Kɔl-gɨ-Ɗari gɨ Lug wal 7:16 - Gabri Maja

¹⁶ Kan nɔm turnoyge gɨre kayaŋ bɨ hɨramge Kumu yege hɨn̰: «Ba-yɔɔ-kɔl-gɨ-Kumu-ba-yɔɔ gɨ gumu gɨ pɨna caga duroyni kɛ!» Bɨ kan yege ɗaŋ coŋ hɨn̰: «Kumu ɨrga jɨbɨ te kalaŋ kayi!»

Kɔl-gɨ-Ɗari gɨ Lug wal 7:16 Referans Kwoze

Kɔl-gɨ-Ɗari gɨ Lug wal 7:39

Kɨɗɨn̰ ga Parɨsɨn̰a gɨ ba mɔlɛ Jesu sol hɨnga ga nee le na, ban ɨrɨm kuduroyi hɨn̰: «Hɨn̰ gɨ ungo gɨ nee le, naa ba-yɔɔ-kɔl-gɨ-Kumu-ba-yɔɔ leen̰ cɨndi na, ban ni kɨya sɔlɛ tama di ɗe əsɨbi le gɨye-lɔɔdo bɨ, ni kɨya sɔlɛ hɨn̰ gɨ naa tama di ɗe-lɔɔ ɨsɨna bɨ.»

Matɨyo 9:8

Kɨɗɨn̰ ga dɨmdɨrdi kalaŋ solge hɨnga ga nee le na, hundɔrɔ gɨ gumu leege bɨ, kan hɨramge Kumu kɨya gɨ ban bɨn̰ kalaŋ dɔnɔ di hɨn̰ wo̰ bɨ.

Kɔl-gɨ-Ɗari gɨ Lug wal 1:68

«Ba-gulɔŋ, ban na Kumu gɨ da te wɨn̰je gɨ da Ɨsɨrayɛl, Kuɗa gɨ kalaŋ hɨramayige! Kɨya wa ban ɨrga jɨbɨ te kalaŋ kayi bɨ, Ban ɨrga pɨndɨrge ɗege daa bɨ.

Kɔl-gɨ-Ɗari gɨ Lug wal 5:26

Kan nɔm ga ba ɨrege nee le kɔl kayge yɔd bɨ, hundɔrɔ gɨ gumu leege bɨ. Kan hɨramge Kumu yege hɨn̰: «Hɨnga ga ni ba sol labɨde le, ɗɨn̰ cayni.»

Kɔl-gɨ-Ɗari gɨ Lug wal 2:20

Bɨ ka-ame gamge le jogɨge dan̰ kɨra kɨbɨge dɨbɨn̰ge gusoŋ-tɔgɛ a cay Kumu bɨ, hɨramige kɨya cay hɨnga nɔm ga kan je koldɨge dan̰ sɨmayige bɨ, ga kan solge dan̰ cɨndɨge bɨ, hɨn̰ gɨ ba-ƴɔbɛ gɨ daa nii ba yege le.

Kɔl-gɨ-Ɗari gɨ Lug wal 1:65

Kɨɗɨn̰ ga nee le, hundɔrɔ lee kalaŋ ga durdɨge nɔm bɨ, kalaŋ dorge na kol hɨnga ga nee le, ƴen̰ cay gɨsəŋ ga Jude ga garman̰əŋ woy nee.

Matɨyo 21:11

Ɨni na, dɨmdɨrdi kalaŋ dɨbɨgege cay nee yegege hɨn̰: «Na Jesu ba-yɔɔ-kɔl-gɨ-Kumu-ba-yɔɔ, gɨ sayga Najarɛt di woy a cay gɨsəŋ ga Galile gaŋ.»

Matɨyo 15:31

Lee gɨ kɨɗɨn̰ ga dɨmdɨrdi kalaŋ solge ka-tɨge ga yege kɔl bɨ, solge kalaŋ ga kobɨge naŋ le, tɨbayge puydoŋ jɨga bɨləŋ ban̰di nee kuɗa bɨ, ka-ɔrɛ modo ga orge dan̰ durɔ bɨ, solge ka-bɨbe jɨgage sol kɨɗɨn̰ bɨ ɨni na, turnoyge gɨre kayaŋ tɔgɨ bɨ, kan hɨramge Kumu gɨ da Ɨsɨrayɛl bɨ.

Galad 1:24

Lee gɨ kan hɨramge Kumu kol canɨ.

Gɨye-lɔɔ 5:5

Kɨɗɨn̰ ga Ananɨyas je kɔl gɨ nee le ɨni na, ban baa gɨrɨj ma. Bɨ kalaŋ nɔm ga ba jege koldi le, hundɔrɔ gɨ gumu leege.

Kɔl-gɨ-Ɗari gɨ Ja̰ wal 9:17

Ɨni na, Parɨsɨn̰an̰əŋ ɨngɨrɨn̰ge ba-bɨbe le ɗaŋ coŋ, yege hɨn̰: «Kɛ, ji-bandi, ji ye kon̰ na wa a cay ban gɨ ba haŋge cɨndɨn̰ le ga?» Ɨni na, ban jɨga dɨbɨge cay nee yege hɨn̰: «Ban na ba-yɔɔ-kɔl-gɨ-Kumu-ba-yɔɔ.»

Kɔl-gɨ-Ɗari gɨ Ja̰ wal 6:14

Kɨɗɨn̰ ga kalaŋ solge hɨnga ga ɗɨn̰ cɨn̰-kɨɗɨn̰ ga Jesu lee ɨni na, kan yege hɨn̰: «Leen̰ cɨndi ungo gɨ kɛ le, na ba-yɔɔ-kɔl-gɨ-Kumu-ba-yɔɔ, gɨ ba kɨya caga a cay gɨsəŋ gaŋ le.»

Kɔl-gɨ-Ɗari gɨ Ja̰ wal 4:19

Ɨni na, tama le yeyi hɨn̰: «Ba-gulɔŋ, ɨŋ sol gɨ ji na ba-yɔɔ-kɔl-gɨ-Kumu-ba-yɔɔ.

Kɔl-gɨ-Ɗari gɨ Ja̰ wal 1:25

Kan ɨngɨrɨn̰ge Ja̰ kɔl cɨndɨge tumɔ tumɔ yeyige hɨn̰: «Hɨn̰ gɨ ji naa Kɨris ban gɨ Kumu dorii naŋ bɨ, Eli naŋ bɨ, ba-yɔɔ-kɔl-gɨ-Kumu-ba-yɔɔ gɨ ba kɨya caga naŋ bɨ na, na kɨya wa ma mɨn̰ leen̰ kalaŋ batɛm ga?»

Kɔl-gɨ-Ɗari gɨ Ja̰ wal 1:21

Ama kan ɨngɨriige: «Kɛ ji na waŋ ɨni ga? Ji na Eli ga?» Ban dɨbɨge cay nee yege hɨn̰: «Ɨŋ na ban naŋ.» «Kɛ ji na ba-yɔɔ-kɔl-gɨ-Kumu-ba-yɔɔ gɨ ba kɨya caga le ga?» Ɨni na ban jɨga dɨbɨge cay nee yege hɨn̰: «Naŋ.»

Kɔl-gɨ-Ɗari gɨ Lug wal 24:19

Jesu dɨbɨge cay nee yege hɨn̰: «Na wa ba lɔɔ hɨnga ga?» Kan jɨga dɨbiige cay nee yeyge hɨn̰: «Na hɨnga ga andaŋ a cay Jesu gɨ Najarɛt! Ban na ba-yɔɔ-kɔl-gɨ-Kumu-ba-yɔɔ. Kumu dan̰ kalaŋ nɔm solge hɨn̰ gɨ ban na lee gɨye bɨ, ye kɔl bɨ, dan̰ dɔnɔ.

Kɔl-gɨ-Ɗari gɨ Lug wal 9:19

Kan dibiige cay nee yeyge hɨn̰: «Ga pɨna yege hɨn̰ ji naa Ja̰ ba-loon̰ kalaŋ batɛm. Ga ɗaŋ yege hɨn̰ ji naa Eli ba-yɔɔ-kɔl-gɨ-Kumu-ba-yɔɔ gɨ jɨne. Ga ɗaŋ coŋ yege hɨn̰ ji naa ba-yɔɔ-kɔl-gɨ-Kumu-ba-yɔɔ gɨ jɨne na ba bɔyɛ lɨbe duroy kalaŋ ga madɨrdaŋ.»

Kɔl-gɨ-Ɗari gɨ Lug wal 8:37

Ɨni na, kalaŋ nɔm ga a cay gɨsəŋ ga Gerasa gaŋ hundɔrɔ gɨ gumu baa toyge bɨ, olge Jesu gɨ ban na saa ɗa cay gɨsəŋ kage coŋ. Jesu nay duroy koburo gɨ gumu taa taa gɨŋ kɨya jɔgɛ.

Kɔl-gɨ-Ɗari gɨ Lug wal 5:8

Kɨɗɨn̰ ga Simo Pɨyɛr ba sol gusa gɨ kan ba ur le na, ban poy gɨbay tumoy Jesu bɨ, ye hɨn̰: «Ba-gulɔŋ, ƴɨma gusɨn̰ coŋ gusɨnɨ, kɨya gɨ ɨŋ na ba-lɔɔ ɨsɨna!»

Matɨyo 28:8

Kan sayge kɨlaw ɗege cay kamɨn̰aŋ coŋ dan̰ hundɔrɔ bɨ, dan̰ gusi-mɔwa di gumu bɨ, gɨrɨn̰ge orɨn̰ge yon̰ge ka-aye-cay-tɨbay Jesu kɔl gɨ nee le.

Gɨye-lɔɔ 7:37

Na ban Moyis ɗaŋ coŋ ba yon̰ te wɨn̰je gɨ da Ɨsɨrayɛln̰əŋ kɔl gɨ ba kɛ le. Ban yege hɨn̰: “Kumu kɨya andɨn̰ dan̰ ba-yɔɔ-kɔl-gɨ-Kumu-ba-yɔɔ gɨ hɨn̰ ɨŋ-bandi wo̰ a duroy karmɨgɨŋ gaŋ, kɨya bɨgɨŋ.”

Kɔl-gɨ-Ɗari gɨ Lug wal 19:44

Kan kɨya radɨne me-hɨndi bɨ, kalaŋ kɛɛ ga somge duroy gulɔŋ kɛɛ gɨŋ muɗɔgɨ bɨ. Kan kɨya ɗɔɔ oru pɨna kalɨn̰ ma daa cay mɨgayi gɨŋ naŋ, kɨya wa cɨnde hangaŋ a cay wɔlɛ gɨ Kumu ɨrgan̰ kɨya cɛɛ le naŋ.»

Kɔl-gɨ-Ɗari gɨ Lug wal 7:15

Bɨ ga ma, kuroŋ marɨna gɨ ma le de say som daa bɨ ye kɔl. Kɨɗɨn̰di ga nee gaŋ le bɨ, Jesu ƴom kobi bɨn̰ ƴoyi.