Kɔl-gɨ-Ɗari gɨ Lug wal 16:15 - Gabri Maja

¹⁵ Jesu yege hɨn̰: «Kɨŋ-gandi le, kɨŋ lee gusɨgɨŋ leen̰ kalaŋ ga ka-ɔrɛ dan̰ durɔ ɗɨngar tumoy kalaŋ. Ama kɨŋ kɨya ɓale nare Kumu naŋ, ban sol dan̰ kuduroygɨŋ. Hɨnga ga kalaŋ sol leen̰ hɨnga ga kuɗa tɔgɨ le, Kumu sol leen̰ na hɨnga ga ni bɨrane a tɨdi.

Kɔl-gɨ-Ɗari gɨ Lug wal 16:15 Referans Kwoze

1 Korɛ̰t 4:5

Kɨŋ ɗɔɔ ba bɔyɛ kɔl tumɔ tumoy wɔlɛ bɔyɛ kɔl gɨŋ, kɨŋ gama ɗe Ba-gulɔŋ bugoŋ pa dɨm. Hɨnga ga wosɨ kɨɗɨn̰ dɨlɨm dɨŋ le, ban kɨya andɨn̰ cɨn̰ tɨwa dɨŋ bɨ, hɨnga ga kalaŋ wosɨ kuduroyge le, ban kɨya gɨle doŋ bɨ. Kɨɗɨn̰ ga nee le, Kumu kɨya hɨrame kalaŋ pɨna pɨna ɗe ɓalɨn̰ dan̰ gɨye-lɔɔdɨge.

Gɨye-lɔɔ 15:8

Ɨni na, Kumu gɨ ba sɔlɛ kuduroy kalaŋ le, lee tɨmon̰ kol cayge. Na toy di hɨn̰ wo̰ ma ban bɨge Turnɔ ɗe-kuduroy-bɛrɛ, hɨn̰ gɨ ban ba bɨna na-gandi wo̰ bɨ.

1 Pɨyɛr 3:4

Ama ɗagɨŋ gɨ majɨme togɨŋ saya na a kuduroygɨŋ. Majɨme di sayga a kuduroygɨŋ le ba kɛ: Kaledi ungo gɨ jal bɨ, ɨrɨme gɨ woy kɨɗɨn̰ pɨna bɨ. Kɨya wa lɔɔ hɨnga ga hɨn̰ wo̰ le, na majɨme di kɨledo ɗɨn̰ cɨn̰-kɨɗɨn̰ a cɨn̰ Kumu.

Kɔl-gɨ-Ɗari gɨ Lug wal 11:39

Ba-gulondɨna ba sol ɨrɨmedi hɨn̰ wo̰ na yeyi hɨn̰: «Kɨŋ Parɨsɨn̰an̰əŋ le kɨŋ pɨl kardi kobo kagɨŋ ga ni son̰ kaŋ bɨ, kɔjɛ kagɨŋ ga ni don̰ hɨnga bɨ, arɨn̰ cərərə, ama tabɨlaŋdi hase bɨ, kuduroy ɨndɨwa bɨ, walɨn̰ kuduroygɨŋ daa jɨŋ jɨŋ.

Kɔl-gɨ-Ɗari gɨ Lug wal 10:29

Ama ba-gɨlɨn̰ kalaŋ gasɨn̰-kɔl gɨ da Moyis le, gey dɔrɛ dasi cayi. Ɨni na ban yen̰ Jesu ye hɨn̰: «Ho’o, ama waŋ ma na mɨganɨ ga?»

Wasɨn̰a 2:23

Ɨŋ kɨya ɗɔɔ tɨma dɨɗe karɨndo. Na hɨn̰ wo̰ ma, Ka-Daye nɔm kɨya sɔlɛge gɨ ɨŋ naa ba kɔbɛ te ɨrɨme bɨ, tabɨlaŋdi hɨnga ga woy a kuduroy kalaŋ bɨ, kɨya sɔlɛge gɨ ɨŋ na bɨn̰ ungo gɨ ani ani naa hɨnga ga ojɨ cayi ɓalɨn̰ dan̰ gɨye-lɔɔdi.

1 Pɨyɛr 5:5

Kɨŋ marɨne kalɨn̰ ma, kuɗa gɨ kɨŋ dɨba caygɨŋ dugo bɨn̰ ga muɗoldoŋ. Bɨ kɨŋ-gandi ka-aye kudurɔ nɔm ga duroy Ka-Daye nɔm le, dɔgɛgɨŋ jurgiigɨŋ dan̰ gusɨgɨŋ naŋ. Kɨya wa walge duroy Magtubu di da Kumu dɨŋ yege hɨn̰: «Kumu jɨbɨ ka-dɔgɛ jorgiige sɛdɨ coŋ, ama ban lee ɗarwa dan̰ kan ga dɨga jorgiige naŋ.»

Magtubu di Pol wal bɨn̰ kalaŋ ga Rɔm 3:20

Na toy di hɨn̰ wo̰ ma, ungo gɨ ba kɨya bɨle ungo gɨ dan̰ durɔ ɗɨngar a cɨn̰ Kumu dan̰ gɨyəŋ gɨ da gɨye-lɔɔ gɨ da gasɨn̰-kɔl unɔ. Kɨya wa gasɨn̰-kɔl gɨl na ɨsɨna gɨ da kalaŋ ɗe kan na sol ƴɔbɨ.

Kɔl-gɨ-Ɗari gɨ Ja̰ wal 2:25

Ban mala gɨ ungo na laayi tɨmon̰ ujan̰ cay ungo gɨ ɨndi naŋ, kɨya wa ban sol hɨnga ga woy a kuduroy ungo gɨ ɨndi.

Matɨyo 23:5

Gɨye-lɔɔdɨge nɔm le, na gɨ ni gɨlɨn̰ gusɨge cɨn̰ kalaŋ ƴɔbɨ. Na hɨn̰ wo̰ ma, gɨ ojɨ cay kɔl gɨ da Kumu gɨ woy dan̰ cɨndi gɨ kan saɗɨdege jɨndɨge naŋ le kobɨge le, kan orɨn̰ge dan̰ ƴaadi hɨnga ga gumu ɗɨn̰ ga da kamdɨge. Badɨge kage ga kan tobɨ cay kamdɨge gaŋ kalɨn̰ ma kɨbɨge wol ɗɨn̰ ga da kamdɨge bɨ.

Kɔl-gɨ-Ɗari gɨ Lug wal 18:21

Ungo le dɨbii cay nee ye hɨn̰: «Hɨnga ga nee le nɔm ɨŋ ay toyge lee kɨɗɨn̰ ga ɨŋ ban̰ dan̰ marɨnanɨ hange bɨrɨŋ labɨde.»

Kɔl-gɨ-Ɗari gɨ Lug wal 18:11

Parɨsɨn̰a le de say ɨre daa bɨ, ol Kumu dan̰ kuduroy ye hɨn̰: “Ay Kumu, ɨŋ hɨramɨn̰ kɨya gɨ ɨŋ wɨya hɨn̰ kalaŋ ga ɗaŋ wo̰ naŋ. Kan na ka-hase bɨ, ka-lɔɔ hɨnga ga ɨsɨnde bɨ, ka-yɔyɛ kandɨ ga da kamdɨge wala ban̰aŋ ga da kamdɨge bɨ. Wala hɨn̰ ba-hɔgɛ lambo gɨ ba kɛ le naŋ.

Gɨye-lɔɔ 1:18

Gɨlmi gɨ nee le, don gursu toy di kan biige ojɨn̰ cay hɨnga ga ɨsɨni ga ban lee le, or kɨlɨn̰ kɨɗɨn̰ yage. Ban baa ɨmbe cɨndi dugo, lee gɨ kuduroyi andaŋ pan̰, ɗe gɨ karɨn̰ kuduroyi hɨɗɨbəŋ dugo hɔlɔlɔ coŋ.

Kɔl-gɨ-Ɗari gɨ Lug wal 20:47

Kan na ka-lɔbdɛ hɨnga ga da kandɨ ga kodɨn̰ige ma bɨ, kɨɗɨn̰ ga kan ɨre tumoy kalaŋ kɨya ɔlɛ Kumu na, kan lee gusɨge hɨn̰ kalaŋ ga dan̰ durɔ ɗɨngar wo̰. Kɔl gɨ kan kɨya bɔyɛ a cayge le, kɨya dɨmbɨrwa tɔgɨ.»

Kɔl-gɨ-Ɗari gɨ Lug wal 20:20

Na toy di hɨn̰ wo̰ ma, kan ay te sɔbɨrɛ kɨbɨ Jesu. Bɨ kan say gɨyge kalaŋ ga ka-nare cɨn̰ kalaŋ ga leege gusɨge hɨn̰ kalaŋ ga gɨye-lɔɔdɨge na or dan̰ durɔ ɗɨngar wo̰ a gusi. Kalaŋ ga nee le, kan gɨyge na kɨya gɨybe Jesu dan̰ kɔl gɨ ni ɨngɨre, ɗe age na wan̰ gɨyəŋ gɨ ni ƴomii dobii kobɨ ba-kɨbɨ kɨlma gɨ gumu gɨ orɨn̰ dan̰ tɔgɨ bɨ, gɨ na ba-dɔɔ cay ƴaa bɨ.

Matɨyo 6:16

«Kɨŋ-gandi, kɨɗɨn̰ ga kɨŋ na gey haye kɨbɨgɨŋ na, kɨŋ ɗɔɔ ba lɔɔ cɨndɨgɨŋ lɔɔ cɨn̰-n̰age, hɨn̰ kalaŋ ka-yɔɔ-kɔl-kɨbɨge-sɔɔ-sɔɔ ba leen̰ge wo̰ naŋ. Kan leege cɨndɨge leen̰ cɨn̰-n̰age tɔgɨ, ɗe kalaŋ na solge gɨ ke na hay kɨbɨge. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Matɨyo 6:5

«Kɨŋ-gandi na, kɨɗɨn̰ ga kɨŋ na kɨya ɔlɛ Kumu na, wɔyɛgɨŋ hɨn̰ kalaŋ ga ka-yɔɔ-kɔl-kɨbɨge-sɔɔ-sɔɔ wo̰ naŋ. Ga mooge ɨre dan̰ tɨbayige daa duroy ƴaa-daye-di-da-Jubɨn̰əŋ gaŋ bɨ, tɨbɨn̰ gɨyəŋn̰əŋ gaŋ bɨ, kɨya olɨn̰ Kumu ɗe kalaŋ na solge le naŋ. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Matɨyo 6:2

Hɨn̰ gɨ ji na bɨn̰ ungo gɨ ba-n̰age hɨnga na, ji ɗɔɔ ba dɔgɛ-bɨla cay nee, hɨn̰ kalaŋ ga ka-yɔɔ-kɔl-kɨbɨge-sɔɔ-sɔɔ wo̰ naŋ. Kan na, kan bɨdɨn̰ge ka-n̰age hɨnga na a duroy ƴaa-daye-di-da-Jubɨn̰əŋ gaŋ bɨ, a te gɨyəŋ ga woli gaŋ bɨ, ɗe kalaŋ na hɨramgege. Aŋ yəgɨŋ daa waŋ na cɨndi: Kan wayge hɨnga kage ga ni cay kobɨge koge ɨni.

Kɔl-gɨ-Ɗari gɨ Ja̰ wal 21:17

Jesu yey gɨ ni tɨba sɨbɨdi yeyi hɨn̰: «Simo kurɨn̰ Ja̰, kɛ ji geyəŋ ga?» Pɨyɛr gusi moyi naŋ, kɨya ɨngɨre gɨ Jesu ɨngɨri gɨ ni tɨba sɨbɨdi gɨŋ yeyi hɨn̰: «Kɛ ji geyəŋ ga le?» Bɨ ban jɨga dɨbi cay nee yeyi hɨn̰: «Ba-gulɔŋ, ji sol hɨnga nɔm, ji sol kuɗa gɨ ɨŋ geyɨn̰.» Ɨni na, Jesu yeyi hɨn̰: «Hɨn̰ wo̰ na, ji gama gamge kange.

Kɔl-gɨ-Ɗari gɨ Lug wal 18:9

Jesu say dor kɨradi-kɔl ɗaŋ coŋ, kɨya bɨn̰ kalaŋ ga pɨna ga sol gusɨge leen̰ kalaŋ ga ka-lɔɔ hɨnga ga dan̰ durɔ ɗɨngar bɨ, sɨlage kamdige nɔm laan̰ hɨnga naŋ.

Kɔl-gɨ-Ɗari gɨ Lug wal 18:14

Aŋ yəgɨŋ daa waŋ, duroy kalaŋ ga sɔɔ le, ungo gɨ kɛ le jogɨ ɨndi tayi, hɨn̰ ungo gɨ dan̰ durɔ ɗɨngar wo̰. Ama Parɨsɨn̰a le jogɨ ɨndi tayi hɨn̰ ungo gɨ dan̰ durɔ ɗɨngar naŋ wo̰. Kɨya wa waŋ waŋ gɨ na laa gusi laan̰ ungo gɨ gumu na, Kumu kɨya bɨlii loon̰ ungo gɨ dḛ, ama ungo gɨ na laa gusi laan̰ ungo gɨ dḛ na, Kumu kɨya bɨlii loon̰ ungo gɨ gumu.»

Gɨye-lɔɔ 1:24

Kardi nee kan nɔm olge Kumu yege hɨn̰: «Ba-gulɔŋ Kumu, ji gɨ ba sɔlɛ ɗugoy kalaŋ nɔm le, gɨlni ungo gɨ ji ba dorii a duroy ban̰aŋ ga sɔɔ kɛ le,

Magtubu di Pol wal bɨn̰ kalaŋ ga Rɔm 8:27

Ama Kumu gɨ ba kɔbɛ te hɨnga ga woy a kuduroy kalaŋ le, ban ba sɔlɛ-hɨnga ga Turnɔ di da Kumu gey. Kɨya wa hɨnga ga Turnɔ di da Kumu ɨngɨr kɨya cay kalaŋ ga woyge dan̰ cɨndɨge le, hɨndi kɨya ɨngɨre na hɨn̰ gɨ kuduroy Kumu ba gey wo̰.