Marg 1:4 - Gabri Maja

⁴ Na toy di hɨn̰ wo̰ ma, Ja̰ ba-lɔɔ batɛm andaŋ dus duroy daldɨŋ bɨ, teen̰ bɛrnɛ bɨn̰ kalaŋ yege hɨn̰: «Bɨlgɨŋ gɨye-lɔɔdɨgɨŋ bɨ, laagɨŋ batɛm bɨ, Kumu kɨya ɗɔɔ kuduroy jalɨwa a cay ɨsɨna kogɨŋ gɨŋ nɔm.»

Marg 1:4 Referans Kwoze

Kɔl-gɨ-Ɗari gɨ Ja̰ wal 3:23

Ja̰ kalɨn̰ ma ɨre leen̰ kalaŋ batɛm a Eno̰, di woy mɨnde dan̰ Salim. Kɨya wa a kɨɗɨn̰ ga nee gaŋ le, kaŋ kondɨ nee. Kalaŋ ɨrgage gusi bɨ, ban leege batɛm bɨ.

Matɨyo 3:6

Kan torge te ɨsɨnan̰əŋ kage daa tumoy kalaŋ bɨ, Ja̰ leege batɛm duroy kuray gɨ Jurdḛ gɨŋ.

Kɔl-gɨ-Ɗari gɨ Lug wal 1:77

Kɨya leen̰ gɨ ɗe kalaŋ kayi na sɨlan̰ge Gɨ ban na ɨrgan̰ naa dan̰ pɔɗɛ, Kɨya cay kuduroyi ga ban ɗe jal A cay ɨsɨnan̰əŋ gaŋ.

Gɨye-lɔɔ 22:16

Haw kɛ na, ji gam na wa coŋ ga? Saa daa ɨra ɗa ɗe kan leen̰ge batɛm. Bɨ dan̰ gɨyəŋ gɨ da dɔnɔ di da guson̰ Jesu na ɨsɨna kon̰ kɨya duroŋ can̰ coŋ.”»

Gɨye-lɔɔ 10:37

Kɨŋ sol hɨnga ga ba lee gusɨge ƴen̰ kɨɗɨn̰ a cay gɨsəŋ ga Jude gaŋ nɔm, ayɨn̰ toy a cay gɨsəŋ ga Galile gaŋ kardi batɛm di Ja̰ ba tee bɛrnɛdo le, kuɗa.

Matɨyo 3:11

Ɨŋ-bandi na, ɨŋ leegɨŋ batɛm na dan̰ kaŋ ɗe gɨl gɨ kɨŋ na bɨle gɨye-lɔɔdɨgɨŋ. Ama ban gɨ tɨlga karɨnɨ nee le, dɔnɔdi ɗəŋ bɨrɨŋ gɨ ɨŋ ɓala gɨ ni pɨndɨre gangɨdi gɨyabe ga a tɨbayi coŋ naŋ. Ungo gɨ nee le ba kɨya loogɨŋ batɛm dan̰ Turnɔ ɗe-kuduroy-bɛrɛ bɨ, dan̰ tɨwa bɨ.

Marg 1:5

Kalaŋ ga a cay gɨsəŋ ga Jude gaŋ nɔm bɨ, ga a cay ƴaa-di-gumu di Jerusalɛm dɨŋ nɔm bɨ, orge gusii. Lee gɨ Ja̰ leege batɛm duroy kuray gɨ Jurdḛ gɨŋ, kɨɗɨn̰ ga kan torge te ɨsɨna koge nɔm daa tumoyi kalaŋ bɨ.