Pilib 4:5 - Gabri Maja

⁵ Kuɗa gɨ kalaŋ nɔm sɨlage kaledɨgɨŋ ga jali. Ba-gulɔŋ baa mɨnde.

Pilib 4:5 Referans Kwoze

Matɨyo 6:25

«Sɨlagɨŋ na kɨya cay kɔl gɨ nee le ma maŋ yəgɨŋ hɨn̰: Sɔlɛgɨŋ kɨya cay hɨnga ga ni dɔɔ poɗɨn̰ bɨ, sɔ poɗɨn̰ bɨ, badɨge ga ni tɔbɛ tolɨn̰ gusɨgɨŋ bɨ naŋ. Habe gɨ kɨŋ somɨn̰-bɨra le, ɗɨn̰ hɨnga ga ni dɔɔ bɨ, kuyoŋdi-gusɨgɨŋ kalɨn̰ ma, ɗɨn̰ badɨge bɨ naŋ ga?

Titɨ 3:2

Ji hɨn kuduroyge gɨ kan naa yagɨde ungo naŋ bɨ, wɔrɨn̰dɨdɛ dan̰ kalaŋ naŋ bɨ, ɗe kan na bɨlɨn̰ge ka-kuduroy-ɗarwa bɨ, gɨlɨn̰ge gɨye-lɔɔdɨge gɨ dan̰ kaledɨge ga jal tumoy kalaŋ nɔm.

Əbɨro 10:37

Kɨya wa Magtubu di da Kumu ye hɨn̰: «Baa tɨwa lam wo̰ ƴee, baa lam wo̰ ƴɔbɨ na, Ban gɨ ojɨ gɨ kɨya ɨrga le, kɨya caga. Ban kɨya aye cayi naŋ.

1 Pɨyɛr 4:7

Wɔlɛ gɨ te hɨnga nɔm kɨya ayaŋ le woy mɨnde. Na toy di hɨn̰ wo̰ ma sɨmagɨŋ dan̰ cɨn̰-muɗɔlɛ bɨ, ƴɨmagɨŋ gusɨgɨŋ usa a cay hɨnga nɔm bɨ, ɗe gɨ agɨŋ ɓal olɨn̰ Kumu dan̰ tɨwa nɔm.

1 Korɛ̰t 6:7

Leen̰ cɨndi na kɔl gɨ woy duroygɨŋ le, gɨl doŋ gɨ kɨŋ naa kalaŋ ga gabaŋ ɨni. Na kɨya wa ma magɨŋ ƴɨma kuduroygɨŋ kɨya cay hɨnga ga dan̰ gɨyəŋdɨge naŋ gɨ kalaŋ leege danagɨŋ le naŋ ga? Na kɨya wa ma magɨŋ ɗa gɨ kan buɗa hɨnga kagɨŋ naŋ ga?

Əbɨro 10:25

Na ɗɔɔ ba ɗɔɔ kɨɗɨn̰ dayaŋ kana coŋ naŋ, hɨn̰ gɨ kalaŋ ga pɨna ba sunoŋge toy nee wo̰. Ama dɨbanagɨŋ bandɨ kuduroy gusɨnagɨŋ, kɨya wa kɨŋ sol wɔlɛ gɨ da Ba-gulɔŋ wɨyga mɨnde ɨni.

Wasɨn̰a 22:7

Jesu ye hɨn̰: «Sɨlagɨŋ, ɨŋ tɨlga mɨnde nee. Tumoy wolwa woy kol cay ungo gɨ ba game kɔl gɨ Kumu ba-yɔɔ gɨ woy a duroy magtubu di kɛ dɨŋ le.»

1 Korɛ̰t 8:13

Na toy di hɨn̰ wo̰ ma, hɨn̰ gɨ hɨnga ga ni dɔɔ naa hɨnga ga kɨya lɔɔ gɨ kurɨnɨ na kɨya bɔɔ boy ɨsɨna gɨŋ na, ɨŋ kɨya dɔɔ kuyoŋ gɨ nee le naŋ bɨrɨŋ dan̰ cɨnɨ, kuɗa ɗɨn̰ gɨ ni lɔɔ gɨ kurɨnɨ gɨ bɔɔ.

Matɨyo 6:34

Hɨn̰ wo̰ na, kɨŋ ɗɔɔ ba sɔlɛ kɨya cay wɔlɛ gɨ wan̰do: Wɔlɛ gɨ wan̰do le kɨya sɔlɛ cay gusi koyi gɨŋ. Tabe gɨ ojɨ cay wɔlɛ gɨ labɨde le, ɓal cay wɔlɛ gɨ labɨde.

Wasɨn̰a 22:20

Jesu ba lɔɔ tɨmon̰ di da kɔl nɔm gɨ da hɨnga ga kɛ le ye hɨn̰: «Ho’o, ɨŋ tɨlga mɨnde nee.» Ɗa-ɗe-woy-hɨn̰-wo̰! Marana ta, Ba-gulɔŋ Jesu, ɨre.

1 Pɨyɛr 1:11

Turnɔ di da Kɨris di woy kuduroyge le gɨlge gɨle-cɨn̰ da Kɨris tumɔ haa bɨ, gusoŋ-tɔgɛ gɨ ban ba kɨya wɔɔ kardi gɨle-cɨn̰ di nee dɨŋ le bɨ. Kan malge toyi gɨɗaŋ kɨya solɨn̰ge gɨ hɨnga nɔm ga nee le na kɨya ɨrga naa dan̰ wɔlɛ gɨ ani gɨŋ bɨ, dan̰ gɨyəŋ gɨ mɨna bɨ ga?

1 Korɛ̰t 9:25

Ka-bɔgɛ sɨwa ga ani ani kalɨn̰ ma kɨɗɨn̰ ga kan ɨre pol gusɨge ƴee le, dan̰ gusɨge koge dobɨge cayge te gasaŋ ga osɨdəŋ osɨdəŋ. Kan leege hɨnga ga nee le na kɨya wan̰ gɔyɛ di kɨya mundoŋ haw wo̰ coŋ. Ama na-gandi na, na bee sɨwa na kɨya wan̰ jagɨwa-tɨrɨmbala di kɨya mundoŋ naŋ bɨrɨŋ.

2 Tesalonigɨ 2:2

Hɨn̰ gɨ ungo na ya hɨn̰ wɔlɛ gɨ da Ba-gulɔŋ na bugoŋ ɨni na, kɨŋ ɗɔɔ caygɨŋ bɨrɨn̰e cɛd naŋ bɨ, hundɔrɔgɨŋ naŋ bɨ. Bɔgɛgɨŋ kuduroygɨŋ cay kɔl koyi gɨŋ naŋ, ko ban na ya gɨ ɗi na ye naa kɔl gɨ Kumu ba yɔ, wala na duroy tɔgɛ bɛrnɛ dɨŋ. Ko kan na gɨlgɨŋ magtubu hɨn̰ ni-gandi naa ba wale wo̰ kalɨn̰ ma, ɨrɨmegɨŋ gɨ naa ni-gandi naŋ.

Kɔl-gɨ-Ɗari gɨ Lug wal 21:34

«Ɗagɨŋ muɗɔlɛ cay gusɨgɨŋ. Ɗɔɔgɨŋ gɨ ɨrɨme kol hɨnga ga kɨŋ gey dan̰ wɔlɛ pɨna pɨna, lɔɔ gɨ kɨŋ hale gɨybɨŋ cay caga hɨnge ɨŋ-bandi Kurɨn̰-ungo le naŋ. Naŋ na, ɨŋ kɨya andaŋ caygɨŋ dus.

1 Korɛ̰t 16:22

Hɨn̰ gɨ ungo na gey Ba-gulɔŋ naŋ na, ɗa gɨ ɓɨse ƴɨma cayi! Marana ta, Ba-gulondɨna ɨre.

2 Korɛ̰t 10:1

Ɨŋ-bandi Pol gɨ kalaŋ yege kol canɨ gɨ kɨɗɨn̰ ga ɨŋ na wɨya duroygɨŋ na ɨŋ na dobɨ canɨ dugo, ama kɔl hɨnge na osu kɨɗɨn̰ ga ɨŋ na wɨya hen̰ danagɨŋ. Ɨŋ olgɨŋ dan̰ guson̰ Kɨris gɨ ba lɔɔ ɗarwa bɨ, gɨ kaledi jal yɔd bɨ: