Magtubu di Pol wal bɨn̰ kalaŋ ga Rɔm 12:6 - Gabri Maja

⁶ Na orɨn̰ dan̰ hɨnga ga ni bee-kalɨn̰ ga toyge kan̰dɨge kan̰dɨge dan̰ gɨyəŋ gɨ da ɗarwa di Kumu lee danana. Hɨn̰ gɨ Kumu na bɨn̰ ungo dɔnɔ di ni yɔɔ-kɔl-gɨ-Kumu-ba-yɔɔ na, kuɗa gɨ ban ya ɗe or pɨna dan̰ aye kudurɔ.

Magtubu di Pol wal bɨn̰ kalaŋ ga Rɔm 12:6 Referans Kwoze

1 Korɛ̰t 7:7

Na cɨndi ɨŋ gey gɨ kalaŋ nɔm na wɨyage hɨn̰ ɨŋ-bandi wo̰. Ama waŋ waŋ kalɨn̰ ma, Kumu bii hɨnga ga ni bee-kalɨn̰ ga ojɨn̰ cayi. Na toy di hɨn̰ wo̰ ma, ungo pɨna way gɨ ni somɨn̰ gaba bɨ, ungo gɨ ɗaŋ way gɨ ni ƴon̰-tama bɨ.

Magtubu di Pol wal bɨn̰ kalaŋ ga Rɔm 12:3

Dan̰ gɨyəŋ gɨ da ɗarwa di Kumu bəŋ, ɨŋ yən̰ kalaŋ ga woyge duroygɨŋ pɨna pɨna nɔm, ɗɔɔ gɨ kan orɨn̰ge dan̰ ɨrɨme gɨ ɗɨn̰ cayge naŋ, ama kuɗa gɨ kan ɨran̰ dan̰ ɨrɨme gɨ dan̰ gɨyəŋdi gɨ ɓal togɨyge gɨ or pɨna dan̰ aye kudurɔ koge gɨ Kumu bɨge.

Magtubu di Pol wal bɨn̰ kalaŋ ga Rɔm 1:11

Na cɨndi, tabɨlaŋdi ɔrɛ solgɨŋ ləŋ gɨɗaŋ kɨya ɔrɛ bɨgɨŋ hɨnga ga ni wandɨ ga sayga gusi Turnɔ ɗe-kuduroy-bɛrɛ ɗe agɨŋ ɨrɨn̰ osu.

1 Korɛ̰t 13:2

Ko hɨn̰ gɨ ɨŋ na ya naa kɔl-gɨ-Kumu-ba-yɔɔ, naŋ le ɨŋ na sɨla naa hɨnga ga woy kɨɗɨn̰ wɔsɛdɨge gaŋ nɔm, naŋ le ɨŋ na sɨla hɨnga nɔm, naŋ le aye kudurɔ hɨnge na usa tɔgɨ laa gɨ ɨŋ na ɗɨdan̰ garman̰əŋ kalɨn̰ ma, hɨn̰ gɨ wandɨ na unɔ gusɨnɨ na, ɨŋ na hɨnga naŋ.

Epɛs 4:11

Hɨnga ga ban bɨn̰ kalaŋ kalɨn̰ le, na ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ, ka-tɔgɛ bɛrnɛ Kɔl-gɨ-Ɗari bɨ, ka-sɔlɛ kardi kalaŋ ga da Kumu dan̰ ka-gɨlɨn̰ kalaŋ hɨnga bɨ.

1 Korɛ̰t 14:1

Hɨn̰ wo̰ na ƴɨmagɨŋ te geye bɨ, ɗaŋ coŋ, ɨran̰gɨŋ dan̰ kurɔŋdi wɔɔ hɨnga ga da Turnɔ ɗe-kuduroy-bɛrɛ dan̰ ɗugoygɨŋ ga pɨna. Duroy hɨnga ga ni tɔrɛ-kɨbɨ ga nee le, ɨran̰gɨŋ na dan̰ kurɔŋdi yɔɔ-kɔl-gɨ-Kumu-ba-yɔɔ ɗe cɨla coŋ.

2 Korɛ̰t 8:12

Hɨn̰ gɨ kuduroy-geye kogɨŋ na kuɗa na, Kumu kɨya ƴɔɔ hɨnga ga kɨŋ ba kɨya bii le. Ji gɨ bee hɨnga ga ji ɨran̰ naŋ, naŋ. Ban gey gɨ kɨŋ na bii naa kandi-wɔɔ ga kɨŋ orɨn̰ ƴɔbɨ.

1 Tesalonigɨ 5:20

Kan ga sayge duroygɨŋ bɨ yege gɨ, kɔl gɨ ke na ye naa kɔl-gɨ-Kumu-ba-yɔɔ le, sɔlɛgɨŋ kɔl koge leen̰ hɨnga ga kalɨn̰ wo̰ dugo naŋ,

1 Korɛ̰t 14:29

Ɗa gɨ sɔɔ naŋ le kalaŋ sɨbɨ yage-kɔl-gɨ-Kumu-ba-yɔɔ bɨ, ɗa gɨ toyge ga ba kɨbage duroy kɔl koge.

Gɨye-lɔɔ 15:32

Jud bɨ, Sɨlas bɨ, na ka-yɔɔ-kɔl-gɨ-Kumu-ba-yɔɔ. Kan kalɨn̰ ma yege kɔl tɔgɨ bɨ, dobɨge bandɨ kuduroyge bɨ, bɨgege tɔgɨ bɨ.

Gɨye-lɔɔ 2:17

“Sɨlagɨŋ hɨnga ga ba kɨya caga wɔlɛ kagadi gɨŋ le ba kɛ, Kumu ye hɨn̰: Ɨŋ kɨya lɔɔ gɨ ɗe Turnonɨ busoŋ cay kalaŋ nɔm bɨ, Karɨndɨgɨŋ ga ban̰aŋ dan̰ karɨndɨgɨŋ ga kandɨ Kɨya bɨləŋge ka-yɔɔ-kɔl-gɨ-Kumu-ba-yɔɔ bɨ, Ɨŋ kɨya yon̰ marɨne kagɨŋ kɔl, Boy hɨnga ga buyoŋ cɨn̰ ungo hɨn̰ dḛḛ wo̰ bɨ, Ɨŋ kɨya yon̰ kandɨgɨŋ ga əsɨdəŋ kɔl boy sɔndɛ gɨŋ bɨ.

Pilib 3:15

Kuɗa gɨ na-gandi nɔm ga cɨndɨna naa a te aye kudurɔ gɨŋ le, na kɨba ɨrɨme gɨ pɨna hayi gɨ nee le. Ama hɨn̰ gɨ hɨnga ga pɨna na wɨya, ma te tumoygɨŋ na ɓalɨn̰a cay nee naŋ kalɨn̰ ma, Kumu kɨya haŋge cɨndɨgɨŋ cay nee.

Epɛs 3:5

Hɨnga ga woy kɨɗɨn̰ wɔsɛdɨge gaŋ le, jɨne Kumu ya koldɨge bɨn̰ mon̰ini naŋ, ama haw kɛ na Kumu ye koldɨge daa bɨn̰ ka-gɨre-gɨye ga da Jesu bɨ ka-yɔɔ-kɔl-gɨ-Kumu-ba-yɔɔ bɨ, ga ban torge sɨge dan̰ cɨndɨge dan̰ gɨyəŋ gɨ da Turnoyi.

Gɨye-lɔɔ 13:1

Ka-yɔɔ-kɔl-gɨ-Kumu-ba-yɔɔ bɨ, ka-gɨlɨn̰ kalaŋ kɔl gɨ da Kumu bɨ, woyge a duroy Ka-Daye ga Antɨyɔs gaŋ. Kalaŋ ga nee le na: Barnabas bɨ, Simin̰o gɨ teeyige ungo gɨ ɓaladi ɨndi bɨ, Lisɨyus ungo gɨ Sirɛn bɨ, Manahɛn gɨ kan gamgege dan̰ Ɛrɔd Antipas gɨ di cay gɨsəŋ ga Galile bɨ, Sol bɨ.

Kɔl-gɨ-Ɗari gɨ Lug wal 11:49

Na toy di hɨn̰ wo̰ ma, cɨn̰-muɗɔlɛ gɨ da Kumu koyi ye hɨn̰: “Ɨŋ kɨya gɨyɨn̰ dan̰ ka-yɔɔ-kɔl-gɨ-Kumu-ba-yɔɔ bɨ, dan̰ ka-gɨre-gɨye gusɨge na, kan kɨya dɨɗe ga pɨna bɨ, kan kɨya gɨlɨn̰ ga pɨna cɨn̰-n̰age bɨ.”

Matɨyo 23:34

Na toy di hɨn̰ wo̰ ma, jagɨŋ, ɨŋ-bandi ɨŋ kɨya gɨye ka-yɔɔ-kɔl-gɨ-Kumu-ba-yɔɔ bɨ, ka-cɨn̰-muɗɔlɛ bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, gusɨgɨŋ. Kɨŋ kɨya dɨɗe ga pɨna bɨ, gagɨlde ga pɨna a cay sɨya-gɨ-dagɨli gɨŋ bɨ, sɔmdɨdɛ ga pɨna dan̰ bɨraw duroy ƴaa-daye-di-da-Jubɨn̰əŋ gaŋ bɨ, kɨŋ kɨya codɨdɨge dan̰ cay ƴaa ƴaa bɨ.

1 Korɛ̰t 14:24

Ama hɨn̰ gɨ ka-aye kudurɔ nɔm na yage naa kɔl-gɨ-Kumu-ba-yɔɔ, ma ungo ba-aye-kudurɔ naŋ, naŋ le ungo gɨ sɨla hɨnga naŋ na andaŋ toygɨŋ na, kɔl gɨ ban je le kɨya lɔɔ gɨ ban kɨya sɔlɛ ɨsɨna toyi. Kɔl nɔm gɨ ban je le kɨya bɔyɛ kɔl danayi bɨ,

Gɨye-lɔɔ 21:9

Ban orɨn̰ dan̰ karɨndi ga kandɨ poɗɨn̰ ga na kambɨle ga cɨl. Kan na ka-yɔɔ-kɔl-gɨ-Kumu-ba-yɔɔ.

1 Korɛ̰t 3:5

Ɨni na, Apolos na waŋ bɨ Pol na waŋ bɨ ga? Kan na marɨne ka-lɔɔ gɨye ga da Kumu ga kɨŋ ay kuduroygɨŋ dan̰ gɨyəŋ koge ƴɔbɨ. Waŋ waŋ kalɨn̰ ma duroyge lee gɨye na dan̰ gɨyəŋ gɨ da tɔgɨ gɨ Ba-gulɔŋ bii.

1 Korɛ̰t 12:18

Ama Kumu si kɨway gusɨna pɨna pɨna gusɨna na dan̰ kuduroy geye koyi.

2 Pɨyɛr 1:20

Tumɔ pa dɨm na, ojɨ gɨ kɨŋ sɨla hɨnga ga ba kɛ kuɗa: Kɔl gɨ Kumu ɗe kɨbɨ ka-yɔɔ-kɔl-gɨ-Kumu-ba-yɔɔ ma walge duroy Magtubu toyi dɨŋ le, ungo gɨ ba ɓale dɔrɛ duroyi dan̰ cay gusi koyi unɔ.

Matɨyo 25:22

Guyɔŋ gɨ ba-gulondi bii gursu di ni lɔr aru sɔɔ le, ɨrga bɨ yeyi hɨn̰: “Ba-gulonɨ, tumɔ ji bəŋ gursu di ni lɔr aru sɔɔ. Ama sɨla ɨŋ way kaŋdo aru sɔɔ ɗaŋ cay nee coŋ.”