Magtubu di Pol wal bɨn̰ kalaŋ ga Rɔm 12:11 - Gabri Maja

¹¹ Kuɗa gɨ gusɨgɨŋ-hɨmbalagɨŋ a te gɨye gɨ da Ba-gulɔŋ gɨŋ, lɔɔgɨŋ dabɨr kɨbɨ nee naŋ. Kuɗa gɨ gɨye koyi lɔɔ ɗugoygɨŋ.

Magtubu di Pol wal bɨn̰ kalaŋ ga Rɔm 12:11 Referans Kwoze

Gɨye-lɔɔ 18:25

Ban na ungo gɨ kan gɨlige gɨyəŋ gɨ da Ba-gulɔŋ ɗeyi sol kuɗa. Ban na ungo gɨ ye kɔl dan̰ gusi hɨmbalwa. Ban tee bɛrnɛ bɨ, gɨlɨn̰ kalaŋ kɔl gɨ ojɨ cay Jesu dan̰ gɨyəŋdi gɨyəŋdi bɨ. Ama na tɔgɛ bɛrnɛ di da Ja̰ ba-lɔɔ batɛm pɨnaa ɗɔɔ ma ban sol.

1 Pɨyɛr 4:8

Tumoy hɨnga nɔm na, geygɨŋ gusɨgɨŋ duroygɨŋ dan̰ geye gɨ ɨl cum. Kɨya wa geye na hɨnga ga kɨya tɔlɛ cay ɨsɨnan̰əŋ ga dan̰ kondige.

Əbɨro 12:28

Na hɨn̰ wo̰ ma, ɗa gɨ na laan̰gɨŋ Kumu ho’o kɨya gɨ ban bɨna dɔɔ-ƴaa di osu di kɨya yɨbagdaŋ naŋ. Kuɗa gɨ na laan̰ Kumu ho’o, laan̰ gɨye bii dan̰ gɨyəŋ gɨ kɨya ƴɔɔ-cɨndi, dan̰ dɔbɛ caa bɨ, bɔgɛ kɔl bɨ.

Epɛs 4:28

Kuɗa gɨ ungo gɨ tumɔ na ba hase le, hase naŋ ɨni, ama laa gɨye gɨ kuɗa dan̰ kobi, ɗe ban wan̰ hɨnga ga ni bɨn̰ kalaŋ ga orɨn̰ dan̰ n̰agedi hɨnga.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

Gɨye-lɔɔ 20:19

Ɨŋ lee gɨye gɨ da Ba-gulɔŋ dɨle dogɨn̰ jorgɨnɨ bɨ, dan̰ ɨle bɨ, duroy cɨn̰-n̰age dɨŋ bɨ, kɨya wa Jubɨ ga pɨna boyge kolnɨ gɨ ni looŋ ɨsɨna.

Matɨyo 24:12

Wandɨ da kalaŋ dan̰ kondɨwayge kɨya jalɨwa lɔgɨ lɔgɨ coŋ, kɨya cay hɨnga ga ɨsɨni ga or dan̰ cɨndɨge jɨn̰ tumɔ tumɔ.

1 Timote 5:13

Ɗaŋ coŋ, kɨɗɨn̰ ga gɨye gɨ kan kɨya lɔɔ na unɔ na, ayge na te gɔrɛ kɨbɨ kalaŋ. Ama gɨ ɨsɨn ɗɨn̰ gɨ nee le na, kan na ka-hurɔɗɛ-kɔl bɨ, ka-sɔlɛ game kɔl kuduroyge naŋ bɨ, ka-yɔɔ-kɔl gɨ wɨyan̰ gɨ ni yɔ naŋ bɨ.

Wasɨn̰a 2:4

«Ama hɨnga ga ɨŋ gey danagɨŋ cay nee naŋ na, na ɗɔɔ gɨ kɨŋ ɗe geye kogɨŋ gɨ cay wase coŋ.

Kɔlɔs 4:1

Ay kɨŋ ka-gulɔŋ gɔyɔŋ, laan̰gɨŋ gɔyɔŋ kagɨŋ dan̰ tɨwa nɔm, hɨnga ga dan̰ durɔ ɗɨngar bɨ, hɨnga ga ɓadɨldɨn̰ dɛj dɛj bɨ. Halegɨŋ gɨybəŋ gɨ kɨŋ-gandi kalɨn̰ ma kɨŋ naa gɔyɔŋ ga da Ba-gulondɨgɨŋ gɨ woy a gɨɗɨgɨ-Kumu gɨŋ naŋ bɨ.

1 Korɛ̰t 7:22

Ungo gɨ tumɔ na guyɔŋ pa dɨm ma Kumu teey ƴee le, bɨləŋ na ungo gɨ da Ba-gulɔŋ gɨ som cay-kalɨn̰. Ungo gɨ tumɔ som cay-kalɨn̰ pa dɨm ma Ba-gulɔŋ teey ƴee le, bɨləŋ na guyɔŋ gɨ da Kɨris.

Matɨyo 25:26

Ama ba-gulondi le jɨga dɨbii cay nee yeyi hɨn̰: “Ji na guyɔŋ gɨ ɨsɨni bɨ, ba-dabɨr bɨ. Ji sol gɨ ɨŋ na ungo gɨ ɨŋ wal gasa ga ɨŋ gɨsɨ naŋ bɨ, ba daye cay gasa a boy yage gɨ ɨŋ bɨga gasi gɨse nee naŋ bɨ.

Magtubu di Jag wal 5:16

Tɨragɨŋ te ɨsɨna kogɨŋ bɨn̰ gusɨgɨŋ bɨ, ulagɨŋ Kumu kɨya cay gusɨgɨŋ ɗe gɨ hɔmɨn̰ɛ duroŋ gusɨgɨŋ coŋ bɨ. Ɔlɛ Kumu gɨ ye man̰ gɨ da ungo gɨ dan̰ durɔ ɗɨngar le, orɨn̰ dan̰ dɔnɔ tɔgɨ.