Kɔl-gɨ-Ɗari gɨ Lug wal 2:34 - Gabri Maja

³⁴ Simin̰o tor-kɨbi cayge bɨ, yen̰ Mari Jesu ƴoyi yo hɨn̰: «Na cɨndi! Kɨye gɨ kɛ le, kɨya bɨle te gabaŋ gɨ da kondɨwadi kalaŋ gɨ da te wɨn̰je gɨ da Ɨsɨrayɛl bɨ, kɨya bɨle te pɔɗɛ gɨ da kondɨwadɨge a duroyge bɨ. Bɨ ban na hɨnga ga kɨya gɨle Kumu bɨ, kalaŋ kɨya sayɨn̰ danayi dan̰ kɔl bɨ.

Kɔl-gɨ-Ɗari gɨ Lug wal 2:34 Referans Kwoze

1 Korɛ̰t 1:23

Ama ni-gandi na, ni tee bɛrnɛ gɨ da Kɨris gɨ kan gagɨlige a cay sɨya-gɨ-dagɨli gɨŋ le bɨn̰ na kalaŋ nɔm. Bɛrnɛ di nee le bɨle na hɨn̰ gundi sɨya gɨ ba dɔgɛ tɨban̰ Jubɨn̰əŋ bɨ, bɨle na hɨnga ga ni dɨngale cɨn̰ kalaŋ ga toyge na Jubɨ naŋ bɨ.

Matɨyo 21:44

[Waŋ waŋ gɨ na ba cay oru gɨ nee le na, kɨya puyoŋ hurɔg hurɔg bɨ, ban gɨ oru gɨ nee le na ba cayi na, oru le kɨya radi ɗoyi bugoŋ dan̰ gɨsəŋ lɛɗɛɗɛ bɨ.»]

1 Pɨyɛr 4:14

Hɨn̰ gɨ kalaŋ na yagɨdagɨŋge kɨya cay guson̰ Kɨris na, kɨŋ orɨn̰ dan̰ tumoy wolwa. Kɨya wa Turnɔ di da gusoŋ-tɔgɛ gɨ na Turnoy Kumu le som caygɨŋ.

Əbɨro 7:7

Na cɨndi kɔl man̰edi unɔ, ungo gɨ ba-tɔrɛ kɨbi cay mɨgayi le, ban ma na ungo gɨ gumu ɗɨn̰ mɨgayi gɨ nee le.

Magtubu di Pol wal bɨn̰ kalaŋ ga Rɔm 9:32

Kɛ, na kɨya wa ma kan gabaŋge ga? Kɨya wa kan kɨbage gɨyəŋ gɨ da aye kudurɔ naŋ. A ɨrɨmedɨge gɨŋ na, ke na kɨya bɨle kalaŋ ga dan̰ durɔ ɗɨngar naa dan̰ gɨyəŋ gɨ da gɨye-lɔɔdɨge. Lee gɨ kan de tɨbayige a cay oru gɨ ba kɨya dorge nayge gɨŋ,

Gɨye-lɔɔ 6:7

Kɔl gɨ da Kumu or dan̰ cɨndi jɨn̰ tumɔ tumɔ bɨ, ka-aye-cay-tɨbay Jesu kondɨwayge say cay kamdɨge gaŋ a cay ƴaa-di-gumu di Jerusalɛm dɨŋ bɨ, kondɨwa gɨ da ka-bɔgɛ kɨbar ayge hɨnga ga ni gɨle ga da Jesu leen̰ge gɨye bɨ.

Gɨye-lɔɔ 24:5

Ni sol gɨ ungo gɨ kɛ le, na ungo gɨ ɨsɨn hɨn̰ tɨma di man̰i wo̰. Ban dɨbɨ do̰ a duroy kalaŋ ga ni Jubɨ nɔm, ga a cay gɨsəŋ gaŋ nɔm bɨ. Ban mana ba-dɔrɛ tumoy kamdi ga na te kalaŋ ga kan teege Najarɛtn̰əŋ bɨ.

Gɨye-lɔɔ 17:6

Bɨ kɨɗɨn̰ ga kan wayage naŋ ɨni na, kan sɨdɨrdege Jaso̰ bɨ karmɨni ga pɨna wo̰ bɨ, orɨn̰ge danage tumoy ka-dɔɔ cay ƴaa gaŋ. Kan dege sɨle yege hɨn̰: «Kalaŋ ga kɛ le dɨbɨge do̰ a kɨɗɨn̰ gaŋ nɔm bɨ, haw kɛ kan bugoŋge a cay ƴaa toni dɨŋ bɨ.»

Gɨye-lɔɔ 13:45

Kɨɗɨn̰ ga Jubɨn̰əŋ ba solge dɨmdɨrdi kalaŋ ga ba dayaŋge le na, cɨn̰-pɨɗɨma say leege tɔgɨ lee gɨ kan jɨbɨ kɔl nɔm ga da Pol sɛdɨ coŋ bɨ, yagɨdiige bɨ.

Gɨye-lɔɔ 4:26

Kɛrɨmbɛlɛŋ ga cay gɨsəŋ gaŋ, Sayge dan̰ worɨn̰ɛ bɨ, Ka-dɔrɛ tumoy kalaŋ dayge cayge, A cay Ba-gulɔŋ bɨ, a cay Kɨris ban gɨ Kumu dorii le bɨ.”

Kɔl-gɨ-Ɗari gɨ Ja̰ wal 5:18

Ayɨn̰ toy kɨɗɨn̰ ga nee gaŋ na, Jubɨn̰əŋ malge jɨn̰ tumɔ tumɔ gɨ ni dɨɗii. Kɨya wa ban hangɨɗa na cay wɔlɛ gɨ ni dorɨn̰ gɨlale gɨ da Jubɨn̰əŋ ƴɔbɨ naŋ, ama ban te Kumu naa Bay koyi nee coŋ. Leen̰ gusi ɓalɨn̰ dan̰ Kumu.

Kɔl-gɨ-Ɗari gɨ Ja̰ wal 3:20

Kɨya wa waŋ waŋ gɨ na laa hɨnga ga ɨsɨni na, gey kɨɗɨn̰ ga asɨn̰ naŋ bɨrɨŋ. Lee gɨ ban kɨya ɨrga kɨɗɨn̰ ga asɨn̰ gaŋ naŋ, kɨya wa ban gey gɨ gɨye-lɔɔdi gɨ ɨsɨni na gɨ andaŋ doŋ naŋ.

Matɨyo 27:63

Bɨ yeyige hɨn̰: «Ba-gulɔŋ, kuduroyni hɨn a cay kɔl gɨ ba nare kalaŋ gɨ kɛ gɨ nee le ye, kɨɗɨn̰ ga ban ban̰ dan̰ cɨndi ƴee le. Ban ye hɨn̰: “Wɔlɛ sɔɔ, sɨbɨdi bɨ na, ɨŋ kɨya bɔyɛ lɨbe.”»

Matɨyo 12:46

Jesu ɨre ye kɔl dan̰ dɨmdɨrdi kalaŋ ban̰ nee ƴee bɨ ga ma, ƴoyi dan̰ karmii ɨrgage ɨrege doŋ, malge age na ye kɔl danayi.

Matɨyo 11:19

Ama kɨɗɨn̰ ga ɨŋ-bandi Kurɨn̰-ungo ɨŋ caga na, ɨŋ dii bɨ, ɨŋ si bɨ, naa hɨn̰ wo̰ kalɨn̰ ma, kan yege hɨn̰: “Sɨlagɨŋ ba-dɔɔ dɔɔ bɨ, ba-sɔdɔ cɛrɛ koydɨn̰ bɨ, ba-ƴɔmɛ pɔgɨn̰ɛ dan̰ kalaŋ ka-hɔgɛ lambo bɨ, ka-lɔɔ ɨsɨna bɨ.” Ama cɨn̰-muɗɔlɛ gɨ da Kumu gɨl gusi dan̰ durɔ ɗɨngar na dan̰ gɨyəŋ gɨ da gɨye-lɔɔdi.»

Əbɨro 7:1

Mɛlgisedɛg gɨ nee le, na kɨlma gɨ a cay ƴaa-di-gumu di Salɛm bɨ, na ba-bɔgɛ kɨbar gɨ da Kumu gɨ ɗɨn̰ cay hɨnga nɔm bɨ. Ban or yale cɨn̰ Abɨraham bɨ torɨn̰-kɨbi cayi, kɨɗɨn̰ ga Abɨraham saygan̰ te bɔyɛ kɨmbɨl a cay kɛrɨmbɛlɛŋ gaŋ.

Gɨye-lɔɔ 28:22

Ama ni-gandi na, ni gey gɨ ji naa ba yani dan̰ kɨbɨn̰ kon̰ kol cay hɨnga ga ji ɨrɨm. Kɨya wa ni sol gɨ ojɨ cay te kalaŋ kan̰ ga nee le, kalaŋ cɨbɨdɨge sɛdɨ sɛdɨ coŋ gon̰ kɨɗɨn̰ nɔm.»

Kɔl-gɨ-Ɗari gɨ Lug wal 2:35

Na Ban ba kɨya dɔrɛ te ɨrɨme gɨ da kondɨwadi kalaŋ ga woy kɨɗɨn̰ wɔsɛdɨge gaŋ daa. Bɨ me-hɨndi di ni Mari kalɨn̰ ma, me kɨya sɔlɛ cɨn̰-n̰age hɨn̰ ungo gɨ kan jibiige a bamandaŋdi gɨŋ, gayge car dan̰ sɛw wo̰.»