Kɔl-gɨ-Ɗari gɨ Lug wal 21:34 - Gabri Maja

³⁴ «Ɗagɨŋ muɗɔlɛ cay gusɨgɨŋ. Ɗɔɔgɨŋ gɨ ɨrɨme kol hɨnga ga kɨŋ gey dan̰ wɔlɛ pɨna pɨna, lɔɔ gɨ kɨŋ hale gɨybɨŋ cay caga hɨnge ɨŋ-bandi Kurɨn̰-ungo le naŋ. Naŋ na, ɨŋ kɨya andaŋ caygɨŋ dus.

Kɔl-gɨ-Ɗari gɨ Lug wal 21:34 Referans Kwoze

Marg 4:19

ama ɨrɨme gɨ da hɨnga ga a cay gɨsəŋ gaŋ bɨ, kurɔŋdi wɔɔ gursu bɨ, tabɨlaŋdi hɨnga ga toyge kan̰dɨge kan̰dɨge andaŋ kuduroyge bɨ ƴee cay kɔl gɨ da Kumu lee gɨ kɔl le andaŋ hɨnga naŋ.

Kɔl-gɨ-Ɗari gɨ Lug wal 12:40

Kɨŋ-gandi kalɨn̰ ma, sɨmagɨŋ cay tɨbaygɨŋ gɨŋ, kɨya gɨ ɨŋ-bandi Kurɨn̰-ungo le, ɨŋ kɨya caga na boy tɨwa di kɨŋ sɨla naŋ dɨŋ.»

1 Korɛ̰t 6:10

ka-hase bɨ, ka-orɨn̰ dan̰ tabɨlaŋdi wɔɔ hɨnga bɨ, ka-kɔydɛ cɛrɛ bɨ, ka-pɔyɛ kɔl bɨ, ka-bɔɗɨdɛ hɨnga bɨ, kɨya dɨbege tɨbayge a boy dɔɔ-ƴaa gɨ da Kumu gɨŋ naŋ.

Wasɨn̰a 3:3

Hɨngɨŋ a cay kɔl gɨ tumɔ kɨŋ ba je bɨ a cay gɨyəŋ gɨ kɨŋ ba ƴen̰ kɔl gɨ nee le bɨ. Gamagɨŋ kɔl gɨ nee le bɨ, bɨlgɨŋ haldɨgɨŋ bɨ. Hɨn̰ gɨ kɨŋ na sɨma-bɨra naŋ na, ɨŋ kɨya andaŋ caygɨŋ dus hɨn̰ ba hase wo̰ dan̰ tɨwa di kɨŋ kɨya sɔlɛ caa naŋ.

2 Pɨyɛr 3:14

Karmɨnɨ ga ɨŋ lee-toygɨŋ, na hɨnga ga nee le ma magɨŋ gam gusi Kumu. Na toy di hɨn̰ wo̰ ma, ƴɨmagɨŋ gusɨgɨŋ usa ɗe agɨŋ somɨn̰ dan̰ gusi-dɔbɛ bɨ, dɔrɛ mɨra bɨ, ɗe masadɨgɨŋ unɔ tumoy Kumu bɨ.

Galad 5:20

n̰ɨre kula bɨ, lɔɔ tɨmba bɨ, ƴɔmɛ-ungo-kuduron̰ bɨ, bɔjɨn̰ɛ bɨ, cɨn̰-pɨɗɨma bɨ, lɔɔ kuduroy-hɔmɛ bɨ, jangɨ bɨ, gasɨn̰-ɓalɨn̰a naŋ bɨ, pɔyɛ kalaŋ duroy nee bɨ,

1 Korɛ̰t 5:11

Ɨŋ’ɨ̰, magtubu di ɨŋ wal bɨgɨŋ le ojɨ na cay kalaŋ ga kan teege naa karmɨni, ama bɨlege na ka-lɔɔ gɨye yɔyɛ gɨ toy kan̰di kan̰di, wala dan̰ ka-orɨn̰ dan̰ tabɨlaŋ di hɨnga, wala ka-n̰ɨre kula, wala ka-pɔyɛ kɔl, wala ka-kɔyɛ cɛrɛ, wala ka-hase. Kalaŋ ga hɨn̰ wo̰ le, kɨŋ ɗɔɔ ba ɔrɛ gusɨge. Hɨnga ga ni dɔɔ kalɨn̰ ma, kɨŋ ɗɔɔ ba dɔɔ danage.

Matɨyo 13:22

Gasi-gɨse ga bugoŋ duroy gɨsɨmn̰əŋ gaŋ le, na kalaŋ ga jege kɔl gɨ da Kumu, ama ɨrɨme a cay hɨnga ga cay gɨsəŋ gaŋ bɨ, kurɔŋdi wɔɔ gursu bɨ ƴee cay kɔl gɨ nee le coŋ. Lee gɨ andaŋ hɨnga bɨge naŋ.

Kɔl-gɨ-Ɗari gɨ Lug wal 21:8

Jesu say dɨbɨge cay nee yege hɨn̰: «Ɗagɨŋ muɗɔlɛ a cay gusɨgɨŋ. Ɗɔɔgɨŋ ungo nargɨŋ bogɨgɨŋ kayaŋ naŋ ɨni. Kɨya wa dɨmdɨrdi kalaŋ kɨya ɨrgage dan̰ gusoŋnɨ bɨ, yɔɔge hɨn̰: “Kɨris ban gɨ Kumu dorii le, na ɨŋ-bandi.” Bɨ kan kɨya sɔ yɔ hɨn̰: “Wɔlɛdi ɓal ɨni.” Ama kɨŋ na, kɔbɛgɨŋ kardɨge naŋ ɨni.

Pilib 4:6

Sɔlɛgɨŋ hɨnga pɨna naŋ, ama a duroy hɨnga nɔm na, laan̰gɨŋ Kumu ho’o bɨ, ɨren̰gɨŋ dan̰ hɨnga ga kɨŋ or n̰agedɨge a tumoyi dan̰ ɔlɛ bɨ, dan̰ lɔɗɨdɛ bɨ.

Kɔl-gɨ-Ɗari gɨ Lug wal 17:3

Naa hɨn̰ wo̰ na, ɗagɨŋ muɗɔlɛ cay gusɨgɨŋ gɨŋ! «Hɨn̰ gɨ kurdɨn̰ na laa ɨsɨna na, ɗalayi! Bɨ hɨn̰ gɨ ban na bɨl gɨye-lɔɔdi na, ɗa kuduron̰ jala cayi.

Kɔl-gɨ-Ɗari gɨ Lug wal 10:41

Ba-gulɔŋ jɨga dɨboo cay nee yo hɨn̰: «Mart, Mart, me ɗa ɗugɛ ba dugo naŋ bɨ, me gɨlal guse cay hɨnga kondɨ bɨ.

Kɔl-gɨ-Ɗari gɨ Lug wal 8:14

Gasi-gɨse ga bugoŋ duroy gɨsɨm gaŋ le, gɨlɨn̰ na dan̰ kan ga jege kɔl gɨ da Kumu bɨ, beege kuduroyge cay nee bɨ, ama ɨrɨme a cay hɨnga ga cay gɨsəŋ gaŋ bɨ, tabɨlaŋ wɔɔ gursu bɨ, gusi-mɔwa ga cay gɨsəŋ gaŋ bɨ, ba ƴɔmɛ kuduroyge narge malge te aye kudurɔ koge gaŋ coŋ.

Marg 13:9

Ama kɨŋ-gandi na, ɗagɨŋ muɗɔlɛ a cay gusɨgɨŋ kogɨŋ kɨŋ-gandi gaŋ. Kɨya wa kalaŋ kɨya se kɔl caygɨŋ tumoy ka-bɔyɛ kɔl gaŋ bɨ, kan kɨya togɨgɨŋ duroy ƴaa-daye-di-da-Jubɨn̰əŋ dɨŋ bɨ. Kan kɨya orɨn̰ danagɨŋ tumoy ka-kɨbɨ kɛrɨmbɛlɛŋ ga gɨmdəŋ gaŋ bɨ, tumoy kɛrɨmbɛlɛŋ gaŋ bɨ, kɨya canɨ. Ɗe agɨŋ wan̰ gɨyəŋ gɨ ni leen̰ tɨmon̰ cay kɔl gɨ cɨndi ojɨn̰ canɨ tumoy Jubɨn̰əŋ.

Əbɨro 12:15

Ɗagɨŋ cɨndɨgɨŋ kardi gusɨgɨŋ, ɗe ungo duroygɨŋ dor gusi coŋ a te ɗarwa di da Kumu dɨŋ naŋ. Kuɗa gɨ ungo mɔndɛ kalaŋ kondɨwa hɨn̰ gɨ ban naa hɨya gɨ a duroygɨŋ gɨ wɔɔdi orɨn̰ dan̰ sɛm, di kɨya nɔɔ cay kalaŋ jɨn̰ tumɔ tumɔ wo̰ naŋ.

2 Pɨyɛr 3:10

Wɔlɛ gɨ da Ba-gulɔŋ le, kɨya ɨrga na hɨn̰ gɨ da ba-hase wo̰. Wɔlɛdi gɨ nee le, gɨɗɨgɨ-Kumu dan̰ noy hɨnga ga pɨna wo̰ ga ye lee hundɔrɔ tɔgɨ kɨya kaɗɨn̰a bɛɗ. Hɨnga ga Kumu ɗege ga tɨwa woy boy nee le, kɨya mundoŋge coŋ bɨ, cay gɨsəŋ dan̰ hɨnga nɔm ga boy nee, kɨya unɔge coŋ bɨ.

Kɔl-gɨ-Ɗari gɨ Lug wal 21:35

Wɔlɛ gɨ nee le, kɨya nɔngɨrɛ kalaŋ nɔm ga somge cay gɨsəŋ gaŋ, hɨn̰ bura wo̰.