Magtubu di Pol wal bɨn̰ kalaŋ ga Rɔm 12:13 - Gabri Maja

¹³ Kuɗa gɨ kɨŋ jɨbɨ te kalaŋ ga woyge dan̰ cɨndɨge ga orɨn̰ge dan̰ n̰agedi hɨnga. Ƴɨmagɨŋ kɨrge gusɨgɨŋ dan̰ gusi-mɔwa.

Magtubu di Pol wal bɨn̰ kalaŋ ga Rɔm 12:13 Referans Kwoze

Əbɨro 13:16

Kɨŋ ɗɔɔ ba hale gɨybəŋ cay lɔɔ ɗarwa naŋ. Jɨbɨgɨŋ te gusɨgɨŋ duroygɨŋ bɨ, kɨya gɨ na hɨnga ga ni bogɨn̰ kɨbar ga hɨn̰ wo̰ le ba-ƴɔɔ cɨn̰ Kumu.

2 Korɛ̰t 9:12

Kɨya wa gɨye gɨ ba woy kɛ gɨ kɨŋ ba woy te lɔɔ le, kɨya lɔɔ gɨ kalaŋ ga woyge dan̰ cɨndɨge na waage naa hɨnga ga n̰agedɨge leege ƴɔbɨ naŋ, ama kɨya lɔɔ gɨ kalaŋ kondɨ na laan̰ge Kumu ho’o bɨ.

1 Ja̰ 3:17

Hɨn̰ gɨ ungo na ɨran̰ dan̰ kandi-wɔɔ ga a cay gɨsəŋ gaŋ mana lɨgɨ cɨndi daa a cay kurɨndi gɨ hɨnga wɨyii na, kɛ na mɨna ma ban gɨ yɔ gɨ ɗi na gey Kumu ga?

Əbɨro 6:10

Na cɨndi, Kumu na ba lɔɔ hɨnga dan̰ durɔ ɗɨngar dan̰ cɨndi. Kuduroyi kɨya hale gɨybəŋ a cay gɨye kogɨŋ gɨ kɨŋ lee kol cayi le naŋ bɨ, cay geye gɨ kɨŋ orɨn̰ kol cayi le naŋ bɨ. Kɨya wa kɨŋ gɨlii dan̰ hɨnga ga ni jɨbɨn̰ te karmɨgɨŋ ga woyge dan̰ cɨndɨge le bɨ. Bɨrɨŋ gɨsɨn̰ haw kɛ kalɨn̰ ma, kɨŋ woy te jɨbe toyge.

1 Pɨyɛr 4:9

Kuɗa gɨ waŋ waŋ kalɨn̰ ma duroygɨŋ, ƴɨma karmii ga ɨrgage gusi dɨle yamɨn̰-kɔl.

Galad 6:10

Na toy di hɨn̰ wo̰ ma, kɨɗɨn̰ ga na na waagɨŋ gɨyəŋ na, kuɗa gɨ na laagɨŋ ɗarwa dan̰ kalaŋ nɔm. Ama dan̰ karmɨna ga ka-aye kudurɔ na, laanagɨŋ danage ɗɨn̰.

Əbɨro 13:2

Ɗɔɔ gɨ kuduroygɨŋ hale gɨybəŋ a cay ƴɔmɛ kɨrge naŋ. Kɨya wa dan̰ gɨyəŋ gɨ da ƴɔmɛ kɨrge le, kalaŋ ga pɨna ƴomge ka-ƴɔbɛ ga daa nii gusɨge dɨle sɔlɛ.

1 Timote 3:2

Ɨni na, kuɗa gɨ ban wɨya na ungo gɨ masadi unɔ bɨ, tamdi na pɨnaa bɨ, ban na ungo gɨ ba ƴɔmɛ gusi osɨwa cay hɨnga bɨ, ba sɔlɛ-hɨnga ga ɗari dɨm ma kɨya lɔɔ bɨ, na ungo gɨ gɨye-lɔɔdi ƴee cɨn̰ kalaŋ bɨ, na ungo gɨ ba ƴɔmɛ kɨrge gusi kuɗa bɨ, gɨ sol gɨlɨn̰ kalaŋ hɨnga bɨ.

1 Timote 5:10

Kuɗa gɨ ɗe kalaŋ solge gɨye-lɔɔdo gɨ kuɗa bɨ. Kuɗa gɨ hɨndi aba karɨn̰aŋ bɨ, ƴɨma kalaŋ kuɗa gusoo bɨ, pɨl tɨbay kalaŋ ga da Kumu bɨ, jɨbɨ te kalaŋ ga somge duroy n̰age dɨŋ bɨ, ɗe-gusoo kɨbɨ gɨye nɔm ga kuɗa bɨ.

Matɨyo 25:35

Kɨya gɨ kurɔŋ ləŋ na, kɨŋ bəŋ hɨnga ga ni dɔɔ bɨ. Gɨmase dəŋ na, kɨŋ bəŋ kaŋ ga ni sɔ bɨ. Ɨŋ na kɨrga na, kɨŋ ƴɔmɔŋ gusɨgɨŋ bɨ.

Pilemo 1:7

Ay kurɨnɨ, leen̰ cɨndi na, kol geye kon̰ bəŋ gusi-mɔwa di gumu bɨ, jal kuduronɨ bɨ, kɨya wa hɨnga nɔm ga ji ba lee le dobɨ bandɨ kuduroy kalaŋ ga woyge dan̰ cɨndɨge.

Titɨ 1:8

Ama kuɗa gɨ ban wɨya na ungo gɨ ba ƴɔmɛ kɨrge gusi bɨ, na ungo gɨ hɨnga ga ɗari moyi lɔɔ bɨ. Ban kɨya sɔlɛ na hɨnga ga ɗari dɨm ma kɨya lɔɔ bɨ, na ungo gɨ ba lɔɔ hɨnga ga dan̰ durɔ ɗɨngar bɨ, hɨnga ga woy dan̰ cɨndɨge bɨ, ungo gɨ ba ƴɔmɛ gusi osɨwa cay hɨnga gaŋ bɨ.

2 Korɛ̰t 9:1

Leen̰ cɨndi na, uja gɨ ɨŋ gɨ wale magtubu gɨyɨn̰ bɨgɨŋ ojɨn̰ cay hɨnga ga ni jɨbɨn̰ te karme ga ni ba gey orɨn̰ bɨn̰ ka-karme ga woyge dan̰ cɨndɨge ga a cay ƴaa-di-gumu di Jerusalɛm dɨŋ naŋ.

Gɨye-lɔɔ 10:4

Kɔrney si cɨndi cay solii gəɗəɗə bɨ, hundɔrɔ leeyi bɨ, lee gɨ ban ye hɨn̰: «Na wa ga Ba-gulɔŋ?» Ba-ƴɔbɛ gɨ daa nii le yey hɨn̰: «Kumu je ɔlɛ kon̰ nɔm bɨ, gey hɨnga kan̰ nɔm ga ji ba lee dan̰ ka-n̰age le bɨ, ban halan̰ gɨybəŋ naŋ bɨ.

Gɨye-lɔɔ 4:35

beege tumoy ka-gɨre-gɨye bɨ, kan gosnɨn̰ge waŋ waŋ kalɨn̰ ma ojɨn̰ cay hɨnga ga ban or n̰agedɨge.

1 Korɛ̰t 16:15

Ay, karmɨnɨ ga ban̰aŋ dan̰ ga kandɨ, kɨŋ sol Ɛstepanas dan̰ kalaŋ ga duroy ƴaadi dɨŋ: Kɨŋ sol gɨ a cay gɨsəŋ ga Agay gaŋ le, na kan ba-aye kuduroyge cay wase bɨ ɗɔge gusɨge kɨbɨ gɨye gɨŋ ojɨn̰ cay kalaŋ ga woyge dan̰ cɨndɨge bɨ. Ɨŋ bandɨ,

Magtubu di Pol wal bɨn̰ kalaŋ ga Rɔm 12:8

Hɨn̰ gɨ Kumu na bɨn̰ ungo dɔnɔ di ni dobɨn̰ bandɨ kuduroy karmii na, kuɗa gɨ ban dɨba bandɨ kuduroyge. Hɨn̰ gɨ Kumu na bɨn̰ ungo cɨn̰-arɨn̰a di ni bee hɨnga na, kuɗa gɨ ban laa dan̰ wandɨ di cɨla. Hɨn̰ gɨ Kumu na bɨn̰ ungo cɨn̰-muɗɔlɛ gɨ ni dɔrɛ tumoy karmii na, kuɗa gɨ ban dɨra tumoyge dan̰ gusi-hɨmbalwa. Hɨn̰ gɨ Kumu na bɨn̰ ungo cɨn̰-arɨn̰a di ni sɔlɛ cɨn̰-n̰age di da kalaŋ na, kuɗa gɨ ban jɨbɨ toyge dan̰ gusi-mɔwa.

Titɨ 3:14

Kuɗa gɨ kalaŋ kana siige cɨndɨge kardi hɨnga ga ɗari gaŋ leen̰ge gɨye gɨ ɗari jɨbɨn̰ge te kalaŋ ga orɨn̰ge dan̰ n̰agedi hɨnga leen̰ cɨndi. Hɨn̰ gɨ kan na laa hɨn̰ wo̰ na, kan kɨya wɔyɛ na kalaŋ ga bɨlege hɨnga.

3 Ja̰ 1:5

Ay, ji gɨ ɨŋ lee-ton̰, ji gɨl gɨ ji naa ungo gɨ ba ɨre osɨwa a cay tɨbayi dɨŋ, kɨya gɨ kɨɗɨn̰ ga karmɨna ga ɨrgage gusɨn̰ le, ko ji na sɨlage naŋ kalɨn̰ ma, ji jɨbɨ toyge.