Kɔl-gɨ-Ɗari gɨ Lug wal 19:17 - Gabri Maja

¹⁷ Ba-gulɔŋ le yeyi hɨn̰: “Kuɗa na ase naŋ, ji na guyɔŋ gɨ kuɗa, tumɔ ɨŋ been̰ gɨye kobɨn̰ dḛ wo̰, ama ji leen̰ gɨye dan̰ kuduroy ga pɨna. Na toy di hɨn̰ wo̰ ma, ɨŋ dobɨn̰ tɨrɨmbala a cay ƴaa ga gɨmdəŋ won̰ mɔjɨ.”

Kɔl-gɨ-Ɗari gɨ Lug wal 19:17 Referans Kwoze

Kɔl-gɨ-Ɗari gɨ Lug wal 16:10

Hɨn̰ gɨ ungo na cɨbɨ cɨndi a cay hɨnga ga dḛ ga kan beeyige kobi na, ban kɨya cɨbe cɨndi a cay hɨnga ga kondi ga kan beeyige kobi bɨ. Waŋ waŋ gɨ gɨye-lɔɔdi na ɨra dan̰ durɔ ɗɨngar a cay hɨnga ga dḛ gaŋ naŋ na, gɨye-lɔɔdi kɨya ɔrɛ dan̰ durɔ ɗɨngar a cay hɨnga ga kondi gaŋ naŋ bɨ.

Matɨyo 25:21

Ba-gulondi le yeyi hɨn̰: “Kuɗa na ase naŋ, ji na guyɔŋ gɨ kuɗa bɨ, gɨ ɨre cay tɨbayi dɨŋ bɨ. Tumɔ ɨŋ been̰ gɨye dḛ wo̰ kobɨn̰, ama ji leen̰ gɨye dan̰ kuduron̰ ga pɨna. Na toy di hɨn̰ wo̰ ma, ɨŋ kɨya sɨn̰ cay ga kondi gaŋ. Ɨre laa gusi-mɔwa dan̰ ba-gulondɨn̰.”

1 Pɨyɛr 1:7

Na solgɨŋ gɨ lɔr di lam wo̰ kɨya unɔ le, kan gɨwasooge na dan̰ tɨwa. Na hɨn̰ wo̰ ma, aye kudurɔ kogɨŋ gɨ kɨledi ɗɨn̰ lɔr kalɨn̰ ma, kɨya gɨwasiige ɗe age na solɨn̰ togii. Na hɨn̰ wo̰ ma kɨɗɨn̰ ga Jesu-Kɨris kɨya caga le, Kumu kɨya hɨramgɨŋ bɨ, dɨbe gusoŋ-tɔgɛ caygɨŋ bɨ, aye caygɨŋ daa bɨ.

1 Korɛ̰t 4:5

Kɨŋ ɗɔɔ ba bɔyɛ kɔl tumɔ tumoy wɔlɛ bɔyɛ kɔl gɨŋ, kɨŋ gama ɗe Ba-gulɔŋ bugoŋ pa dɨm. Hɨnga ga wosɨ kɨɗɨn̰ dɨlɨm dɨŋ le, ban kɨya andɨn̰ cɨn̰ tɨwa dɨŋ bɨ, hɨnga ga kalaŋ wosɨ kuduroyge le, ban kɨya gɨle doŋ bɨ. Kɨɗɨn̰ ga nee le, Kumu kɨya hɨrame kalaŋ pɨna pɨna ɗe ɓalɨn̰ dan̰ gɨye-lɔɔdɨge.

1 Pɨyɛr 5:4

Hɨn̰ gɨ kɨŋ na laa hɨn̰ wo̰ na, kɨɗɨn̰ ga Kɨris gɨ na kɨlma gɨ gumu gɨ ba sɔlɛ kardi gamge nɔm na jɨge na, kɨŋ kɨya wɔɔ jagɨwa-tɨrɨmbala gusoŋ-tɔgɛ ga jɨran̰edɨge ga toyge kɨya ayaŋ naŋ bɨrɨŋ le.

2 Timote 2:10

Na toy di hɨn̰ wo̰ ma, maŋ ƴom kuduronɨ osu duroy tabɨ dɨŋ, kɨya cay kan ga Kumu torge le, ɗe gɨ kan na poɗɨn̰ge te bugoŋ pɨna dan̰ Jesu-Kɨris bɨ, wan̰ hɨnga nɔm ga na gusoŋ-tɔgɛ gɨ dan̰ cɨndi bɨ.

Magtubu di Pol wal bɨn̰ kalaŋ ga Rɔm 2:29

Ama ungo gɨ ni Jubɨ gɨ hɨnde le, ban na Jubɨ a ɗugoyi bɨ wale ban̰a toyi le na wale ban̰a di da ɗugɔ. Wale ban̰a di nee le na Turnɔ di da Kumu ba lɔɔ, wala kalaŋ ga ɨndəŋ ba lɔɔ kɨya bogɨn̰ kɔl cay gasɨn̰-kɔl gɨŋ naŋ. Ungo gɨ ni Jubɨ gɨ hɨnde gɨ hɨn̰ wo̰ le, hɨn̰ gɨ kalaŋ na hɨramayige naŋ kalɨn̰ ma, Kumu na hɨrami.

Kɔl-gɨ-Ɗari gɨ Lug wal 22:30

Na toy di hɨn̰ wo̰ ma, kɨŋ kɨya dɔɔ bɨ, sɔɔ bɨ a kɨbɨ hɨnga ga ni dɔɔ gɨŋ a boy dɔɔ-ƴaa tɨnge dɨŋ. Bɨ kɨŋ kɨya somɨn̰ a cay kali-tɨrɨmbala dɨŋ bon̰ kɔl a cay te wɨn̰je ga mɔjɨ-cayge-sɔɔ ga Ɨsɨrayɛl.»

Kɔl-gɨ-Ɗari gɨ Lug wal 19:16

Ban gɨ ba cay wase ɨrga bɨ, yeyi hɨn̰: “Ba-gulɔŋ, gursu di ni lɔr di ji ba bəŋ le, ɨŋ way kaŋdo mɔjɨ ɗaŋ cay nee.”

Kɔl-gɨ-Ɗari gɨ Lug wal 19:18

Ban gɨ ba cay sɔɔdɨge ɨrga bɨ, yeyi hɨn̰: “Ba-gulɔŋ, gursu di ni lɔr di ji ba bəŋ le, ɨŋ way kaŋdo bay ɗaŋ cay nee.”