Magtubu di Pol wal bɨn̰ kalaŋ ga Rɔm 14:9 - Gabri Maja

⁹ Kɨya wa Kɨris ma bɨ boy lɨbɨ bɨ, kɨya bɨlɨn̰ Ba-gulɔŋ gɨ da kalaŋ ga somge-bɨra bɨ, Ba-gulɔŋ gɨ da kalaŋ ga madɨrdaŋ bɨ.

Magtubu di Pol wal bɨn̰ kalaŋ ga Rɔm 14:9 Referans Kwoze

Wasɨn̰a 1:18

Ɨŋ-bandi le, ɨŋ na ba-sɔmɛ-bɨra. Tumɔ ɨŋ ma, ama haw kɛ na ɨŋ som-bɨra, ɨŋ kɨya mare naŋ bɨrɨŋ ɨni. Ɨŋ orɨn̰ dan̰ dɔnɔ a cay tɨma dɨŋ bɨ, a cay dɔɔ-ƴaado dɨŋ bɨ.

Kɔl-gɨ-Ɗari gɨ Lug wal 24:26

Kɨŋ sɨla hɨn̰ gɨ naa wa wa kalɨn̰ ma, Kɨris ban gɨ Kumu dorii le kɨya gɨle-cɨn̰ pa dɨm ma ban kɨya andɨn̰ a duroy gusoŋ-tɔgɛ gɨŋ naŋ ga?»

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

2 Timote 4:1

Wɔlɛ pɨna Jesu-Kɨris kɨya jɨga. Ban kɨya jɨga kɨya dɔɔ-ƴaa bɨ, bɔyɛ kɔl cay kalaŋ ga somge-bɨra bɨ, kalaŋ ga madɨrdaŋ bɨ. Na toy di hɨn̰ wo̰ ma maŋ olɨn̰ tumoy Kumu bɨ, tumoy Jesu-Kɨris bɨ.

Gɨye-lɔɔ 10:42

Ban ye ni gɨ ni na tɨga bɛrnɛ bɨn̰ kalaŋ nɔm bɨ, ni na laa tɨmon̰ ya hɨn̰: Na ban ma Kumu dorii hɨn̰ ba-bɔyɛ kɔl cay kalaŋ ga som-bɨra bɨ, cay kalaŋ ga madɨrdaŋ gaŋ bɨ.

Matɨyo 28:18

Jesu ɨrga mɨnde gusɨge bɨ yege hɨn̰: «Kumu bəŋ Dɔnɔ nɔm a cay hɨnga ga gɨɗɨgɨ-Kumu gaŋ bɨ, a cay hɨnga ga cay gɨsəŋ gaŋ bɨ.

1 Pɨyɛr 4:5

Ama hɨnga ga kan ba lee le, kan kɨya dɔrɛge kardɨge nɔm tumoy Kumu ƴee. Kɨya wa ban som cay tɨbayi dɨŋ kɨya bɔyɛ kɔl cay kalaŋ ga somge-bɨra bɨ, ga mage bɨ.

1 Pɨyɛr 1:21

Dan̰ gɨyəŋ gɨ da Kɨris le, kɨŋ bee kuduroygɨŋ a cay Kumu gɨ boyii lɨbii kardi kalaŋ ga madɨrdaŋ gaŋ, ayi duroy gusoŋ-tɔgɛ koyi gɨŋ bɨ, lee gɨ aye kudurɔ kogɨŋ bɨ, ɨrɨmedɨgɨŋ gɨ kɨŋ bee cayi bɨ, woy na cay Kumu.

2 Korɛ̰t 5:14

Kɨya wa na geye gɨ da Kɨris ba orɨn̰ danani ma mani leen̰ hɨn̰ wo̰, ni-gandi ga ni sol kuɗa gɨ na ungo pɨna hayi ƴɔbɨ ba mare a ban̰di kundɨwa gɨ da kalaŋ le. Hɨn̰ wo̰ na kan nɔm mage danayi.

Gɨye-lɔɔ 10:36

Kumu gɨygɨn̰ dan̰ kɔl koyi bɨn̰ na te wɨn̰je gɨ da Ɨsɨrayɛl: Kɔl gɨ nee le na Kɔl-gɨ-Ɗari gɨ ojɨ cay gusi-dɔbɛ dan̰ gɨyəŋ gɨ da Jesu-Kɨris, gɨ na Ba-gulɔŋ kalaŋ nɔm le.

Wasɨn̰a 2:8

Ungo gɨ ɨŋ ba solii le, ye ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Simirnɨ dɨŋ. «Ban gɨ cay wase cɨg cɨg dan̰ ban gɨ karu gɛs gɛs bɨ, ban gɨ ma pa dɨm ma jɨga som-bɨra bɨ le, ye hɨn̰:

Kɔl-gɨ-Ɗari gɨ Ja̰ wal 12:24

Jagɨŋ, ɨŋ yəgɨŋ na kɔl gɨ cɨndi, hɨn̰ gɨ cɨn̰ gɛmɛ na ba gɨsəŋ bɨ na mara naŋ na, hɨndi kɨya wɔyɛ na kɨɗɨn̰do gaŋ kan̰do tɔɔ dɨŋ haa. Ama hɨn̰ gɨ hɨndi na mara na, hɨndi kɨya wɔ karɨndo dan̰ kondɨwayge.

Magtubu di Pol wal bɨn̰ kalaŋ ga Rɔm 10:9

Na cɨndi, hɨn̰ gɨ ji na ya dan̰ kɨbɨn̰ gɨ Jesu naa Ba-gulɔŋ bɨ, hɨn̰ gɨ a ɗugon̰ ji na bɨga kuduron̰ cay nee gɨ Kumu na boyii lɨbii duroy kalaŋ ga madɨrdaŋ gaŋ bɨ na, ji kɨya pɔɗɛ.

1 Tesalonigɨ 4:14

Leen̰ cɨndi na, na bee kuduroyna cay mare gɨ da Jesu bɨ, cay bɔyɛ lɨbe koyi bɨ. Kɨya cay hɨnga ga nee le na, na sol leen̰ cɨndi gɨ Kumu kɨya bɔyɛ kan ga mage le lɨbe bɨ, kan ga beege kuduroyge cay Jesu bɨ. Ɨni na, kan kɨya sɔmɛge dan̰ Jesu.

1 Tesalonigɨ 5:10

Ɗe hɨn̰ gɨ na na sɨma naa bɨra naŋ le, wɨya naa kuŋ kalɨn̰ ma, na na bugoŋ pɨna danayi te sɔmɛ-bɨra gɨŋ.