Magtubu di Pol wal bɨn̰ kalaŋ ga Rɔm 15:1 - Gabri Maja

¹ Na hɨn̰ wo̰ ma, na-gandi ga na osu a te aye kudurɔ gɨŋ le, ojɨ gɨ na dɨbɨ ɗugoyna cay karmɨna ga usa a te aye kudurɔ gɨŋ naŋ. Ɗanagɨŋ baa lɔɔ hɨnga ga kɨya ƴɔɔ cɨndɨna na-gandi.

Magtubu di Pol wal bɨn̰ kalaŋ ga Rɔm 15:1 Referans Kwoze

1 Tesalonigɨ 5:14

Karmɨnɨ ga ban̰aŋ dan̰ ga kandɨ, ni olgɨŋ gɨ kɨŋ ɗala ka-dabɨr bɨ, dɨbagɨŋ bandɨ kuduroy ka-hundɔrɔ bɨ, jɨbgɨŋ te kan ga togɨyge unɔ bɨ. Dɨbgɨŋ ɗugoygɨŋ cay kalaŋ nɔm bɨ.

Magtubu di Pol wal bɨn̰ kalaŋ ga Rɔm 14:1

Ungo gɨ ɨrɨmedi usa a te aye kudurɔ gɨŋ naŋ ƴee le, ƴɨmayigɨŋ gusɨgɨŋ dɨle bɔyɛ kɔl a cay ɨrɨmedi gɨŋ.

1 Korɛ̰t 9:22

Kɨɗɨn̰ ga ɨŋ na sɨma duroy kalaŋ ga hɨmbaɗɨdaŋ gaŋ na, ɨŋ bɨle gusɨnɨ leen̰ hɨn̰ ungo gɨ hɨmbaɗɨ bɨ. Ɨŋ lee hɨn̰ wo̰ ɗe aŋ na wan̰ kalaŋ ga hɨmbaɗɨdaŋ bɨn̰ Kɨris. Ɨŋ lee gusɨnɨ hɨn̰ kalaŋ nɔm a te gɨye-lɔɔ gɨ ani ani gɨŋ, ɗe naa dan̰ gɨyəŋ gɨ ani ani kalɨn̰ ma kan ga pɨna duroyge na waage pɔɗɛ.

1 Ja̰ 2:14

Ay, karɨn̰aŋ, ɨŋ wal kɔl gɨ kɛ le bɨgɨŋ: «Kɨŋ sol Bayna.» Ay, karɨn̰aŋ ban̰an̰ge, ɨŋ wal kɔl gɨ kɛ le bɨgɨŋ: «Kɨŋ sol ban gɨ som a toyi dɨŋ ɓɨrag.» Ay, marɨne, ɨŋ wal kɔl gɨ kɛ le bɨgɨŋ: «Kɨŋ lee bandɨ bɨ, kɔl gɨ da Kumu ƴom kuduroygɨŋ bɨ, kɨŋ boy-kɨmbɨl cay Haban̰ Ba-lɔɔ ɨsɨna bɨ.»

2 Timote 2:1

Naa hɨn̰ wo̰ na, kuronɨ, ɗarwa di Jesu-Kɨris ba lee dan̰ kan ga bugoŋ pɨna danayi le, ɨr cay nee usa.

Magtubu di Pol wal bɨn̰ kalaŋ ga Rɔm 4:20

Abɨraham ɨrɨm kuduroy sɔɔ-sɔɔ a cay hɨnga ga Kumu ye gɨ ɗi na kɨya lɔɔ bii le naŋ bɨrɨŋ bɨ, ɗa aye kudurɔ koyi coŋ naŋ bɨ. Ama ban ɨre osu a te aye kudurɔ koyi gɨŋ dɨbɨn̰ gusoŋ-tɔgɛ a cay Kumu.

Epɛs 6:10

Kagadi kɔl hɨnge ba kɛ: Daragɨŋ togɨygɨŋ na duroy te bugoŋ pɨna kogɨŋ gɨŋ dan̰ Ba-gulɔŋ bɨ, a gusi tɔgɨ toyi di ɗɨn̰ hɨnga nɔm bɨ.

2 Korɛ̰t 12:10

Na toy di hɨn̰ wo̰ ma, ɨŋ lee gusi-mɔwa kɨɗɨn̰ ga ɨŋ ɨran̰ dan̰ dɔnɔ naŋ bɨ, kɨɗɨn̰ ga yagɨdaŋge bɨ, lənge hɨnga ga ni jəŋge bɨ, gɨləŋge cɨn̰ bɨ, lənge hɨnga ga osɨdəŋ osɨdəŋ bɨ, kɨya cay Kɨris. Kɨya wa kɨɗɨn̰ ga ɨŋ na ɨran̰ dan̰ dɔnɔ naŋ na, na kɨɗɨn̰di ga nee gaŋ le ƴɔbɨ ma maŋ way dɔnɔ.

1 Korɛ̰t 4:10

Ni na kalaŋ ka-dɨngale kol cay Kɨris, ama kɨŋ na ka-cɨn̰-muɗɔlɛ dan̰ gɨyəŋ gɨ da bugoŋ gɨ kɨŋ bugoŋ pɨna dan̰ Kɨris. Ni na kalaŋ ga usa naŋ, ama kɨŋ na kalaŋ ga dan̰ tɔgɨ. Kalaŋ hɨramgɨŋge, ama ni-gandi na hagɨrnige.

Magtubu di Pol wal bɨn̰ kalaŋ ga Rɔm 14:2

Dan̰ gɨyəŋ gɨ da aye kudurɔ gɨ da kalaŋ ga pɨna na, hɨnga nɔm won̰ na ga ni dɔɔ. Ama kalaŋ ga aye kudurɔ koge usa naŋ le, dii dege na kabɨn̰ hɨnga ƴɔbɨ.

Pilib 2:4

Ɗɔ gɨ waŋ waŋ kalɨn̰ ma se cɨndi kardi hɨnga ga ojɨ cayi toyi ƴɔbɨ naŋ, ama kuɗa gɨ ban si cɨndi ujan̰ cayi hɨnga ga da kamdi bɨ.