɔbɛ caygɨŋ te gasɨn̰-kɔl gɨ da Moyis gɨŋ le, kɛ kɨŋ sol duroy kɔl gɨ gasɨn̰-kɔl gɨ nee le ye hagɨŋ ga? Ɨŋ sɨla naŋ.

Galad 4:5

ɗe gɨ ban na dɨran̰ kɔl cay kalaŋ ga somge a te dɔnɔ di da ɓɨse gɨ da gasɨn̰-kɔl gɨŋ le bɨ, kan na bɨlɨn̰ge karɨn̰ Kumu bɨ.

Magtubu di Pol wal bɨn̰ kalaŋ ga Rɔm 1:20

Ungo sɨla Kumu dan̰ tɨdi cay pɨna naŋ, ama an̰ toy jɨne ɓɨrag a te ɗɔɔ gɨ da cay gɨsəŋ le, dɔnɔ toyi di woy dan̰ tumɔɔ bɨ, Kumu gusi bɨ le, woy cɨn̰ tɨwa dɨŋ ɗen̰ ɗen̰ dan̰ gɨyəŋ gɨ da hɨnga se kayi. Na toy di hɨn̰ wo̰ ma, kɨɗɨn̰ ga ni an̰ jɨba unɔ ɨni.

Kɔl-gɨ-Ɗari gɨ Ja̰ wal 8:9

Kɨɗɨn̰ ga kan jege kɔl gɨ nee le ɨni na, kan torge gusɨge coŋ pɨna pɨna, ayɨn̰ toy a cay kan ga əsɨdəŋ gaŋ bɨrɨŋ andɨn̰ a cay kan ga n̰əŋdəŋ, lee gɨ na Jesu dan̰ tama di kan sooge duroyge le ba bɔɔge kan̰dɨge hage.

Magtubu di Pol wal bɨn̰ kalaŋ ga Rɔm 3:4

Cə, na hɨn̰ wo̰ naŋ bɨrɨŋ! Hɨn̰ gɨ kalaŋ nɔm naa ka-poy kalɨn̰ ma, Kumu na ba-yɔɔ kɔl gɨ cɨndi. Na hɨn̰ gɨ Magtubu di da Kumu ye wo̰: «Ay Kumu, hɨn̰ gɨ ji na ya kɔl na, Ungo sol gɨ naa kɔl gɨ cɨndi. Hɨn̰ gɨ ungo na dɨbɨ kɔl can̰ na, Kɔl wo̰ gɨ ba kɨya ƴɔmɛ can̰ unɔ.»

Magtubu di Pol wal bɨn̰ kalaŋ ga Rɔm 3:2

Ho’o, Jubɨn̰əŋ wayge hɨnga dan̰ kondiige! Cay wase na, na kan ma Kumu beege kɔl koyi kobɨge ɗe kan na gama.

Kɔl-gɨ-Ɗari gɨ Ja̰ wal 15:25

Ama na kɨya gɨ ɗe kɔl gɨ kan walge duroy magtubu gasɨn̰-kɔl koge gɨŋ ye hɨn̰: “Kan ƴɔmɔŋge dan̰ kuduroyge kalɨn̰ wo̰ dugo le”, ɗe na or kɨɗɨn̰dɨge gaŋ.