Marg 2:8 - Gabri Maja

⁸ Kɔl gɨ kɨbɨna kɛ bɨ Jesu sol ɨrɨme kɔl koge, lee gɨ ban yege hɨn̰: «Na kɨya wa ma magɨŋ ɨrɨm hɨn̰ wo̰ kuduroygɨŋ ga?

Marg 2:8 Referans Kwoze

Gɨye-lɔɔ 8:22

Bɨl kardɨn̰ bɨn̰ kuduroy ɨsɨna kon̰ bɨ, ula Kumu Ba-gulɔŋ bɨ. Gajanaŋ ban kɨya ɗɔɔ kuduroy jalɨwa a cay hɨnga ga ji ba ɨrɨm gɨ ni lɔɔ le.

Gɨye-lɔɔ 5:3

Ɨni na, Pɨyɛr ɨngri yeyi hɨn̰: «Ananɨyas, na kɨya wa ma mɨn̰ lee hɨnga ga Sidan yen̰ le ga? Kɨya wa ma mɨn̰ yen̰ Turnɔ ɗe-kuduroy-bɛrɛ poy bɨ, mɨn̰ dor kɨbɨ gursu da kɨɗɨn̰ le wosɨ kɨwa dugo ga?

Kɔl-gɨ-Ɗari gɨ Ja̰ wal 6:64

Ama kan ga pɨna duroygɨŋ bɨgage kuduroyge canɨ naŋ.» Jesu yege hɨn̰ wo̰, na kɨya gɨ ayɨn̰ toy a te gɨye koyi gɨŋ le, ban sol kuduroyi ɨni, kan ga kɨya bɔgɛ kuduroyge cayi naŋ bɨ, sol ungo gɨ ba kɨya aye cayi bɨ.

Kɔl-gɨ-Ɗari gɨ Lug wal 24:38

Ama Jesu yege hɨn̰: «Kɨya wa ma ɗugoygɨŋ algɨŋ hɨn̰ wo̰ ga? Kɨya wa ma magɨŋ ɨrɨm kɔl kuduroygɨŋ sɔɔ sɔɔ hɨn̰ wo̰ ga?

Kɔl-gɨ-Ɗari gɨ Lug wal 6:8

Ama Jesu sol ɨrɨme koge gɨ a kuduroyge nɔm. Na toy di hɨn̰ wo̰ ma ban yen̰ dan̰ bara gɨ kobi ma le ye hɨn̰: «Sa daa, ɨre ɨr duroyni kɛ.» Bara le de say ɨre daa.

Kɔl-gɨ-Ɗari gɨ Lug wal 5:22

Ama Jesu sol ɨrɨme kɔl koge lee gɨ ban yege hɨn̰: «Na kɨya wa ma magɨŋ ɨrɨm hɨn̰ gɨ ɨŋ na yagɨde naa Kumu ga?»

Matɨyo 9:4

Jesu sol ɨrɨme koge lee gɨ ban yege hɨn̰: «Na kɨya wa ma magɨŋ ɨrɨm ɨrɨme gɨ ɨsɨni a kuduroygɨŋ ga?

Əbɨro 4:13

Hɨnga nɔm ga Kumu si le, pɨna wo̰ ga wosɨ gusɨge cɨndi wo̰ unɔ. Hɨnga nɔm woy cɨn̰-tɨwa dɨŋ ɗen̰ ɗen̰ cɨndi bɨ, tɨla gusɨge cɨndi naŋ bɨ. Na ban ma ojɨ gɨ na kɨya dɔrɛ kardi gɨye-lɔɔdɨna bii bɨ.

Kɔl-gɨ-Ɗari gɨ Ja̰ wal 21:17

Jesu yey gɨ ni tɨba sɨbɨdi yeyi hɨn̰: «Simo kurɨn̰ Ja̰, kɛ ji geyəŋ ga?» Pɨyɛr gusi moyi naŋ, kɨya ɨngɨre gɨ Jesu ɨngɨri gɨ ni tɨba sɨbɨdi gɨŋ yeyi hɨn̰: «Kɛ ji geyəŋ ga le?» Bɨ ban jɨga dɨbi cay nee yeyi hɨn̰: «Ba-gulɔŋ, ji sol hɨnga nɔm, ji sol kuɗa gɨ ɨŋ geyɨn̰.» Ɨni na, Jesu yeyi hɨn̰: «Hɨn̰ wo̰ na, ji gama gamge kange.

Marg 7:21

Kɨya wa ɨrɨme ga ɨsɨni bɨ, gɨye lɔɔ gɨ da yɔyɛ dan̰ gangɨ caa bɨ, hase bɨ, dɨɗe ungo bɨ, yɔyɛ tama di ɗaŋ wala bara gɨ ɗaŋ bɨ, lɔɔ te gursu bɨ, lɔɔ terɨn̰ bɨ, lɔɔ jɨba bɨ, yɔyɛ gorɨn̰ daa bɨ, cɨn̰-pɨɗɨma bɨ, yagɨde kɨɗɨn̰ bɨ, dɔgɛ-jɔrgɔ bɨ, yɔɔ kɔl ga ni dɨngale bɨ, saygage na ɗugoy ungo bɨ, kuduroyi bɨ.

Wasɨn̰a 2:23

Ɨŋ kɨya ɗɔɔ tɨma dɨɗe karɨndo. Na hɨn̰ wo̰ ma, Ka-Daye nɔm kɨya sɔlɛge gɨ ɨŋ naa ba kɔbɛ te ɨrɨme bɨ, tabɨlaŋdi hɨnga ga woy a kuduroy kalaŋ bɨ, kɨya sɔlɛge gɨ ɨŋ na bɨn̰ ungo gɨ ani ani naa hɨnga ga ojɨ cayi ɓalɨn̰ dan̰ gɨye-lɔɔdi.

Matɨyo 12:15

Jesu je kɔl gɨ nee le ɨni na, dor gusi a kɨɗɨn̰ ga nee gaŋ bɨ, dɨmdɨrdi kalaŋ kobɨge kardi. Ban poɗɨ kalaŋ ka-hɔmɨn̰ɛ nɔm.

Matɨyo 16:7

Ɨni na, kan ɨrɨmge kuduroyge yege hɨn̰: «Gajanaŋ, ma na kɨya cay mapa gɨ na aya kobɨnagɨŋ naŋ le.»

Marg 2:7

«Kɨya wa ma gɨlmi gɨ kɛ le ye kɔl hɨn̰ wo̰ ga? Ban yagɨde na Kumu. Ungo gɨ Kumu si le kɨya ɓale dɔrɛ ɨsɨna gɨ da ungo naŋ. Na Kumu pɨna hayi kəɗ kəɗ ba orɨn̰ dan̰ dɔnɔ di ni dorɨn̰ ɨsɨna.»

Marg 2:9

Yon̰ ba mɨraye: “Ɨsɨna kan̰ duroŋ can̰ coŋ le.” Hɨmbaɗɨ ɗɨn̰ yɔɔ hɨn̰: “Sa daa aya gasɨlaŋ-jala kan̰ bɨ ɨran̰ daa.”