Kɔl-gɨ-Ɗari gɨ Lug wal 17:4 - Gabri Maja

⁴ Hɨn̰ gɨ kurdɨn̰ na laan̰ ɨsɨna tɨba jurgum duroy wɔlɛ gɨ pɨna gɨŋ, ma na bɨl jɨge gusɨn̰ tɨba jurgum duroy wɔlɛ gɨ pɨna gɨŋ yan̰ hɨn̰: “Ɨŋ bɨle gɨye-lɔɔ nɨ yɔd na”, ɗa kuduron̰ jala cayi.»

Kɔl-gɨ-Ɗari gɨ Lug wal 17:4 Referans Kwoze

Magtubu di Pol wal bɨn̰ kalaŋ ga Rɔm 12:20

Ama Ba-gulɔŋ dɨbɨ cay nee ɗaŋ coŋ ye hɨn̰: «Hɨn̰ gɨ kurɔŋ na laa ba-baadɨn̰ na, bii hɨnga ga ni dɔɔ. Hɨn̰ gɨ gɨmase na dayi na, bii kaŋ ga ni sɔɔ. Hɨn̰ gɨ ji na laa hɨn̰ wo̰ na, Woy gɨlɨn̰ hɨn̰ gɨ ji na don naa, Kurji tɨwa di ƴee man̰ bee a cayi wo̰.»

Matɨyo 6:12

Ɗa kuduron̰ jala cay gɨye-lɔɔdini gɨ ɨra dan̰ durɔ naŋ gɨ ni lee danan̰, Hɨn̰ gɨ ni-gandi kalɨn̰ ma ni ba ɗen̰ kuduroyni jal a cay ka-looni ɨsɨna wo̰ bɨ.

Matɨyo 18:35

Kardi nee na, Jesu yege hɨn̰: «Kɨŋ pɨna pɨna nɔm, hɨn̰ gɨ kɨŋ na ɗa kuduroygɨŋ jala cay gusɨgɨŋ dan̰ kuduroygɨŋ ga pɨna nɛŋ naŋ na, Banɨ gɨ som a gɨɗɨgɨ-Kumu gɨŋ kɨya lɔɔ danagɨŋ na hɨn̰ wo̰ bɨ.»

Matɨyo 18:16

Ama hɨn̰ gɨ ban na kan̰a jɔɔ kɔl kon̰ na, ɨragɨŋ dan̰ mɨgan̰ naŋ le, kamdɨn̰ sɔɔ wayaygɨŋ ɗaŋ coŋ, kɨya gɨ kan walge duroy magtubu gasɨn̰-kɔl gɨ da Moyis dɨŋ, yege hɨn̰: “Kɨŋ kɨya bɔyɛ kɔl nɔm na a cay kɔl gɨ da tɨmon̰ sɔɔ naŋ le, sɨbɨ.”

Matɨyo 5:44

Ama ɨŋ-bandi na, ɨŋ yəgɨŋ ye hɨn̰: “Geygɨŋ ka-baadɨgɨŋ bɨ, ulagɨŋ Kumu ka-cay kan ga ka-gɨlgɨŋ cɨn̰ bɨ.”

Kɔl-gɨ-Ɗari gɨ Lug wal 17:5

Ka-gɨre-gɨye ga da Jesu yeyige hɨn̰: «Ba-gulɔŋ laa gɨ ɗe aye kudurɔ koni say cay mɨgayi gɨŋ.»