Marg 7:4 - Gabri Maja

⁴ Kɨɗɨn̰ ga kan na sa te sugu dɨŋ na, kɨya pɨlege gusɨge dan̰ gɨyəŋ gɨ da hada pa dɨm ma kɨya dɨn̰ge dɔɔ ƴee. Kan kobɨge te hada ga ɗaŋ kondɨ, hɨn̰ pɨle kobon̰əŋ, dan̰ tagɨlɨn̰n̰əŋ, dan̰ ɨmbɨlɨn̰n̰əŋ ga leege dan̰ nare gɨ ni kɨwɨbɨr, dan̰ [gasɨlaŋn̰əŋ bɨ, dan̰ gɨyəŋ gɨ da hada ɗe arɨn̰.]

Marg 7:4 Referans Kwoze

Əbɨro 9:10

Gɨyəŋdi n̰ɨre gɨ nee le, ojɨ na cay hɨnga ga ni dɔɔ bɨ, hɨnga ga ni sɔɔ bɨ, pɨle gusɨn̰ gɨ toyi kan̰di kan̰di gɨ dorɨn̰ kalaŋ mɨra ƴɔbɨ bɨ. Hada di nee le ojɨ na cay hɨnga ga ni kuyoŋdi-gusi ungo doŋ kɛ ƴɔbɨ bɨ, kan kɨya loon̰ gɨye bɨrɨŋ gɨsɨn̰ tɨwa di Kumu kɨya bɨle te hɨnga ga nee le.

Matɨyo 23:25

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa, gɨ kɨŋ pɨl kardi jamkaŋ kagɨŋ, ga ni son̰ kaŋ bɨ, ungo togɨŋ di ni doon̰ hɨnga bɨ, arɨn̰ cərərə. Ama duroy jamkaŋ kagɨŋ bɨ, ungo togɨŋ bɨ, wandɨn̰ dan̰ hɨnga ga ni hase kagɨŋ bɨ, tabɨlaŋ di hɨnga ga ɨsɨn bɨ, daa jɨŋ jɨŋ.

Magtubu di Jag wal 4:8

Sɨygɨŋ mɨnde gusi Kumu bɨ, ban kalɨn̰ ma kɨya sɨygɨ mɨnde gusɨgɨŋ bɨ. Kɨŋ ka-lɔɔ ɨsɨna le, ɨsɨbegɨŋ ɨsɨna naŋ ɨni. Kɨŋ ga kuduroygɨŋ sɔɔ sɔɔ le, pɨlgɨŋ cay ɗugoygɨŋ ɗe arɨn̰ cərərə.

Kɔl-gɨ-Ɗari gɨ Ja̰ wal 2:6

Kan ɗege ɨmbɨlɨn̰n̰əŋ ga gɨmdəŋ gɨmdəŋ won̰ jii ga ni bogɨn̰ kaŋ, a kɨɗɨn̰ ga nee gaŋ. Ɨmbɨlɨn̰ le kan leege na dan̰ garma bɨ, kan beege na kaŋ ga Jubɨn̰əŋ dorɨn̰ gusɨge mɨra nee. Ɨmbɨlɨn̰ pɨna na kuduroy ɓal ƴɔɔ litɨr toy-margɨm naŋ le aru.

1 Ja̰ 1:7

Ama hɨn̰ gɨ na na guragɨŋ a duroy asɨn̰a dɨŋ hɨn̰ gɨ ban kalɨn̰ ma na asɨn̰a wo̰ bɨ na, na sol leen̰ cɨndi gɨ na na bugoŋgɨŋ pɨna duroyna dan̰ gusɨnagɨŋ bɨ, kɨbardi Kurondi Jesu dornagɨŋ mɨra te ɨsɨna konagɨŋ gɨŋ nɔm bɨ.

Matɨyo 27:24

Kɨɗɨn̰ ga Piladɨ sol gɨ kɔl koyi na andaŋ hɨnga bii naŋ, ama kalaŋ geyge dɨbe do̰ ɨni na, ban ay kaŋ bɨ pɨlɨn̰ kobi cɨn̰ dɨmdɨrdi kalaŋ bɨ, ye hɨn̰: «Kɨbardi ungo gɨ nee le gɨ bɔɔ canɨ naŋ. Na kɔl kogɨŋ kɨŋ-gandi hagɨŋ!»

Kɔl-gɨ-Ɗari gɨ Ja̰ wal 3:25

Ɨni na, ka-aye-cay-tɨbayi Ja̰ man̰ge kɔl dan̰ Jubɨ gɨ pɨna wo̰, ojɨn̰ cay gɨyəŋ di dorɨn̰ gusu mɨra gɨ da Jubɨn̰əŋ.

Matɨyo 23:26

Ji Parɨsɨn̰a gɨ ba-bɨbe! Pɨl duroy jamkaŋ ga ni son̰ kaŋ, pa dɨm ma kardi nee kardɨge kɨya arɨn̰a cərərə bɨ ƴee.

Marg 7:8

Kɨŋ ɗe te tumɔ ga da Kumu coŋ bɨ, kobɨn̰ te hada ga da kalaŋ.»