Pilib 2:21 - Gabri Maja

²¹ Kalaŋ nɔm malge na hɨnga ga kɨya ɨrgan̰ dan̰ ɗarwa di da kuyoŋdi-gusɨge koge ƴɔbɨ, ama na hɨnga ga kɨya ɨrgan̰ dan̰ ɗarwa kol cay Jesu-Kɨris naŋ.

Pilib 2:21 Referans Kwoze

1 Korɛ̰t 10:24

Ɗɔɔ gɨ waŋ waŋ kalɨn̰ ma male hɨnga ga ojɨ cay ɗarwa di da kuyoŋdi-gusi koyi ƴɔbɨ naŋ, ama mala na hɨnga ga ojɨ cay ɗarwa di da kamdi dɨm.

Matɨyo 16:24

Kardi nee na, Jesu yen̰ ka-aye-cay-tɨbayi hɨn̰: «Hɨn̰ gɨ ungo na gey aye-cay-tɨbanɨ na, kuɗa gɨ ban aya gusi dɨbɨ coŋ, ayan̰ sɨya-gɨ-dagɨli gɨ kan gagɨlɨn̰ge ungo gɨ kɔl ƴom cayi nee yanan̰ gusi kɨya dogɨn̰ nerɨn̰ bɨ, marɨn̰ bɨ.

Pilib 2:4

Ɗɔ gɨ waŋ waŋ kalɨn̰ ma se cɨndi kardi hɨnga ga ojɨ cayi toyi ƴɔbɨ naŋ, ama kuɗa gɨ ban si cɨndi ujan̰ cayi hɨnga ga da kamdi bɨ.

2 Timote 3:2

Kɨya wa kalaŋ kɨya bɨləŋge ka-kɨndare bɨ, kɨya lɔɔge te gursu tɔgɨ bɨ, kɨya gɨlege gusɨge bɨ, kɨya dɔgɛge-jorgɨyge bɨ, kɨya yagɨdege Kumu bɨ, kɨya bɨlege ka-baa ga da ka-wɔɔdɨge bɨ, kɨya sɔlɛge ɗarwa di ungo lee danage naŋ bɨ, kɨya hundɔrɔge kardi hɨnga ga woy dan̰ cɨndɨge ojɨn̰ cay Kumu naŋ bɨ.

1 Korɛ̰t 10:33

Na toy di hɨn̰ wo̰ ma ɨŋ-bandi kalɨn̰ ma ɨŋ ƴom gusɨnɨ osu leen̰ hɨnga nɔm ɗe na mon̰ kalaŋ le. Kɨya gɨ ɨŋ mal na hɨnga ga da ɗarwa tɨnge naŋ ama na ɗarwa di da kalaŋ ga dan̰ kondiige, ɗe kan na poɗɨn̰ge.

1 Korɛ̰t 13:5

Ban laa hɨnga ga wɨyan̰ lɔɔ naŋ, naŋ bɨ, ban ɨrɨm na a cay gusi koyi gɨŋ ƴɔbɨ naŋ bɨ, ban laa kuduroy-hɔmɛ haw naŋ bɨ, ban ƴɨma kɔl gɨ ɨsɨni gɨ karmii lee danayi kuduroyi naŋ bɨ.

Kɔl-gɨ-Ɗari gɨ Lug wal 14:26

«Hɨn̰ gɨ ungo na gey ɨrga gusɨnɨ ma na gey bayi dan̰ ƴoyi bɨ, tamdi dan̰ karɨndi bɨ, karmii ga ban̰aŋ dan̰ ga kandɨ bɨ, gusi koyi gaŋ bɨ ɗəŋ coŋ na, kɨya ɓale bɨle ba-aye-cay-tɨbanɨ naŋ.

2 Timote 4:10

Kɨya wa Demas ɗəŋ coŋ, kɨya hɨnga ga cay gɨsəŋ gaŋ ga haw kɛ le moyi tɔgɨ, lee gɨ ban tolɨn̰ Tesalonigɨ. Bɨ Kərəsa̰s tol Galasi bɨ, Titɨ tol Dalmasi bɨ,

2 Korɛ̰t 1:5

Hɨnga ga ni gɨle-cɨn̰ ga da Kɨris usugoŋ cayna. Kɨris lee gɨ dɔbɛ bandɨ di ɗɨn̰ usugoŋ cayna hɨn̰ wo̰ bɨ.

2 Timote 4:16

Wɔlɛ bɔyɛ kɔl hɨnge gɨŋ gɨ cay wase gɨ ɨŋ dorɨn̰ kɔl ƴen̰ canɨ le, ungo pɨna wo̰ ɨra karɨnɨ naŋ, ama kan nɔm ɗəŋge coŋ. Kuɗa gɨ Kumu ɗɔɔ kɔl gɨ nee le ƴɔmɛ cayge naŋ.

Gɨye-lɔɔ 15:38

Ama Pol gey gɨ Marg na gɨ ɔrɛ danage naŋ, kɨya wa ban na ungo gɨ tumɔ ɗege coŋ, a cay gɨsəŋ ga Pampili gaŋ bɨ, bɨgage a kɨɗɨn̰ gɨye koge gɨŋ naŋ bɨ.

Gɨye-lɔɔ 13:13

Pol dan̰ kalaŋ ga danayi nayge boy koburo gɨ gumu taa taa gɨŋ, ayɨn̰ toy a cay ƴaa di Papos gan̰ge kuray bɨrɨŋ orɨn̰ bugoŋge a cay ƴaa di Pɛrjɨ, di woy a cay gɨsəŋ ga Pampili gaŋ. Ja̰ Marg ɗege a kɨɗɨn̰ ga nee gaŋ le, bɨlɨn̰ cayi jogɨn̰ a cay ƴaa-di-gumu di Jerusalɛm dɨŋ.

2 Timote 1:15

Hɨn̰ gɨ ji ba sol le, kalaŋ ga a cay gɨsəŋ ga Aji nɔm ɗəŋge coŋ. Pijɛl dan̰ Ɛrmojɛn na danage bɨ.