Kɔl-gɨ-Ɗari gɨ Lug wal 4:35 - Gabri Maja

³⁵ Jesu al toyi a cay turnɔ di ɨsɨni le dan̰ togi, ayɨn̰ noy boo ye hɨn̰: «Lɨgɨ kɨbe bɨ, andaŋ kuduroy ungo le coŋ!» Turnɔ di ɨsɨni le, dorii nayi tumoyi kalaŋ nɔm bɨ, de andaŋ dɨle looyi hɨnga ga ɨsɨni.

Kɔl-gɨ-Ɗari gɨ Lug wal 4:35 Referans Kwoze

Kɔl-gɨ-Ɗari gɨ Lug wal 4:41

Jesu tay turnɔn̰əŋ ga ɨsɨni dan̰ kondige a kuduroy kalaŋ nɔm ga ba ɨrgage gusi le, turnɔn̰əŋ ga ɨsɨni kaydege gɔsɛ cayi yen̰ge hɨn̰: «Ji na Kurɨn̰-Kumu!» Ama Jesu al toyi cayge ɗe kan na lɨgɨ kɨbɨge, kɨya gɨ kan soliige gɨ ban na Kɨris ban gɨ Kumu dorii le.

Kɔl-gɨ-Ɗari gɨ Lug wal 4:39

Bɨ ban lɨnge dugo caa al dan̰ guso gɨ ɨl cəŋ le, ɗe na andaŋ guso coŋ. Bɨ kɔl gɨ kɨbɨna kɛ bɨ, guso gɨ ɨl cəŋ le, ayaŋ caa coŋ bɨ. Lee gɨ hɨndi de say daa solɨn̰ kardɨge.

Matɨyo 8:26

Jesu yege hɨn̰: «Kɨŋ ga aye kudurɔ kogɨŋ ɓala hɨnga naŋ ƴee, kɨŋ hɨndar na kɨya wa ga?» Ɨni na, ban say ɨre daa al kal bɨ kuray gɨ gumu taa taa bɨ, kɨɗɨn̰ jɨga ɨre ɗɨngɨrɨŋ dugo.

Wasɨn̰a 12:12

Na toy di hɨn̰ wo̰ ma, Gɨɗɨgɨ-Kumu ji laa gusi-mɔwa bɨ, Kɨŋ kalaŋ ga kɨŋ som boy nee, Kalɨn̰ ma kɨŋ laa gusi-mɔwa bɨ. Ama kɨŋ kalaŋ ga a cay gɨsəŋ gaŋ bɨ, Hɨnga nɔm ga duroy kuray, Gɨ gumu taa taa gɨŋ bɨ le, Cɨn̰-n̰age woy gamgɨŋ. Kɨya wa haban̰ gɨsɨn jɨn̰ gusɨgɨŋ. Kudurɔɔ hɔmɔɔ tɔgɨ, Kɨya gɨ hɨndi sol gɨ tɨwa tɔɔ ba lam wo̰ ƴɔbɨ.»

Kɔl-gɨ-Ɗari gɨ Lug wal 11:22

Ama mɨgayi bara gɨ togii na ɗɨn̰ toyi na andaŋ cayi, wɨrn̰a danayi bɨrɨŋ tɨgayi na, ban kɨya lɔbɛ hɨnga kay ga ni wɔrɨn̰ɛ ga ban ba bee kuduroyi cay nee bɨ, ban kɨya gɔsɨnɛ hɨnga nɔm ga ban lobɨ le dan̰ kamdi.

Kɔl-gɨ-Ɗari gɨ Lug wal 9:42

Kɨɗɨn̰ ga kuroŋ le ɨrga jɨn̰ gusi Jesu na, turnɔ di ɨsɨni le ayi nayi leeyi gɨ ban sɨngalde. Ama Jesu sayɨn̰ dan̰ turnɔ di ɨsɨni bɨ, tayoo kuduroy kuroŋ le coŋ. Bɨ poɗɨn̰ dan̰ kɨye le ayi bɨn̰ bay.

Kɔl-gɨ-Ɗari gɨ Lug wal 9:39

Kɨɗɨn̰ ga pɨna na turnɔ gɨsɨn cay leeyi gɨ ban kayde gɔsɛ bɨ, sɨngalde bɨ, sɨbɨn̰a wadɨldaŋ kɨbi bɨ, na dan̰ osɨwa pa dɨm ma hɨndi andaŋ ƴee.

Kɔl-gɨ-Ɗari gɨ Lug wal 8:24

Ka-aye-cay-tɨbay Jesu ɨrgage mɨnde gusi lɨbiige yeyge hɨn̰: «Ba-gɨlni hɨnga, Ba-gɨlni hɨnga, na kɨya mundoŋ gɨŋ.» Jesu say lɨbɨ te kuŋ gaŋ bɨ, al kal dan̰ mɛw ga sayge le. Kɨɗɨn̰ ga nee gaŋ le bɨ, kal gɨ duroŋ le sogii bɨ, mɛw ga say le kalɨn̰ ma jɨga ɨre dugo ɗɨngɨrɨŋ ban̰di nee bɨ.

Marg 9:26

Turnɔ le gay gɔsɛ bɨ, yɨbagdii dan̰ tɔgɔɔ yɨbag yɨbag bɨ, andaŋ gusii coŋ. Ɨni na, kuroŋ le woy hɨn̰ gɨ na ma wo̰, lee gɨ kalaŋ kondɨ yege hɨn̰: «Ban ma.»

Marg 1:26

Turnɔ di ɨsɨni le yɨbagdii dan̰ tɔgɔɔ bɨ, wɨlal dan̰ tɔgɔɔ bɨ, de andaŋ kuduroy doŋ coŋ.

Matɨyo 17:18

Jesu san̰ dan̰ turnɔ di ɨsɨni le, lee gɨ turnɔ di ɨsɨni le andaŋ kuduroy koroŋ le coŋ. Ɨni na, kɨɗɨn̰di ga nee gaŋ le bɨ, kuroŋ le poɗɨ.

Marg 4:39

Jesu say lɨbɨ te kuŋ gaŋ ɨni na, al kal bɨ yen̰ kuray gɨ gumu taa taa bɨ hɨn̰: «Ɓal hɨn̰ wo̰ sɨgɨya dugo!» Ɨni na, kal buyoŋ bɨ, kɨɗɨn̰ jɨga ɨre ɗɨngɨrɨŋ.

Kɔl-gɨ-Ɗari gɨ Lug wal 4:23

Jesu dɨbɨge cay nee yege hɨn̰: «Hɨnde, kɨŋ kɨya yɔŋ kɨradi-kɔl gɨ ye hɨn̰: “Ba-gasɨɗe” pɨɗa gusɨn̰ pa dɨm, kɨŋ kɨya yɔɔ kɔl canɨ hɨn̰: “Ni je Kol hɨnga ga ji ba lee a Kapɛrnɔm le, laa hɨnga ga nee le, a cay ƴaadɨn̰ dɨŋ bɨ.”»